مرحبا 

بدي اسألكن كم سؤال بالتجهيزات وبتمنى انو تساعدوني

اول سؤال :

بنوطة العملي لمنصور محاضرات السنة الماضية .. بالمحاضرة العاشرة الاخير

بمسألة التيار المتنازل صفحة 73

بدي اسألكن من وين جاب cos@L=0.89 ؟؟

تاني سؤال :

كمان بنوطة العملي لمنصور

صفحة 36

بالحل بطريقة ماكسويل

ليش طلعت المعادلة :

E1-E2 = m (r1+r2 )-nr2?

يعني قصدي ليش +r1 مو -r1

لاانو جهة التيار I2 عكس جهة M





وشكرا كتييييير

وصلت الفكرة

شكرا كتير الك .. عذبتك معي

وان شاء الله بترفعها معدل وانا كمان برفعها حتى لو مو معدل

اليوم كان فحص التجهيزات .. شغلللللللللة
يمكن لو حدا قلي بقلب الفحص إنو نحنا بمقلب كاميرا خفية يمكن كنت صدقت ..لأنو اليوم بجد.. كانت ورقة الأسئلة ..بتضحك
5 أسئلة نظري أخذوا معي بدون مبالغة 4 أوراق امتحانية وأكتر من نص ساعة
المسائل .. 4 مسائل ..معطيات ما لها لازمة معطية و معطيات لازم تنعطى ما انعطت
في مسألة لحالها بدها حل عالأقل عالأقل نص ساعة ( على افتراض إنو قارئينها بالدورات    أما يلي مو قارئها فما حلها لأنو الوقت لا يتسع للتفكير يتسع فقط للكتابة )
كنت هلأ لسا بلشت بالمسألة الثانية قال المراقب بقيان نص ساعة ..حسيت صار معي يلي  بيقولولوا بالطب العمه البصري  ..لك آآآآآآآخخخخخخخ
يمكن هي أكتر مادة من مواد الجامعة درستها وفهمتها وتآلفت معها  وأكتر مادة انقفشت منها ..بعد كتابة 3 محاضرات بالأسبوع لهالمادة و انسحاب من فحص الفصل الأول كرمال جيب علامة منيحة وتعب بهالمادة هلأ وبقلب الفصل ..اليوم أنا ما بعرف إذا بنجح أو لاء ...بس ما بقول إلا حسبي الله ونعم الوكيل ..حسبي الله ونعم الوكيل

وأنا بتأسف عالإطالة بسس ...هاد كلو غيض من فيض ويلي جاية أعظم 

آها والله انا نسيان انو اليوم أول مادة , معناتا قرب فحصي   


ما تحمليها كتير Black Tulip , معاناتا على حكيك بتطلع معدل باذن الله والله ما بضيع تعب.

الفصل الاول هيك صار معي , كتبنا بالنظري يلي قد ما كتبتي ما بتقولي حاجة.
وحليت أول مسألة صح عأساس والتانية تلت رباع صح والتالتة نص صح والأخيرة ولا شي منها صح , وجبنا بالنظري  44 !!! , مع انو كنت متوقع احملها. بعد كل هالتخبيص

ان شاء الله باقي المواد تجي احسن.

باالتوفيق للكل.

إي والله الفحص كان شغللللللللللة ... هي التجهيزات كلها على بعضها شغللللللللللة 

ان شالله يصير معي شي معجزة وتترفع بعد التخبيص يلي خبصتو ... بلا ما عيد عملي   

الحمد لله على كل حال ...

********

  Black Tulip 

طولي بالك ... وان شالله يارب بتاخدي على قدك تعبك وعلى قد ما ساعدتيني( ما قصرتي والله ) ... ووقتها بدي حلوانين ... حلوان المعدل ... وحلوان الدكتواره الفخرية بالتيار المتناوب     


موفقين يا رب ... 
 

انا كتير متدايقة
طلعت من الفحص على اساس بتنجح معي المادة
قمت اكتشفت انو انا شايفة انو عامل التهوية بالمسالة الاولى هو واحد ... وبالورقة طلع واحد ونص !!!
وهاد الرقم بيأثر عكل المسالة
شو ممكن يحاسبني؟؟
معقول يحذفلي كل علامة المسألة ؟؟؟؟
وياترى الدكتور بيحط علامات عالقوانين؟؟

هي والله هل المادة معتة ودمها تقيل 

ما كرهت مادة هل السنة أدها  غير الخرسانة

بس ما دام الكل مضروب فيها مو معقول يكسروا علامات الكل وإن شاء الله يا رب تقدروا ترفعوها

وسمعت أنو هل الدكتور بحط علامات عل الخطوات ولو إني ما لي متأكدة من هل الشغلة بس هيك سمعت

وبظن صح لأنو الفصل الماضي كمان كنت مفكرة حالي أحملها قام رفعتها 67
((وجبنا بالنظري  44 !!! ))

نفس العلامة يلي جبتها

وإن شاء الله يا رب تتوفقوا بالباقي

موفقين يا رب  

سلام   

((انا كتير متدايقة
طلعت من الفحص على اساس بتنجح معي المادة
قمت اكتشفت انو انا شايفة انو عامل التهوية بالمسالة الاولى هو واحد ... وبالورقة طلع واحد ونص !!!
وهاد الرقم بيأثر عكل المسالة
شو ممكن يحاسبني؟؟
معقول يحذفلي كل علامة المسألة ؟؟؟؟
وياترى الدكتور بيحط علامات عالقوانين؟؟))


بحل أول مسألة بآخر دورة مكتوب ... (( إذا أخطأ الطالب بحساب n و m ... وأكمل الحل بشكل صحيح يأخذ نصف العلامة )) ... ما بعرف إذا هاد بيعني إذا أخطأتي بأي مسألة بشي خطأ وأثر على الكمالة بتاخدي نص العلامة ... ان شالله يكون هيك ...   

أما علامة على القوانين ... ما بعرف ... يا ريت !!!

*********

(( بس ما دام الكل مضروب فيها مو معقول يكسروا علامات الكل وإن شاء الله يا رب تقدروا ترفعوها))
 
ما بظن الكل ... أكيد في مين طالع منيح ...

على كل حال ... ان شالله تندفش ...


موفقين ...


     

اقتباس

معاناتا على حكيك بتطلع معدل باذن الله والله ما بضيع تعب.

إن شاء الله ولو إني ما بظن أبداً
الله ما بضيع تعب ..أكيد
على كل حال أنا بعرف إنو رب العالمين له تدابير وأقدار يمكن ما نقدر نفهم مغزاها أو الرسالة منها بسرعة بس لازم نسلّم فيها كيف ما كانت ونعرف إنو هاد هو الخير إلنا 

اقتباس

ان شالله يصير معي شي معجزة وتترفع بعد التخبيص يلي خبصتو ... بلا ما عيد عملي   

الحمد لله على كل حال ...

إي والله الحمد لله على كل حال ..يا رب يا بحر ترفعيها والله إنتي ما لك مخبصة كتير أنا متفائلة مشانك

اقتباس

وان شالله يارب بتاخدي على قدك تعبك وعلى قد ما ساعدتيني( ما قصرتي والله ) ...

الله يسامحك يا بحر والله ما ساعدتك بشي محرز

اقتباس

ووقتها بدي حلوانين ... حلوان المعدل ... وحلوان الدكتواره الفخرية بالتيار المتناوب

خلص تكرمي ..وإلك عليي حلوان الدكتوراه بالتيار المتناوب رغماً عن التجهيزات ودكتور التجهيزات وفحص التجهيزات       

اقتباس

ما بظن الكل ... أكيد في مين طالع منيح ...

يلي قرؤوا من الدورات بظن طلعوا مناح ..

بالتوفيق للجميع