السلام عليكم كيفكم؟
أول شي مبروك لكل الطلاب يلي ترفعو
أنا ضايعة ومافي حدا يساعدني
يلي عندو معلومات بيقدر يفيدني مشان مشروع التخرج
شو رأيكم بالدكاترة وشو المشاريع السهلة والحلوة
يلي عندوا معلومات يساعدني

مرحبا
اول شي مبروك الترفع عالخامسة
     

بخصوص مشروع التخرج انتي ما سألتي شي محدد

طبعاً بخصوص الدكاترة ما فيكي تقولي عن دكتور مو منيح ( اسمو دكتور)

و المشاريع السهلة و الحلوة حسب انتي شو بتحبي ( انشائي,ادارة,مائية,طرق,جسور,بيئة, ........ ) حسب انتي بتختاري بس غالبية الطلاب بتختار انشائي لانن بيجيبوا مشروع جاهز من سنوات سابقة بس هاد غلط لانو صدقوني مشروع التخرج هوي اهم شي

و موفقة انشالله و بتمنى تكوني دقيقة بالسؤال اذا انا ما عرفت جاوبك

     

بسم الله الموفق
مشروع التخرج الانشائي هو تجميع لعدة أمور درسناها في السنوات السابقة
تصميم البلاطة تصميم الأعمدة تصميم جدران القص الحصير أو الأساسات
درسنا تلك العناصر بمشاريع أو وظائف صغيرة
هنا في مشروع التخرج يتم الربط بين القيم و النتائج

الدكتور عبارة عن مشرف يرى ما تقدمونه من أعمال و يحاول أن يكون منتقد ومرشد للخطوات بشكل عام فقط

النصيحة التي أقدمها للذي يريد مشروع انشائي :
1- تقديم المشروع هو عبارة بالنهاية عن لوحات تفصيلية لكامل العناصر
وهذه اللوحات مشروحة بملحق الكود الثالث
يعني أول خطوة اشتروا ملحق الكود رقم 3
2- اختيار المشروع السهل و الذي لا يحرمكم من لذة الهندسة
برج سكني متناظر مثلا ( العبرة ليست بدراسة 25 جائز و هدر الوقت على حساب مواد الدراسة و الذي كل جائز يحتاج لتفريد تسليح و تفصيلات متماثلة )
3- التعلم الحقيقي على برنامج ايتابس و الذي يفيدكم بشكل جوهري في تصميم جدران القص ( إذا بدكن فقط و فقط )
4- النسخة الرابعة المختصرة من برنامج جواد ممتازة
و إذا الحالة المادية منيحة فزيادة الخير خير النسخة الكاملة تفيدكم في تفريد الجوائز (يعني رسمها على الاوتوكاد )
نصيحة : بالجواد المختصرة ادخلوا على تعليمات ثم مثال فيديو محلول لتروا الفرق قبل الشراء
5- المعين الهندسي برنامج جربته لطيف و يساعد في اختصار الوقت* بعد التمكن منه*


المشروع الانشائي
عبارة عن مسقط معماري و هو الأساس
1- يوقع عليه المهندس المدني أماكن الأعمدة و يختار أماكن جدران القص (طبعا حسب اختياره للجمله هيكلية جدارية اطارات ....)
2- يفرض سماكات مبدئية للبلاطات
3- من خلال نمذجة بسيطة جدا على الايتابس يجد هل جدران القص محققة أم لا
4- بعد الاختيار المبدئي و المنطقي للأعمدة وجدران القص
نصمم البلاطات و جوائزها ( المتكرر غالبا هوردي و بلاطة القبو غالبا مصمتة )
5- إلى هنا المفروض خلص الفصل الأول الدراسي و أتممتم اللوحات
****أهم شئ اللوحات , المذكرة الحسابية ماحدا بطلع عليها
        المذكرة الحسابية عبارة عن خطوات بسيطة فقط حتى تنظر أنت كمهندس و تعرف من أين جئت بالأرقام  , لاداعي لهدر الوقت و الاطناب بها
العمل المنظم و المقسم يريح
5- تصميم الأعمدة  وتصميم جدران القص و تفريدهم
6- تصميم الأساسات


يعني بالنهاية مشروعكم هو عبارة عن لوحات تشابه بتفصيلاتها ملحق الكود 3
و بمذكرة تبين من أين جئتم بالأرقام ( مو ضروري التقيد مثل الملحق انت مجاز
بس شدة التفصيل تعكس مدى شطارة و فهم المهندس حيث لا يحتاج الناظر على اللوحة لأي سؤال استفساري )
يعني الشغل الجد هو باللوحات و تفصيلاتها

لا أنصح أبدا أبدا بالمشروع الجاهز إلا للإطلاع
يعني هذا المشروع الذي ستتمعن فيه خلال عام كامل
هو عبارة عن عمل روتيني مستقبلا إن شاء الله

أعذروا طول روايتي
و حبذا أن يكون ظلي خفيفا عليكم زملائي الأكارم

eng.mhmood

شكراً كتير كتير على هالشرح ، أنا استفت  منو ، وإن شاء الله رح أعمل بهي النصائح

الله يعطيك ألف عافية ويجزيك كل خير


       

السلام عليكم مشكور كتير أخ

eng.mhmood
على هالمعلومات الشاملة والوافية الله يعطيك ألف عافية
أنا كتير استفدت وان شاء الله الباقيين يفيدونا بمعلومات مارة عليكم
وشكرا

إذا حابة ما تتعذبي ويكون المشروع سهل جدا حتى ممكن تلحقيه بأسبوع فبنصحك ومن خلال تجربتي إنك تعتمدي على قسم الإدارة ............

عنجد بدي أشكركم كتير كتير
• ^ ^
مهندس حيران
سلامي الكم

طيب مشان مشروع الإدارة اذا حدا بيقدر يساعدني ويعطيني فكرة عنو.. لأنو عم فكر آخدو

إدارة عند الدكتور الحفار

إذا بدك تاخدي إدارة خديه عند الدكتور شكري البابا لأنو رئيس قسم وغالباً بيتواجد بالكلية وبالو طويل نسبياً