وعليكم السلام عبد الهادي :

لا شكر على واجب ....
بس ادعولي الله يوفئني وأنا على طول بدعيلكون"
الله يعافيك ويحميك يا رب
اي والله كتير حبيت محاضرة اليوم ..
يمكن أسهل شي أخدناه بالبرمجة.

اقتباس

والله خطك حلو كتير أنا خطي ما بينقرأ أبدا

شكرا عبد الهادي .
"والله طمنتني فكرت المحاضرة مو حلوة إذا مو مطبوعة عالكمبيوتر"

كنت حابة اعرف رأيكون بالمحاضرة منشان على طول نزلها بخطي .... بتعرفوا قرب الفحص وهيك أسرع وأسهل ..

صحي اليوم نزلوا معدلاتنا بالسنة الأولى وأخيرا تذكروا...

أهلا لمى

الله يوفقنا دائما لفعل الخير نحنا وأنتي

بالنسبة لكتابة المحاضرات بخط إيدك
أكيد بتوقع ما في مشكلة وعلى شان ما تأثر على وقتك وتاخد من وقت الدراسة
والمحاضرة فعلا مرتبة

وعلى شان المعدلات السنة الأولى مبروك نجاحك

بس أنا ما نجحت الحمد لله بس ترفعت أكيد
حامل مادة ( الثقافة ) ما قدمتها على التكميلي لأنو كانت كميتها كبيرة والدكتور ما كان عاجبني
والسبب الثاني أنو ما قدمتها كان رفيقي يقنعني أنو بكرة ما بيكتبو على شهادتك أنك كنت حامل الثقافة بالسنة الأولى   

بس إن شاء الله ناوي اطلع على السنة الثالثة ناجح ونظيف ما معي ولا مادة

موفقة إن شاء الله

السلام عليكم ورحمة الله وبركاته

الله يبارك فيك عبد الهادي وانت كمان مبارك الترفع والمعدل الحلو مع انو متأخرة
رح يخلص الفصل الأول
والله معك حق مادة الثقافة كانت كتير غليظة
وأنا ما حضرت منها غير شي محاضرتين بس الحمد لله رفعتها 80.
والله السنة التانية بدها شغل كتير
وحاسة حالي مئصرة شوي بالدراسة خاصة القانون هي المادة الوحيدة يللي ما حضرتها.
الله يعيننا ويوفقنا جميعا وما يضيعلنا تعب

" اللهم اشرح لي صدري ويسر لي أمري"

تمنياتي لك بالتوفيق وإن شاء الله منترفع عالتالتة بأحلى معدل..

السلام عليكم ورحمة الله وبركاته

المحاضرة 14 مادة المعلوماتية 2
تحدثنا عن كيفية التعامل مع الملفات الثنائية ذات النوع
مع بعض الأمثلة .
لا تنسوني من صالح دعائكم .

http://www.jamaa.net/UP/53559/%E3%CD%C7%D6%D1%C9_14_%E3%DA%E1%E6%E3%C7%CA%ED%C9_2.pdf

اعذروني عالتقصير في كتابة محاضرات التحليل الجزئي
لأني ما بكتب المحاضرة حتى أفهمها بالكامل وهاد الجزء من الكتاب بدو تركيز وفهم كتير وخاصة الرسوم البيانية.
بس إن شاء الله قريبا جدا بتنزل المحاضرات الثلاثة ..

بأمان الله

وعليكم السلام 

الله يبارك فيكي أختي لمى
بس والله نقشت معك الثقافة   

بالكلية نزل كمان أسماء الطلاب الأوائل
معدلات السنة الثانية ما شاء الله كتير عالية وممتازة وهذا مؤشر إيجابي أراح أعصابي على أنو فينا نحصل علامات عالية بالمواد إن شاء الله

والله يعطيك العافية كمان على المحاضرة   

بالتوفيق إن شاء الله

اقتباس

نزل كمان أسماء الطلاب الأوائل

ما شفتون وين موجودين؟

اقتباس

معدلات السنة الثانية ما شاء الله كتير عالية وممتازة وهذا مؤشر إيجابي أراح أعصابي على أنو فينا نحصل علامات عالية بالمواد إن شاء الله

الله يريح أعصابنا جميعا .... وإن شاء الله نقدر نرفع معدلاتنا
لأنو صحيح أنا مرفعة كل موادي بس معدلي 75,8  يعني لازم هالسنة يكون أحسن من هيك بكتير إن شاء الله....

دمتم سالمين

اقتباس

نزل كمان أسماء الطلاب الأوائل ما شفتون وين موجودين؟

موجودين على لوحة الإعلانات بجانب المدرج الأول إلى جانب برنامج الامتحانات للدورة الاستثنائية للسنة الرابعة

إن شاء الله منكون كل سنة أحسن من اللي قبلها

السلام عليكم ورحمة الله وبركاته

*المحاضرة الخامسة عشرة *

http://www.jamaa.net/UP/53559/%C7%E1%E3%CD%C7%D6%D1%C9_15_%E3%DA%E1%E6%E3%C7%CA%ED%C9.pdf

بأمان الله

السلام عليكم ورحمة الله وبركاته

المحاضرة السادسة عشرة
آخر محاضرة للدكتور عثمان نقار
وهي عبارة عن تمارين متنوعة في لغة التربو باسكال

وفي المحاضرة القادمة سنبدأ بلغة الدلفي مع دكتور جديد

أتمنى لكم التوفيق *

http://www.jamaa.net/UP/53559/%E3%CD%C7%D6%D1%C9_16_%E3%DA%E1%E6%E3%C7%CA%ED%C9.pdf
_______________________________

اللهم احقن دماء شعبنا السوري البطل
*حماك الله يا وطني *
     
_______________________________

دمتم ســــــــــالمين *LAMA

اللهم إنك عليم بحالنا وغني عن سؤالنا

اللهم فرج عنا هذا الغم يا الله

جزاك الله خيرا