السلام عليكم......
بالنسبة للحضور أخي الكريم بكلية الإقتصاد غير مطلوب بس ضروري كتير تداوم ببعض المواد لتحسن تنجح ورح خبرك عن كل مواد السنة التانية:
1_ محاسبة الشركات : الحضور ضروري لحتى تفهم المادة ومن جهتي مستحيل أفهم هالمادة بدون حضور
والدكتورة هي رشا حمادة عصبية كتير بس إعطائها وشرحها للمادة ممتاز
2_ القانون التجاري : مادة نظرية متل القانون المدني بإمكانك دراستها من المحاضرات بدون ما تحضر دكتورة هالمادة هي الدكتورة سهيل الجندي ومن جهتي بحبا وبحترما كتير وبحضر محاضراتها
3_ مبادئ التمويل : هي المادة مشوقة وحلوة مبدئياً الحضور مو مهم كتير خصوصي إنو دكتور المادة عم ينزل سلايدات مبسطة للمادة بالمكتبات بس بعدين يمكن تصير المادة بالحضور أوضح كونه فيها معادلات وهيك شي
4_ الإنكليزي 3: المطلوب من هالمادة 21 صفحة من الكتاب فقط لا غير ونزلو بالمكتبات بالإضافة لقصة رح قوم بتحميلها للمنتدى إن شاء الله عنوانها one minute manager بالإضافة للمحاضرات يلي رح تعطيهن الدكتورة رهف السمان وبالمناسبة محاضرتها كتير حلوة ومهضومة وأسئلتها سهلة
5_ التحليل الجزئي: هي المادة فيك تدرسا لحالك من المحاضرات بس بالحضور بتصير أوضح وأسهل
6_ المعلوماتية : شو بدي قلك لقلك عن هالمادة على كل حال ما بدي شائمك بس يمكن وحسب رأيي الشخصي اذا ما حضرت بكون أحسن إلك وما بتتعقد والكتاب مطلوب
إنشالله كون حسنت فيدك وأي سؤال تاني أنا جاهزة ...........
سؤال لكل طلاب الاقتصاد 
