اليوم إجى الدكتور ابراهيم حمود ... صاحب قسم " المنشآت المطمورة " ...

اممممممممممممم ... حكى كتير وحكيه إلى حد ما مفهوم ... بس ما فهمت شو دخلو بتصميم المنشآت المطمورة ؟!  

بالتوفيق للكل ...

مرحبا

عندي سؤال وخاصة لطلاب الخامسة

التكنلوجيا أديش بدها دراسة للنظري كم يوم

ولو قارنناها بمواد البناء 1 .... مين بياخد وقت أكتر

موعد مذاكرة القسم الأخير من مادة الخرسانة 3 ... " الرياح " يوم الخميس 3/5/2012

حسب الزمر :

2-3-7-12 .... الساعة 1.30

1-4-5-6 .... الساعة 2

8-9-10-11 .... الساعة 2.30

بقاعة المطالعة ...

موفقيييين ...

هلق التكنولوجيا طبعا أكبر من مواد البناء 1 يعني مواد البناء 1 تختصر بحوالي 80 صفحة ,,, اما التكنولوجيا فيمكن إختصارها لحوالي 120 صفحة ,,,,

اما قديش بدها لتنحفظ فهي بترجع لقدرة الشخص ذاتوا على الحفظ ,,,, بس للعلم عندك بالتكنولوجيا أبحاث ممتعة ومابتعذب لتحفظ مثلا:

بجوز تتعذبوا بأول تلات محاضرات يلي أخذتوها بالعملي نظرا لأنو بتحتوي على كتير تعاريف وتصنيفات ,,,,,, وكمان بتتعذبوا شوي بآخر قسم تبع القوالب لأنو بتنعطى آخر شي عالسريع

بس فعليا المادة بدها على الأقل 3 أيام اذا دارس فيها بقلب السنة وأكثر من ذلك في حال مو مقرب عليها ,,,, وكل شي بيتعلق بقدرة الشخص يلي عم يحفظ 

لازم يتغير الإسم ليصير عضو نشيط الله يعطيك العافية على إعلاناتك المتواصلة

سلام

شكرا شكرا عمر عالمعلومات

واضح انها بدا شغل وحفظ

بس منيح متل ما قلت فيها أبحاث ممتعة تساعد عالحفظ

بالتوفيييق إلك وللجميع

مرحبا

سؤال بمشروع التكنولوجيا 

بحساب المسافة المتوسطة لجرف التربة بالطريقة التحليلية وبالطريقة التخطيطية  لازم شو بيكون الفرق بين قيمة Lm بالطريقتين (اكبر قيمة مسموحة )؟؟؟؟

شكر على المعلومات عمر ... ومظبوط متل ما قلت أنا كنت عم اتصفحها ولاقيت أنو بعض الأبحاث  مواضيعها مقبولة ( بس مو ممتعة ) ... يعني بتصور بحث الصخور بمواد البناء بغلاظته والبصم يلي فيه بيطلع قد عشرة من مواضيع مادة التكنولوجيا ككل ...

عندي سؤال عن بحث القوالب ؟؟ ضروري تنحفط النوطة كلها تبع هالبحث ما في شي مهم اكتر من غيرو وبيتكرر بالدورات بحيث نتختصر منها ؟؟؟

لازم يتغير الإسم ليصير عضو نشيط الله يعطيك العافية على إعلاناتك المتواصلة

 شكرا ... الله يعافيك يا رب ...

*****

بالنسبة للجسور النظري ...

سبق وانذكر بهالموضوع أنو الدورات بتكفي ... يعني ما في داعي أبدا نفتح محاضرات النظري ... بس مندرس الدورات ومنكون خالصين ؟؟؟!

ويا ترى نزلو الأسئلة النظرية الأكثر تكرارا ( يلي كاتب عنن بأسئلة الدورات ) ؟؟؟

*****

بحساب المسافة المتوسطة لجرف التربة بالطريقة التحليلية وبالطريقة التخطيطية  لازم شو بيكون الفرق بين قيمة Lm بالطريقتين (اكبر قيمة مسموحة )؟؟؟؟

المهندسة عبده قالت ممكن توصل لل 10 متار ... بشرط انو لو رجعت عادت الحساب ما تلاقي ولا غلط ...

 بالتوفييييق ...

عندي سؤال عن بحث القوالب ؟؟ ضروري تنحفط النوطة كلها تبع هالبحث ما في شي مهم اكتر من غيرو وبيتكرر بالدورات بحيث نتختصر منها ؟؟؟

هلأ إذا كنتي ناوية تجيبي معدل مرتب بالمادة فبرأيي إنو تحفظي النوطة كلها لأنو ما بتعرفي شو بيجيب الدكتور وأنا ما بدي خوفكن ..بس للصراحة حسيت قسم هالدكتور مو مضمون يعني نحنا وحظنا .. ممكن يجيب رسمات وبيسأل أسئلة استنتاجية نحنا يلي كنا نحضر نصفن ساعة بالإجابة  وممكن يجيب سؤال دورة ..طبعاً هو ركز على فقرات أكتر من فقرات ونفس الشي بالنسبة لمحاضرة التفجير وكل قسمو تقريباً هيك ..

بالمناسبة المحاضرة الجاية بالتكنولوجيا آخر محاضرة نظري يلي بيحب يحضر ..

بالتوفيق للجميع

بحساب المسافة المتوسطة لجرف التربة بالطريقة التحليلية وبالطريقة التخطيطية  لازم شو بيكون الفرق بين قيمة Lm بالطريقتين (اكبر قيمة مسموحة )؟؟؟؟

المهندسة عبده قالت ممكن توصل لل 10 متار ... بشرط انو لو رجعت عادت الحساب ما تلاقي ولا غلط ...

اذا مسموح 10 امتار تمام

لان طلع الفرق معي تقريبا 7 امتار

ان شاء الله نحنا كمان يكون مسموح 10 امتار  لان القيمة اللي طلعت معي حسيتها كبيرة ومابعتقد انو عندي خطأ بالحسابات

شكرا كتير على الرد

وبالتوفيق للجميــــــــــــــــع

المشكلة انو مودائما بكرر بهي النوطة ,,,, بس اذا حسنتوا تلحقوا تحفظوا هالنوطة الكبيرة ((يعني انا وصلت للنوطة ومادرستها لاني حسيت حالي بديت بالمادة من جديد)) فاحفظوا التعاريف واقروها قراءة سريعة من باب تكتبوا تعريف صح وكم كلمة وبتاخدوا اربع او خمس علامة لانو التعريف عليه حوالي علامتين ,,,,,

اي هلق 99% الدورات تكفي وبالنسبة للأسئلة النظرية الأكثر أهمية يلي وعدت بتنزليها فإن شاء الله قبل بعدما نخلص إمتحانات عملي بنزلها عند عمو أب محفوظ ,,,,,, وبجميع الأحوال فالمادة مابتتحمل أكثر من يومين ا, ثلاث أيام دراسة ,,,, فلاتخافوا منها ,,,

سلام