هي أنا رح بلش من عندي

أول شي اكيد رح يكون في مقدمة فيها نحكي بشكل عام عن الارشاد النفسي والاجتماعي بالمدرسة وضرورة الترابط الثلاثي الابعاد

اسرة=مدرسة=مجتمع

بعدين بالجانب النظري :ممكن ناخد اول شي التعريف بكل من الارشاد النفسي  والرشاد الاجتماعي

بعدين فينا نحكي عن كل واحد من لحال

مثلا الارشاد الاجتماعي وهد الجانب من البحث اكيد سالي معلوماتك فيه اكتر مني

بس فينا نحكي عن شغلات متل :

1-الأمور التي ادت  لوجود المرشد الاجتماعي في المدرسة

2-المهمات التي ينبغي ان يقوم بها المرشد الاجتماعي والتي ينبغي ان لا يقوم

3-دور الاسرة بالإرشاد الاجتماعي

0000000000000وشغلات كتير فينا نحكي عنها هون

أما بخصوص المرشد النفسي

كمان لازم نبدا نفس البداية مثلا

1-الأمور التي ادت لضرورة وجود المرشد النفسي

2-مهمات المرشد النفسي بالمدرسة

3-علاقة المرشد بالأهل

4-ضرورة التعاون بين الإدارة والمرشدالفسي

5-علاقة المرشد النفسي بالطالب من جهة وبالطلاب من جهة اخرى

6-المصادر التي يعتمدها المرشد النفسي

7-العلاقة الإرشادية بين المرشد والطالب اسسها ومبادئها

8-الوسائل التي يستخدمها المرشد النفسي

00000000000000وكمان في امر تانية

بعدين فينا نحكي عن علاقة علم النفس بعلم الاجتماع ومن خلالها منتطرق للعلاقة بين الارشاد المدرسي والاجتماعي

هون فينا نحكي عن الإرشاد بشكل عام كيف لازم يكون بعدين الحالة الخاصة الي لازم ينوجد فيها الارشاد مثلا اعاقة تفوق مشاكل خبرات

وبعد هالحكي لازم نرجع لنقطة مهمة وهيي التوعية توعية الأهل والمدرسة لضرورة الارشاد اجتماعي او نفسي

وكمان نحكي عن نظريات الارشاد (نفسي واجتماعي)لأنها نفسها

هي الي خطر عبالي بداية بس هي النقاط بدنا نتناولها بالتفصيل كيف يعني؟؟؟

مثلا ناخد كل مرحلة لحالها

أما الجانب العملي بشوف انو نعمل استبيان ودراسة حالات مثلا مرشد نفسي ومرشد اجتماعي الاستبيان منطبقو عالطلاب

مابعرف سالي وزهرة انتو شو رأيكن؟؟؟؟؟؟؟؟؟؟

مرحبا:

أهلين مشرفتنا الغالية.
اهلين بسالي خانم
واهلين بعشتار حبيبة قلبي.

بالنسبة لللموضوع كتير مهم وبنفس الوقت مفيد.
اكيد بالنسبة الي حابة اشاركم بهذه الفعالية.

وعفكرة انا صحيح عم ادرس اعلام بس كمان عم ادرس علم اجتماع يعني انا من اهل البيت ههههههههههههه

راح ابلش احكي.

بالنسبةموضوع عشتار هوكتيرحلو
بس انحكى عنوكمان كتير
بس بدي اقولشغلة بدنا نقترح اكتر من موضوع ويكونوا مواضيع مختللفة وكمان تشد انتباه القارئ اليها انا دائما اشدد ع هذه الناحية

اذا متفقين ع هذا الموضوع راح اساعدكم واتمنى نختار مرة تانية مواضيع ترفع من قسمنا هو علم اجتماع ونعمل دراسات عنو ونوسع ونطور

اتمنى تقبلو مروري
سلامو
بايو
رنا

من جديد ياهلا بعشتار واهلا رنا  ....

رنا ممكن تعطينا افكار ومواضيع ... بما انك عندك افكار تانية بس لحتى نكون متفقين

خلينا ضمن نفس الدائرة ويلي هيي متل ماقالت عشتار ( الطالب ,الاسرة , المدرسة )

وخلينا نلقي الضوء على المنهاج الحديث وتأثيرو عالطالب وياترى المشكلة بالاستاذ ولا بالمنهاج وياترى شو الهدف من تغيير المنهاج ....

خلينا ضمن هالدائرة نعطي افكار ...

وانا رح حط افكار وبرجع ومنسق سوى ضمن هالدائرة ... اما موضوع الباحث الاجتماعي والنفسي  فبفضل مانحكي عنو لحتى مايكون موضوع خاص او بالاحرى من اختصاص المرشد الاجتماعي والنفسي ... لأن بدنا يكون بحث عام كل العالم تهتم فيه ...

وبانتظار افكاركم ...

تحيتي

سالي

صباح النور.............

بالنسبة للمواضيع راح أبلش احكي عدة مواضيع خطرت ع بالي :

بس بالاول بدي اذكر بان احنا بدنا نعمل استبيان يعني لازم تكون مواضيع قريبة من ناس وتكون ميدانية اكتر من المواضيع النظرية .

من المواضيع الميدانية :

• 
  
  انا حابة هذا موضوع شخصيا هو موضوع عن سحر بس كيف راح نركب صياغة ضمن دائرة  بدكم تحكو عنها. امكن مابينفع هيك موضوع ضمن دائرة.

كمان حابة اقول شغلة بماانو احنا عم نحاول بتطوير قسمنا بدي اقول انو في كتير اشخاص مابيعرفوا علم الاجتماع شو هو بالاصل ومابيعرفوا لما طالب او طالبة من ينهي دراستو شو هو بيكون ؟

-تاثير النت ع  الطلاب وتحصيلهم الدراسي . واذا بدنا نعمل اشكالية بهذا الموضوع ماهي

دوافع الطلبه عند دخولهم الى النت ؟

-بان هل النت يحقق لهم منفعه علمية او ثقافية.او مجرد لتسلية وهروب من واقع الدراسة.

ماهي نظرة الاهل نحو استخدام النت ؟وماهو دور المدرسة في توعية من مخاطر سوء استخدام الانترنت

لان بصراحة انا شايفة هذا موضوع مهم لان هلا جميع الاعمار عم يستخدمو الانترنت بس هل يمتلكون الوعي الكافي ليتجنبو مساؤى ؟

هذا رأي اتمنى تقبلو هذه الافكار مبدئية اذا وافقتو ع مبدأ نبدأ نفكر بمواضيع اقرب الى ميدان .

سلامووووووووووو

بايووووووووووو

رناااااااا

طيب هلأ موضوع رنا  معاصر

انا بجبلطن مقدمة وخاتمة وانت كملو ههههه.

اذا منلاحظ الانترنت في ابعاد شخصية واجتماعية

يعني مناسب لعلم الاجتماع وممكن أن يربط بعلم النفس



الشخص المستخدم للانترنت يواجه كبت مثلا ؟



أو عنده أزمة  نيتجة مشكلات أسرية ؟

برأيي لازم نقسم  المهمات بين بعض مشان الموضوع يكون مناسب وما يكون عبئ على عضو

بتمنى يكون في مشاركة أكتر من طلاب التربية و علم الاجتماع والفلسفة

خاصة اذا حابين تعملوا بحث ميداني بالمجتمع السوري

رغم أني ما استوعبت الاهداف  والخطط بس مستعد شاركم بأي عمل حتى استفيد وفيدكم ان شاء الله .



مع التحية والسلام

حددت العناصر الاساسية للمخطط بناء على اسلوب البحث العلمي لعلم الاجتماع ويلي بيتضمن اول خطوة فيه تحديد مشكلة البحث بدقة ووضع التساؤلات والفرضيات ... وحاولت قارب بين الافكار قد مافيي ..

  بس الموضوع الاساسي هوو :

بحث في تدني مستوى التحصيل الدراسي للطالب :

وهالشي بيتمثل بثلالث نقاط أساسية : (الأسرة , المدرسة , الإرشاد) وبعدين بيتشعب عن هالنقاط  امور متعددة منها الاعلام والانترنت .... حيكون البحث كبير ومالنا مستعجلين خلينا نشتغل عليه  على مهل .. وبدون وقت وحدد مبدئيا ..

وهللئ المخطط الأولي :

أولاً: الأسرة : رح نطرح عدة تساؤلات نشتغل عليهم  ويلي بحب يضيف  بأي فقرة  يضيف ...

وكمان عنا جانبين هنن : 1- جانب الأهل :

هل يؤثرالمستوى التعليمي للأسرة على مستوى التحصيل ؟؟

 هل تؤثر نوعية الالعاب على ضعف التحصيل؟؟

 هل لتوجيه الاسرة للطالب دور كبير في مستوى تحصيله

 هل دور الاسرة في اعتماد الطفل على نفسه يؤثر في التحصيل الدراسي؟؟

هل لحجم المنزل دور في ضيق الافق والمدارك العقلية وضعف التحصيل؟

2- جانب الطالب نفسو:

 هل وسائل الإعلام منها الانترنت والتلفزيون تعزز التفكير السطحي للطالب وبالتالي ضعف التحصيل ؟

هل تؤثر نوعية الألعاب السهلة والجاهزة على ادراك الطفل وميله للإهمال لتحصيله الدراسي وكسله؟؟

وهون رنا ضيفي شو مابدك بخصوص الانترنت واذا كانت عم تأثر عالتحصيل ... هاد القسم الك ..

هللئ منجي لـ  ثانياً: المدرسة :

هل عدد الطلاب داخل الصف تؤثر على التحصيل الدراسي للطالب؟

هل لأسلوب الاستاذ في اعطاء الدرس دور في التحصيل الدراسي  للطالب ؟

هل يكون الأسلوب التلقيني وعدم اعتماد اساليب حديثة  علاقة بجذب فكر الطالب وبالتالي تحسين مستوى تحصيله ؟

هل المدرسين  المعاصرين كفوئين بإيصال المعلومة للطالب وتحسين مستواه الدراسي ؟

هل لوسائل الايضاح والأساليب المساعدة  دور في تحسين المستوى التحصيل الدراسي للطالب؟

وهللئ ثالثاً: اختصاص عشتار  الإرشاد النفسي والاجتماعي :

وانا من عندي عندي تساؤلات هيي:

 هل الإرشاد فقط للطالب؟

هل للمرشد دوره الفعال في المدرسة ككل؟

هل يهتم الارشاد بالحالة النفسية للطالب داخل المنزل وداخل المدرسة أيضا ؟؟

اما خطة العمل حتكون : رح نقسم كل فقرة على عضو من الاعضاء والافكار يلي حكو فيها رنا ,, وعشتار يمكن خلص تقسمت اذا مادامو حابين الفكرة  وطبعا انا حطيت التساؤلات لساعدكم وانتوا ضيفوا عليها يلي بتحبو  ,,, هللئ هي التساؤلات هيي علاقات ترابطية  بدنا نتأكد من صحتها من خلال استبيانات او مقابلات او دراسات سابقة ... يعني بالاسلوب يلي بتحبو  بس بشرط ذكر المصدر ونوعية الطريقة ان كانت استبيان او مقابلة او دراسات سابقة  لحتى نتأكد من مصداقية المعلومات لأن بدنا بحث حقيقي .... وانتوا هون بيظهر ابداعكم و قدرتكم عالتحليل واعطاء النتائج ...

وهللئ انا بانتظار ردودكم وبانتظار كل واحد يختار الأفكار يلي حابب يدرسها ويبحث فيها ...  عفكرة بعرف انو بحث كبير بس مالنا مضطرين  نستعجل حتى لو  اخد معنا وقت  ... المهم النتيجة تكون  حقيقية  ..  ويلي عندو تعليق يقولوا بس ياريت يكون بناء مو مجرد تعليق يعني اذا عللق عشي موعاجبوا يصحح ويحط فكرة بديله عنها ...

بانتظار تفاعلكم وردودكم ....

تحياتي ....

همام اهلا وسهلا فيك ..

بانتظار مشاركتك  ... انت حكيت عالنت افكار حلوة بانتظار تعليقك  واضافاتك المهمة  وبانتظار مناقشة البقية  بس بدنا نتفق اهم شي ونقسم اافكار ونحددها 

همام اهلا وسهلا فيك يلا حدد افكارك   ...

تحياتي ...

سالي..

الموضوع كتير حلو وشامل 

صفي نشوف بقية الاعضاء 

و رح ساعدكن بأي شي تحتاجوه نشالله 

شكرا لك سالي على مجهودك و  نشاطك الفاعل 

هاد العمل كتير مهم و بفيدنا كلنا مشان هيك نحنا ما منقصر بأي اقتراح 

موافق على المشروع بقوة 

همام نورت بمشاركتك ..

متل ماقلت تمام  ..... ونحن مالنا مستعجلين .... المهم النتائج ... اي تعليق او تصحيح على يلي ذكرتوا  ياريت تقولوا  ...  وتفكروا منيح نجمع افكار مهمة ....

نشالله بحث موفق

مرحبا سالي

انا موافقة ,وان شاء الله ابدا بتجهيز الافكار ونطرحها للمناقشة وبعد موافقة

يبدأ الشغل الفعلي

عفكرة حبيت تقسيمك شكرا ليك

سلامو

بايو