شكرا على الرد

بس القرص اللي معي اوتوكاد 64 بت مو 32

طيب في كبسة browse أو بالعربي إستعراض

مشان تعيين القرص

وقت تكبسي عليها

رح يطلب ملفات بالإسم 

بتفتحي عل قرس وبتحدديها وممكن يكمل عملية التنصيب بسلاسة

الحقيقة متل ما إلتلك مشكلتك كتير عامة وما بقدر حدد الحل

سلاااااام

مرحبا بالكل  

هل موضوع صرله زمان ما انفتح ويمكن صار وقت ننفض الغبار عنه بالفصل الجديد  

عندي سؤال صغير ... ببداية هل موضوع في طريقة تحويل ملف أوتوكاد لملف سهل التنزيل عل وورد ومشكور كتير صاحب الموضوع مرة تانية عل موضوع المفيد  

بس طلعلي مشكلة وقت فتحت الملف... طلع الحكي كله بالمقلوب ومقطع ...

وهي الصورة


يا ترى شو الحل لهل المشكلة ؟؟ شكلها المشكلة مارقة قبل بمرة بهل الموضوع بس بطريقة تانية ... بس ما كتير فهمت شو لازم أعمل لحتى يمشي الحال

موفقين يا رب  

مرحبا

في طريقة يتم من خلالها تحويل ملف الاوتوكاد الى صورة ويتم ادراج هذه الصورة  في برنامج الوورد ولكن هذه الطريقة تنفع فقط اذا كان TEXT مكتوب باللغة الانكليزية

لذلك من الافضل اذا كان ملف الاوتوكاد يحتوي احرف عربية استخدام COPY ومن ثم لصقه بملف الوورد  مع مراعاة تفعيل خاصية LWT الموجودة في الاوتوكاد للمحافظة على سماكة الخطوط والالوان المستخدمة بالرسم وكذلك قبل نسخ الملف اضغطي على دولاب الفارة مرتين لتقريب الرسم ثم حددي الرسمه وانسخيها الى الوورد.

انا هي الطريقة يلي بعرفها واذا في حدا بيعرف حل لهي المشكلة يخبرنا

بتمنى كون اقدرت فيدك

بالتوفيق للجميع

 

 

اقتباس

بس طلعلي مشكلة وقت فتحت الملف... طلع الحكي كله بالمقلوب ومقطع ... وهي الصورة يا ترى شو الحل لهل المشكلة ؟؟
 

هلق أتبعي الخطوات المبينة بالصورة التالية ,,,, وإن شاء الله بيمشي الحال ,,,,




سلام

كتبت الرد وطار  

شكرا كتير إلكم  

المهندسة1
ما خطرلي فعل هل تعليمة بالأوتوكاد ولاحظت وقت نقلت الصورة عل وورد طلعت الخطوط يا دوب مبينة ... وطلعت بلون رمادي كتير فاتح

بس هلأ بجرب فعل التعليمة لحتى يغمقوا الخطوط
(بس ما زبطت ال copy عندي حطلي error )

شكرا كتير إلك  

omar
بس عندي سؤال بالنسبة للصورة يلي نزلتها
كيف منحول الملف ل pdf (ما بعرف أبدا بهيك أمور     )
فهمت من الصورة يلي منزلها أنو الملف لازم يكون محول ل pdf ويا ترى نفس الشي لو حولته لصورة عادية متل مو عاملة؟

وشكرا كتير إلك والله يجزيكم كل خير  

اقتباس

بس عندي سؤال بالنسبة للصورة يلي نزلتها كيف منحول الملف ل pdf (ما بعرف أبدا بهيك أمور ) فهمت من الصورة يلي منزلها أنو الملف لازم يكون محول ل pdf ويا ترى نفس الشي لو حولته لصورة عادية متل مو عاملة؟ 

هلق الطريقة يلي حاططها تقريبا لأي طابعة ,,,,,

أما بالنسبة للطابعة يلي إسمها PDFCreator فهي بتحول أي ملف إلى PDF

هلق شو الفائدة من تحويل لـ PDF :
1) سرعة وسهولة بالتعامل مع الملف عند الطباعة بأي مكتبة ((يعني مابقلك انو انضرب الفونت يلي بملف الأوتوكاد ومابقلك مقياس الرسم قديش ومابقلك بدك ياها بسماكات ولابدون سماكات................)) مباشرة أمر طباعة بسيط وسريع.

2) إمكانية طباعة الملف بأي مكتبة عادية ((يعني مو مضطرة تروحي على مكتبة وتكون منزلة برنامج الأوتوكاد أو برامج خاصة)).

3) أسعار الطباعة تكون أقل فمثلا طباعة صفحة بمقياس A4 بأي مكتبة ((قبل غلاء الأسعار)) كان 1 أو 1.25 وفي حال كان الملف A4 بس أوتوكاد فتسعيرتوا 10 ل.س ففي فرق منيح بالسعر أذا في صفحات كتير.

بإمكانك تزوري هالموضوع وتحملي برنامج  PDF Creator ,,,,,,,,,,

موفقة

شكرا كتير إلك  

والله يعطيك العافية  
                                                                                     

موضوع اصلاح هالمشكلة بيرجع لنوع الطابعة و للأسف طابعات التحويل لصور Raster (إذا صح التعبير) ما بتدعم هالخيار.
رح قلك الشي يلي أنا بعملو دائماً و بيعطيني نتائج كتير حلوة
اطبعي الملف لـ pdf و عملي متل الصورة يلي رفعها عمر مشان يزبط الخط
هلأ لازم تكوني منزلة الـ adobe acrobat (و ليس الـ adobe reader يلي معظمنا منزلو) و كمعلومات عامة برنامج الأدوب اكروبات نفس برنامج الادوب ريدير بس بميزات كتيرة متل تحويل لـ pdf و التعديل عليه الى حد ما, و التحويل من pdf للوورد ...الخ
هلأ بعد ما صار الملف pdf صدريه كصورة متل مو موضح تحت , و بيعطيكي صورة كتير حلوة و واضحة , و بتشهي لحتى الواحد يحطها بالوورد
بالتوفيق