السلام عليكم
بتمنى حدا يجاوبني من طلاب او خريجي الجيولوجيا عن مجال التوظيف بعد التخرج اذا كان متاح بسهولة ولا صعب الحصول على وظيفة
ومشان الاعلانات عن الوظائف انا شفت اغلبها او كلها بيطلبوا خبرة لاتقل عن خمس سنوات طيب كيف بده يكون عندي خبرة اذا كل الشركات عم يطلبوا خبرة ومافي مجالات للمتخرجين الجدد  لحتى يصير عندهم خبرة

مع العلم انا من المنطقة الشرقية (المنتجة للنفط)

صديقي هي المسخرة عم نتعرضلا كلها

يعني كل الشركات عم تطلب خبرة

مثلا عنا بالمحاسبة عم يطلبو لا يقل عن سنتين

طيب من وين رح لاقي حدا يبيض سنين خبرة

مافي

المهم بهالحالة

بظن لازم تتدرب يعني ببلاش

انا بقيت تقريبا سنة

بشركة حتا صار عندي خبرة متواضعة جدا بمجالي وبلا راتب
وبعدها لقيت شغل براتب قليل كتير
يعني هيك انت عم تجمع سنين خبرة
وربي ييسر

و عليكم السلام :


أخي الكريم العمل بمجال الجيولوجيا بعد التخرج مو سهل بس كمان مو مستحيل , أنا تخرجت من جامعة دمشق من حوالي سنة و نص و حالياً معيد بجامعة البعث .

أكبر عقبة بتواجه الخريج هيي الخدمة العسكرية فإذا كنت خادم جيش أو معفى بتكون اختصرت نص الطريق .

بالنسبة لمجالات التوظيف :

1 - شركات النفط : بدك تحاول تراسل كل شركات النفط و الشركات الاستشارية الي عم تشتغل بسورية و بجوز يكون حظك منيح و يكون عندن شواغر بس أهم شرط متل ما حكينا ( إنهاء خدمة العلم ) , و الوظيفة غالباً ما بتكون Geologist  و إنما  mud logger 
و الراتب بالبداية حيكون متواضع شوي لبين ما يصير عندك خبرة .


2 - المؤسسات الحكومية : بدك تستنى الإعلان عن  مسابقة تعيين بوزارة النفط أو وزارة الري أو غيرها , ويفضل بهالحالة تسجل بمكتب التشغيل ( مع اني بعتقد انو حيلتغى ) , و كمان حتواجهك مسألة خدمة العلم .

أو بدك تحاول تأمن عقد مؤقت عن طريق معارفك 



3- التوظيف بالجامعة كمعيد :

و هي فيلها طريقتين :

أ - تحاول تطلع الأول على اختصاصك و إذا حظك منيح بكونو طالبين معيد من هالاختصاص

ب - تقدم على مسابقات المعيدين الي عم تعلن عنها الجامعات .


4 -و الحل الأخير إذا سكرت بوشك هو  السفر


انشالله كون قدرت فيدك ......  بتمنالك التوفيق


سلااام