مع اقتراب الامتحانات ..وبدء الدراسة الجدية الفعلية
احببت طرح هذا الموضوع ..حيث سنتابع اخبار دراسة كل شخص والى اين وصل
وذلك كي يعرف البعض ان كان في حالة تقصير ..فيعاود الهمة من جديد
وكي يكون دافع للنجاح باذن الله
والله ولي التوفيق

يعطيكي العافية أختي أية

والله مافي نفس للدراسة وماحدا عارف لوين ماشية لبلاد........

الله بفرجا

دراسة اليوم بديت بس  كان شعور غريب صرلي زمان ما حسيت أنو طالب ولازم  أدرس  بس ما في جو ابداً للدراسة ورغم هيك  لازم رفع كم مادة  تمشية حال   

صح نزل البرنامج  او المسودة ولا لسى ما بين ؟

                  لا مجال للدراسة



ليس لدي وقت




راحت ايام زمان



انا خلصت

زفت ...اخبار الدراسة وغيرها

لا درسة ولا تدريس حتى..... يفرجها الله

المشكلة انو قرب الفحص بس الله يعينا

أوضاع الدراسة جيدة..

بصراحة بأوضاع أو بلا اوضاع الدكاترة ما رح يرحمونا...


و بكرا بتيجي الأسئلة أصعب من قبل...يلا شباب شدوا الهمة قرب الوقت يخلص

السلام عليكم و ر حمة الله
بصراحة فكرة الموضوع مميزة فشكرا للأخت آية على الموضوع
لاحظت بردود الإخوة إنو أغلبها تشاؤمية و طبعا الحق معهم  و وضعي مو أحسن من وضعهم لأنو بالفعل ما في جو للدراسة في ظل الأخبار المحزنة في البلد
عكل حال  شهر 12 لازم ندرس بكل جهدنا بإذن الله لأنو الدكاترة بالفعل ما راح يراعوا وضعنا..

الدراسة للأسف سيئة جدا جدا

وحالي كمان من حال الشباب

ما عم أحسن أدرس مدري ليش؟

الله يكون بعونا أحسن الشي.

   

شفنا هالشي بالفصل التاني..كانت الاسئلة كالمعتاد..ولم يكن هناك اي شيء خاص
يعني بصراحة حتى وضعي كمان سيء بالدراسة ولاسباب خاصة
بس بصراحة رغم الردود الغير مبشرة وطبعا كل شخص حسب وضعه
بس بصراحة تفائلت انو فعلا ممكن نلحق اذا كثفنا جهدنا شوي
يعني تقريبا هاد وضع اغلب الطلاب حاليا وليس كل طالب على حدا..
فلذلك ممكن نبدا من جديد كلنا سوا رغم جميع الظروف
والله الموفق
تحيتي للجميع

عنجد الدراسة مو منيحة ولك أهلي عم يدللوني أكتر من كل سنة وقت الامتحانات ومع هيك ما عم أعرف ادرس مدري شبه مخي هي السنة آخد إجازة وبلشت بمادة المحاسبة المصرفية إلي اسبوع فيها وما عاد أعرف خلصها