لا شكر على واجب أخي عبد الله
لا تنسوني من صالح دعائكم

"وقـل اعمـلوا فسـيرى الله عـملكم ورسـوله والمؤمنـون"

السلام عليكم ورحمة الله

بصراحة الله يعطيك العافية أختي لما
يعني أسرع وحدة بتنزيل المحاضرات

عن جد العضو المميز بمنتدى الاقتصاد

الله يقوينا على طاعته ويجعل هذا العمل في صحيفة أعمالنا

دمت بحمى الرحمن

وعليكم السلام ورحمة الله وبركاته

الله يعافيك أخي عبد الهادي
والبركة فيك وبالجميع
محاضرات المحاسبة رائعة كتير بس كأنو الانكليزي ما عم تنزل المحاضرات ليش
بدي اطلب طلب انو إذا كان في أي غلط بالمحاضرة
حتى لوكان صغير تنبهوني عليه ولكم جزيل الشكر
لأنو كتير بهمني انو تصل المادة العلمية بالشكل الصحيح

والله يوفئنا ويقوينا على طاعته....

أختي لمى بالنسبة لمحاضرات الانكليزي
أول شيء الوقت ضيق شوي
والشيء الأهم أنو ما عم بعرف كيف بدي أكتب المحاضرات بالضبط

بس رفقاتي اقترحوا أنو تكون المحاضرات ترجمة للسلايدات والشي اللي عم تحكي الدكتورة بالمحاضرة

بس أنا عندي اعتراض على الطريقة بالاعطاء
يعني الدكتورة ظريفة وعين الله عليها بس والله مدووخ كتير
بصراحة طريقة الدكتور لؤي بتعجبني أكثر وحسيت حالي أنو كنت استفيد أكثر

وبالنسبة للمحاضرات اللي عم تكتبيها أنا ما درستها لسا

إن شاء الله إذا كان في أي ملاحظة بنبهك عليها
وكمان إذا عندك أية ملاحظة على المحاسبة خبريني
لنرتقي نحو الأفضل

الصراحة معك حق أخي عبد الهادي
طريقة اعطاء الدكتورة ما بتقوينا باللغة الانكليزية أبدا
بس بتعطينا المحاضرات لنجيب علامات
حلو انو نجيب معدلات عالية بس كمان لغتنا الانكليزية تتأثر مشكلة.
الدكتور لؤي كتير حسنلنا مستوانا بالانكليزي
ومع هيك الدكتورة حبابة وظريفة وبتحبنا بس لو تحكي أكتر بالانكليزي بكون أحسن
حتى الدراسة حاسة حالي ضعت ما بعرف من وين بلش بهي المادة

وبالنسبة لكتابة محاضرات الانكليزي كتير صعبة وأنا بوافقك بكلامك
بس إذا بتنزل السلايدات  والملاحظات المهمة والأشياء الهامة للامتحان بكون منيح وكافي ووافي  ما في داعي للترجمة خلينا نعمل مجهود شخصي وكل حدا يترجم لحالو أحسن يمكن هيك منستفاد أكتر وإذا في شي كلمة ما عرفناها منسأل عليها...
ما بعرف إذا بيعجبك الاقتراح بس هيك بعتقد أنسب شي....

وأكيد محاضرات المحاسبة رح ئلك إذا كان في شي غلط ....... الاسبوع القادم بدي ارجع ادرسها من الأول لركزها أكتر......
وإذا بتنبهني عأخطاء المعلوماتية بكون ممنونتك بتعرف التعليمات كتيركتار والمادة فيها دقة كتير وجل من لا يخطئ ....

بتمنالك التوفيق

تماما هذا اللي رح يصير

إن شاء الله قريبا رح ارفق محاضرة توضيحية في اللغة الانكليزية من شأنها أنو تساعد الطلاب في دراسة اللغة الانكليزية حتى يحصلوا على علامات عالية
وهيك إن شاء الله بكون ساعدت على تحقيق هدف الدكتورة

إقتراحك يناسبني تماما وفيه تحقيق لهدف الدراسة الجامعية أنو الطالب يشتغل على حالو
الأسبوع القادم عطلة العيد كل عام وأنتم بخير
رح خصصه للدراسة إن شاء الله
وبعد العيد رح يكون في تفاعل أكبر مني حتى قدم أكبر قدر ممكن

موفقة أختي ................ دمت بخير

مرحبااااا اصدقائي
اول شي لما شكرا كتير ع تعبك بالمحاضرات
كتير مرتبين ومفهومين
انا عم ادرس برمجة
وبصراحه مرق عندي غلط بظن بالمحاضرة 3
بس ما خبرتك دغري
ان شا الله بكرا بشوف شو هو وبرجع بكتبو هون

الله يعطيكي العافيه ..

ABOOD 1993

الحمد لله انو ناسبك الاقتراح
وإن شاء الله بعد العيد الكل يرجع لنشاطه
خاصة بعد ما نكون درسنا التراكمات يللي علينا
دمت برضى من الرحمن


زوزو...............
كيفك صديقتي العزيزة .... شو أخبار الدراسة؟؟
اي والله يا ريت عزيزتي كل ما شفتي غلط نزليه هون بالموضوع
وأنا بالمحاضرة التالية برجع بنوه عليه .....
جزاكي الله خيرا
أنا نزلت خطأين واحد بمخطط التدفق والتاني بتعليمة السابق pred
بتمنالك التوفيق  

اي والله ما شاء الله على اخت لمى يعني اسرع شي ماشاء الله ماشاء الله ماشاء الله

مع اني ما عم ادرس معلوماتية اول باول بس عنجد مجهود الك كل الشكر عليه
وكمان مشان اقتراح المحاضارات باللغة الانجليزية انا كمان مع هالاقتراح تبع انو تنزلها بالانجليزي والترجمة تكون مجهودنا الشخصي

وعلى كلن الله يقدرنا على مكافاتك

كيفك لمى ..
والله انا وصلت لمحاضرة رقم 5
بس في شغلتين لفتوا نظري
اول شي بالمحاضرة التالتة صفحة رقم 4
عند الانماط الموسعه للمتحول الصحيح integer ...
1- المتحول الصحيح الطويل long integer
مجاله انتي كاتبة +2 أس 13 ............... -2 أس 31

طبعا سوري ماعرفت اكتب الرقم غير هيك 



بس المهم الخطأ هو بالعدد الموجب المفروض 31 مو 13 حسب الجدول المرفق اخر صفحة بالمحاضرة والارقام الموضحة فيه

.
.
.