مرحبا" زملائي 

صراحة لدي مجموعة من الملفات لشرح أمثلة مختلفة في الإكسل مبعثرة على جهاز الحاسب, و ارتأيت أنه من الأفضل أن أقوم برفعها على المنتدى للإفادة العامة, مع العلم إلى أنه قد لا تكون لجميع هذه الملفات التعليمية إفادة عملية لنا خلال دراستنا, و لكن مع ذلك سأقوم برفعها وذلك لمن يرغب بزيادة معلوماته العامة في هذا البرنامج, و ليس لدي أي مانع في حال أراد أي زميل بأن يقوم بأي إضافة على هذا الموضوع
سأقوم برفع هذه الملفات على فترات , و لكن قبل رفع أي ملف سأشرح بصورة سريعة طريقة تفعيل أداة في الإكسل تدعى أداة الـ Solver و هي من أدوات الـ Add-Ins  في الإكسل (مع العلم أنه تم التكلم عن هذه الأداة عدة مرات في موضوع السنة الثالثة أون لاين)
طريقة التفعيل موضحة بالصورة التالية:



و بعد التفعيل ستجدون هذه الأداة كما في الصورة التالية:



تحياتي للجميع

الملف الأول المرفوع و الموجود في المرفقات يشرح الفكرة الموضحة في الصورة



حيث المطلوب حساب X & Y اللتان تحققان المعادلة , على أن لايتجاوزان الحدود المبينة (اكبر من 0 و اصغر من 100)

مع العلم أن لغة الشرح في الملف هي اللغة الإنكليزية و لكنها موضحة بالصور
بالتوفيق للجميع,,,

مشكور عل الشرح المفصل
صراحة شفتو عل سريع بس ما جربت طبقوا     بس كتير حبيت طريقة العرض وما بظن الواحد يلاقي أي مشكلة بالتطبيق
وبالتوفيق

السلام عليكم

مشكور أخ

h.r.u

والله عم اتعب حالك معنا

الله يعطيك العافية ويجزيك الخير

سلام

...mimi...

za3em

مشكورين كتير على مروركم, و أنا مسرور إنو كان في إفادة لألكم بهالمشاركة

تحياتي إلكم و بالتوفيق 

اقتباس

و ارتأيت أنه من الأفضل

عجبتني هي كلمة (ارتأيت)    بس صراحة ما بعرف كيف طلعت معي    (لا حدا يدقق  ), على كل حال:

مرحبا 

الفكرة المشروحة بالملف المرفق أنا بعتبرها من أجمل الأفكار يلي تعلمتها بالإكسل و بنصح الجميع بالإطلاع عليها , حتى و لو لمجرد الإطلاع.

مبدأ هذه الفكرة , مثلا" لدينا العلاقة التالية Y=a.X^7+b.X حيث لدينا جدول يحتوي عدة قيم لـ X,Y و نريد أن نعلم ما هي قيم الثوابت a,b لكي ينتج لدينا المعادلة المعبرة عن البيانات الموجودة في الجدول.
في هذه الحالة يمكننا إما الإستعانة بالحل اليدوي بإستخدام طرق رياضية معينة, أو بإستخدام برامج معينة كالبرنامج الموجود في الرابط التالي:

http://civ.jamaa.net/art265906.html

أو ما قد لا يعلمه العديد من الطلبة أنه بالإمكان إجراء هذه العملية بإستخدام الإكسل و عن طريق الـ Solver و لأي شكل لأي تابع

الملف الموجود في المرفقات يشرح الفكرة الموجودة في هذه الصورة (و التي حاولت تبسيطها بالشرح السابق) , مع العلم أنه من إعداد أحد المحاضرين في جامعة Michigan Technological University



مع تمنياتي بالإفادة للجميع
تحياتي,,,

مرحبا
يعطيك العافية عل الملفات االمفيدة
بس بدي أسألك سؤال أول ملف نزلته هون تبع solver equation كان عل power point في طريقة أحسن طبق خطوة بخطوة يعني وقت عم يكون الملف adobe reader فيني أفتح الexcel وال adobe reader سوا وأشتغل وأنا عم شوف يا ترى فيني أعمل نفس الشي مع ملف power point
وشكرا كتير 

السلانم عليكم

أخت ميمي فيك تشغلي الملف على البور بوينت

من خلال الزر اليميني و New أو جديد

وهيك ما بيشتغل ملئ الشاشه بل كسلايدات ضمن البوربوينت

وأنا جاوبت من بعد إذنك أخي h.r.u

سلام

اقتباس

مرحبا
يعطيك العافية عل الملفات االمفيدة

أهلين mimi و شكرا" إلك الله يعافيكي 

اقتباس

بس بدي أسألك سؤال أول ملف نزلته هون تبع solver equation كان عل power point في طريقة أحسن طبق خطوة بخطوة يعني وقت عم يكون الملف adobe reader فيني أفتح الexcel وال adobe reader سوا وأشتغل وأنا عم شوف يا ترى فيني أعمل نفس الشي مع ملف power point
وشكرا كتير

جواب الأخ za3em على هالسؤال كافي و وافي

و على فكرة هالمعلومة بالبوربوينت أنا ما بعرفها لأني ما كتير بشتغل على هالبرنامج , فمشكور كتير أخونا za3em على هالإفادة 

تحياتي لكم ,,,

مرحبا 

بس حبيت ذكر بالموضوع التالي عن الإكسل :

استخدام أداة الـ Goal Seek في الإكسل 2007
http://civ.jamaa.net/art262197.html

هالموضوع ممكن يساعد البعض من طلاب السنة التالتة بمشروع الطرق , هالشي حسب المشروع و إستاذ العملي.

من المعروف إنو لازم يكون في إستقامات بين المنحنيات, بس أحيانا" إذا مسار خط المشروع (طول خط المشروع) قصير , منضطر نلغي هالإستقامات لتحقيق الشروط المطلوبة , و المشكلة يلي رح تصير إنو في قيم كانت تنتج معنا سابقا" بالقوانين بتصير قيمها معنا ياها بس ما معنا المعطيات الأولية يلي رح تعطينا هالقيم بالحساب .
هلأ أنا صارت معي هالحالة وقت المشروع و حاولت كتير إعملها بالحل اليدوي بس ما وصلت لنتيجة  لأنو نتجت معي معادلة كتير كتير طويلة ما بتسعها الألة الحاسبة و مو من المنطقي كتابتها ببرامج الرياضيات من كتر مانها طويلة, و بالإخير (إخترعت) هالطريقة على الإكسل مشان ما إرجع و عيد كامل المشروع من البداية .
طبعا" هالحالة ما رح تواجة إلا عدد قليل كتير من الطلاب حسب إستاذ العملي.
بتمنى الإفادة إلكم ,
و بالتوفيق للجميع,,,