اقتباس

بس القسم التاني .. لا .. ابدا مو هيك .. بدو فهم و تركيز .. و على مهل .. و يا ريت .. كل محضر ينحكى عنو شوي .. و شو الشغلة الاساسية اللي خلتكم اتقولو انو هاد المحضر هيك هيك .. انا بعتزر منكم .. إزا كنت عم شد عليكم شوي بالاجوبة . . بس انا متأكد انو انتو فهمانيني .. و متأكدين انو لمصلحتكم .. و لا شو .. في كلام غير هل الحكي (( استرجو )) ؟؟

لا لا مافي أبدا حكي وفهمانينك منيح معقول يعني   ما منسترجي نحكي 

طيب ماشي رح احكي عن المحضرات يلي جاوبت عنها ....

أول واحد : لأنو اللون أزرق ومافي لون أزرق غير بالسل والمتفطرات السلية لونها أحمر مشان هيك هو سل ايجابي

التاني: لانو شفنا النيسريات يلي شكلها يشبه حبة البن وكريات بيضاء مفصصة وسائل قيحي بلون زهر

التالت: هو قشع والبورليات واضحين فيه واللي شكلها حلزوني والا لو ما شفناها منقول مزدوجات رئوية

الرابع : مبين انو جمرة من شكلها واصطفافها يلي بكون بشكل سلاسل

انشالله يكونو الاجوبة شاملة وصحيحة حتى لو ماكانو هيك حدا بيسترجي يحكي شي 

عم امزح ها اذا في شي غلط قولولي 

موفقين ....بااااي

أوففففففففف  يا  لطيييييييييييييييييييييييييييييييف  ماذا حدث في غيابي

فجأة رأيت ثلاث صفحات ممتلئة بكلام ولا أروع من ذلك

السبب الذي يمنعني من المشاركة معكم هو أنني أحب دراسة العملي بالذات قبل يوم الاختبار

فاعذروني يا أعضاء المنتدى ......

عنجد أنا هالمرة بوافق canine باللي قالوا تمام .........
الأجوبة بتجنن ويسلموا كتير و كمان أنا ما كنت عم جاوب لأني ما خلصت دراسة بس هلأ في شي ما عم أفهمه أنو الكل عم يحكي عن المحضرات و الأنابيب (بس) طيب شو مشان الأسئلة النظري؟؟؟؟؟!!!!!!
طيب ممكن تجاوبوا على هالأسئلة (ما بعرف جوابها):
لماذا يستخدم الكزيلول؟
ما أهمية زيت الأرز؟
وإذا بتعرفوا أسئلة نظري نكشة أو بتخربط بتمنى تكتبوها.........  

هلا الله يسلمكن مع انو كنت متوقعة مشاركتكم معنا بس يلا مو مشكلة والله يفتح عليكم وعلينا ....

المهم بالنسبة لاسئلة النظري والله معك حق بهي يا عليا

رح جاوب على سؤال من أسئلتك بعرفو بس التاني ما عندي فكرة عنو

هلأ فائدة زيت الأرز : حتى لا تختلف قرينة الانكسار بين العدسة العينية والعدسة الغاطسة

وهي كمان أسئلة من الزمر يلي قدمت قبلنا :


1-عرف قوة التكبير في المجهر

هي حاصل ضرب تكبير العدسة العينية بتكبير العدسة الجسمية


2-ماهي الملونات الاساسية في طريقة غرام؟

الملون الاول بنفسجية الجونسيان
والتاني يمكن أحمر الفوكسين بس مو متأكدة من الجواب كتير اذا بتعرفو خبروني


3-لماذا تتلون عصيات السل باللون الأحمر ؟

لأن جدارها الخلوي يحوي حموض متفطرية وشموع بنسبة 60% مما يجعلها مقاومة لتأثير الحمض والكحول أثناء التلوين فتبقى محتفظة باللون الاحمر

هلأ نموذج تاني :



1- ما هي وظيفة المكثفة في المجهر ؟

تجمع الاشعة الضوئية بحيث يقع محرقها على الشيئ المفحوص

2-لماذا تكون المكورات العنقودية ايجابية الغرام؟

لأن جدارها الخلوي مكون من طبقة سميكة من ببتيد وغليكان فتبقى محتفظة باللون البنفسجي

يسلموا إيديكي يا بيان و الله يعطيكي العافية.......
بتوقع أنو جواب أحمر الفوكسين صح

مشكورة دكتورة بيان على الجهود المبذولة .. هلأ صار للمنتدى في قوة .. 

بخصوص أجوبتك صحيحة ان شاء الله .. الله يبارك فيكي ..
بس بكرا رح تاخدو محضرات لونها أزرق غير السل .. 

و دكتورة عليا .. انا ما قربت على الاسئلة  .. لانو بحر كبير ..  و المفترض تحفظو كلشي .. و قلت لحالي .. بتتناقشو هون بالردود أفضل من الاسئلة الجاهزة .. 

موفقين يا رب .. مع تمنياتي للجميع بالنجاح و التفوق 

طيب بما انو اجوبتي صحيحة رح كمل الباقي وهيك بتكون المذاكرة انتهت 
على امل انو نكون بهي الشطارة وقت المذاكرة الحقيقية انشالله


الخامس: قشع يحوي مزدوجات رئوية (متل ما قلت المرة الماضية لو كان في بورليات كنا قلنا قشع يحوي بورليات فنسان)

السادس: مكورات عنقودية من قيح لأنو منلاحظ سائل قيحي بلون زهر مع كريات بيضاء مفصصة ومنلاحظ المكورات العنقودية يلي بتاخد الشكل العنقودي عالاغلب

السابع:كمان قشع يحوي مزدوجات رئوية

التامن:يمكن نيسريات بنية كمان   

التاسع: مكورات ايجابية الغرام من مزروع

العاشر: قشع لا يحوي متفطرة سلية (لأنو ما لاحظنا شي باللون الاحمر لحتى نميزها)

الحادي عشر: اشريكية كولونية من مزروع (منلاحظ انو لونها احمر لأنو سلبية الغرام)

وآخر محضر: كأنو مكرر  


انشالله يكون كلشي تمام
موفقين جميعا ...... ادعولي امانة 

تحياتي....

اقتباس

يسلموا إيديكي يا بيان و الله يعطيكي العافية.......
بتوقع أنو جواب أحمر الفوكسين صح

هلا عليا الله يسلمك يارب ويعافيكي

خلص لكن بما انو صارو رأيين أحسن من رأي واحد معناها انشالله صح

موفقة يارب

تحياتي....