الخطأ بالتحليل غير أنو خالطين الخيارات بالمؤتمت

كان في خطأ بالأسئلة التقليدية السؤال الثاني ((أكمل الجدول))
كانت المنفعة الحدية للنقود "أهمية الليرة" (2) بدلا من (9)

*العنقاء*
وعليكم السلام وأهلا وسهلا فيك

بالنسبة للمواد اللي حاملتيها من السنة الماضية ما بدها أي شي بس وقت تقدمي بتقدمي بالقاعة تبع اللي حاملين المادة

والتظليل بالمؤتمت السنة الماضية كان حصريا بالأزرق أما الآن بالأزرق أو بالرصاص ما بتفرق
والسبب أنو سمحو الرصاص لأنو الطلاب صرعت راسن على شان إذا خربطو بشي سؤال يقدرو يغيرو الإجابة

وهلأ خبرونا عن الانكليزي كيف كان الامتحان معكن

يعني اللي بدو يقول أنو الأسئلة كانت صعبة حتما رح يكون ما دارس أبدا

لأنو الأسئلة اليوم كانت ولا أسهل وكل الأسئلة تقريبا من الشي اللي حددته الدكتورة بآخر محاضرتين

بس الشي الوحيد اللي بيضايق هو الكم الكبير للأسئلة

يعني 70 سؤال والله بيدوخو

يازلمة وين السهولة بالاسئلة ؟؟؟ صعبة كتير كانت

ههههه بس الصراحة انا مو دارسها للمادة ورحت قدمتها وحاولت محاولة بسيطة لعل وعسى تترفع

بس فعلا ما طلعت كتير عن الشي يللي محددته والدكتورة الها كامل الاحترام والله

بس عجبني النص يللي حاطته آخر شي تبع الستيودنت

وعموما انشالله الكل بينجح فيها وبمعدل كمان

موفقين

شكراً إلك أخ عبود عالإجابة....
أما إمتحان الإنكليزي كان غير شكل أحسن من هيك بينتزع
بس ما وصلت عالصفحة الخامسة إلا وعيوني عم يشوفوا الكلمة عشرة
الحمد لله على كل حال.......

وعقبال ما نخلص من الإمتحان كله..........

على فكرة من خبرة 2 سنة مع الدكتورة  رهف

لازم تتعودوا على كم كف بالامتحان بس لازم الحق أن يقال

إنو دكتورة كتير مميزة والله يجزيا عنا كل خير لأنو ساهمت برفع معدلاتنا

ويعوضا برسالة دكتوراة من هارفارد متل ما بتحلم

السلام عليكم

منيح إنك أوضحت أنو مو دارس المادة
حرام على شان الطلاب اللي ضعاف بالانكليزي ما يتخوفو من المادة
الدكتورة جابت الأسئلة وفق ما شرحت وحددت بس للأسف ما استفدنا من الإعطاء بشي
وكمان متل ما ذكرت الأسئلة كتيرة ومعك حق *العنقاء* لأنو فعلا كتير بدها تركيز

وعلى كل حال نزلت اليوم علامات الانكليزي ومبروك لكل الناجحين

أختي دينا الكم كف اللي حكيتي عنهن أنا أكلتن بالصحة والهناء
وعلى كل حال الدكتورة رهف أنا برأيي أنها حبابة بس أنا كتير بنتقدها بطريقة الإعطاء
وأنا بناء على أسئلة الدورات وجهت دراستي لجهة والأسئلة ما إجت مثل العادة
وعلى كل حال أنا كمان بتمنالها الخير للدكتورة والله يحققلها كل أحلامها

كيف كانت القانون برأيكن

أنا لاقيت أنو الطالب اللي دارس أقل ما يمكن أن يحصل عليه هو النجاح

بس للأسف في بعض الأسئلة اللي أربكتني كتير

بس المادة نسبيا كانت سهلة خاصة أنو ما جابت الدكتورة شي من الخارجي ومن السندات بشكل عام
وكمان الشركات ما كان في هالأسئلة اللي بدها حفظ

خبروني إنتوا كيف قدمتوا ؟؟؟؟؟؟؟؟؟؟؟؟؟؟؟؟

ههههه اي مو دارس الانجليزي والله بس ندمت خير الله ... لانو مو دارس وجبت 53 !!!

بس نصيب مو مشكلة شو بدنا نقعد فاضيين بالتكميلي يعني ههههه

وبالنسبة للقانون يعني اسخف من هيك ماشفت صراحة ... كنت عم دور على صفحات تانية تكونف يها الاسئلة الصعبة ... وعموما الحمدلله انو اجت سهلة وانشالله الكل برفعها ...

موفقين

القانون كانت اسئلتا حلوة بس بدها تركيز بحسب رأيي
انشالله نرفعها 

السلام عليكم

أنا حابب أحكي عن الامتحانات كلها
الحمد لله ماطلعت من امتحان إلا وبكيت
ترفيع مادة الحمد لله أسهل من أكل البسكوتة
أما أنك تجيب العلامة اللي بدك اياها أو اللي بتتوقها هي الشيء المستحيل بعينه
يعني أول ما دخلت الكلية قلت بدي جيب 100
بالفصل الثاني قلت يالله 90 بتكفي
وهلأ بالسنة الثانية عم قول 80 يالله منيح
والله يستر بعدين ما يصير بدنا نحلم بالترفيع

أنا ما حابب جيب الإحباط لحدا على العكس يا شباب بالإصرار كل شيء بيتحقق بإذن الله
وإن شاء الله الكل بيشوف العلامات اللي بيستحقها وبيتوقها
وموفقين إن شاء الله