السلام عليكم و رحمة الله و بركاته

أخي الكريم المدير العام للمنتدى هو يلي بيحسن يفيدك 100 %

قريباً سيعود إلى المنتدى إن شاء الله

فائق الاحترام و التقدير

السلام عليكم ورحمة الله وبركاته

بالنسبة للاستضافة صارت حاليا شغلة سهلة كتير كتير

يعني اولا في عنا استضافة شباب سوريا متل ما حكا الاخ (السوري)

والي انا كمان حجزت عندون مساحة ريسيلير كامل يعني شغلة خمسة غيغا
وبسعر مغري

وكمان فيك تروح لشركة سوا او شركة آية وتاخد عندون مساحة
والاسعار متقاربة كتير بين الشركات وحتى بمواصفات الاستضافة

ومساحة 100 ميكا شغلة كتير بسيطة  يعني مثلا فيك تشوف العروض من موقع سوا

http://www.sawaisp.sy/companies_services/hosting_offers.php?type=linux

مقر الشركة بالجمارك

او عروض شركة آية
http://aya.sy/Services/webhosting/linux.php
وياسيدي حتى عاملين حسومات كمان وتبادل بيانات 8 غيغا

مقر الشركة بالبحصة - ساروجا

واذا عندك اي سؤال تاني لا تتردد

شكراً للأخوة على الرد


أخ كودر بس سؤال للمدونة بسيطة بكفي الترافيك اللي عما بحكي عليه يعني شيء 2-3 غيغا

مساحة ريسيلير كامل

ممكن تقلي شو معنى مساحة ريسيلر

السلام عليكم ورحمة الله وبركاته

اخي hamas

الاستضافة من نوع ريسيلر (Reseller)  هي عبارة عن اعادة بيع الاستضافة

يعني هي نفسها الاستضافة العادية  ولكن الاختلاف :

اولا حجمها اكبر وثانيا فيك انت تساوي حسابات للعالم  وتعطيهم مساحات من عندك من دون ما تروح تججز من جديد عند الشركة وهاي الاستضافة هي خاصة للعالم الي بيشتغلو بمجال البرمجة لانو  بيشترو ريسيلر واحد وبيحطو عليها خمس مواقع مثلا  طبعا انت بتساوي لكل موقع حساب منفصل على الريسيلر الي عندك بحيث بيكون كل موقع منفصل عن التاني وبنفس الوقت موجودين على ريسيلر واحد ^_^

بس طبعا اذا ما عم تشتغل  بمجال البرمجة  فانت مو بحاجة للريسيلر بتاتا

وبنرجع للاستضافة العادية ولسؤالك انو لمدونة عادية اديش  بيكفي الترافيك

لوووووول  الترافيك بيعتمد على زووار موقعك  وتانيا والاهم  على محتوى موقعك  يعني اكيد اذا موقعك بيعرض فيه الفيديو طبعا وئتها بتحتاح لترافيك عالي
بس اذا غير هيك بظن 1 - 2 غيغا ممتاز لمدونة (مقالات و صور )


ملاحظة : بالنسبة للمساحات الغير محدودة لووووووول ( حكي جرايد ) مافي شي اسمو مساحة غير محدودة  اطلاقا والشركات هي بتحط لانو بتعرف راح ينجذبلها العالم  وعن خبرة ^_*

بالمناسبة موقع الجامعة موجود على استضافة شباب سوريا ^_^ 

جزاك الله خيراً أخي على المعلومات نسأل الله أن يوفقك لما تحب وترضى

بس كمان استفسار صغير

الشركات العالمية اللي بتقدم
المساحة : لامحدودة
الترافيك : لامحدود
قواعد البيانات : لا محدود

إلخ

كذب مع أنو مواقع حاصلة على جوائز عالمية مثلاً موقع atspace.com

السلام عليكم ورحمة الله وبركاته

اخي الكريم المساحة الغير محدودة حسب معلوماتي وحسب ناس جربوها
تقدر ب (900 غيغا)

طبعا اذا شفنا هيك استضافة ^_^ مباشرة بيخطر على بالنا انو طيب ليش ما بنساوي موقع متل اليوتيوب ونحمل هل فيديوهات حتى اللانهاية (^_^)

يمكن لو كنت بدال الفيس بووك واليوتيوب ما كنت رحت ساويت سيرفرات خاصة حئها هديك الحسبة لا بروح بحجز شي كم استضافة  :
غير محدودة المساحة + غير محدودة الباندويث + غير محدودة القدرات !!!

ملاحظة حسب معلوماتي الترافيك ممكن يكون غير محدودة  طبعا بيختلف معها التكلفة

بس النواحي التانية المتعلقة بالهارد ديسك ومواصفات السيرفر من معالجات ورامات  (طبعا من ضمنها قواعد البيانات لانو هي كمان بدورها موجودة عا الهارد ديسك) كلها محدودة

طب خلينا نشوف هل مقال الرائع
http://www.albazy.com/others/1949
الي بيأكدلنا كمان انو الشركة عم تتابع شو نوعية موقعك (مو تعمل يوتيوب تاني عندون على سيرفراتون ^_^)

او حتى هل موضوع
http://www.traidnt.net/vb/traidnt1990181/


فأنت لا تعقد حالك نهائيا  يعني شوف (منتدى جامعة دمشق ) عدد الزيارات عليه قوي جدا وحتى صرلو زمان يعني حجم قاعدة البيانات صاير كبير شوي
ومع هيك موجود على استضافة عادية وشغال وعين الله عليه ^_^

شكراً أخي على الأفادة بس بتضل أحسن من الأستضافة الوطنية


على كل حال أنا ما بحسن غير أعمل موقعي على أستضافة سوريا

سؤال تاني أذا بتعرف بهل الموضوع في تحايل شيء على جوجل أدسنس بظل العقوبات على سوريا

خاصة أنو في بالي مشروع برمجي يمكن يفيدني بهل الموضوع

وشكراً  أخر سؤال والله  عذبناك