سنة أولى تااااااااائه - منتدى جامعة دمشق

مشاركة : 4

حمامة بيضا

جامعـي اســتثنائي

كيف أحزن والله ربي ....

مسجل منذ: 17-04-2008
عدد المشاركات: 605
تقييمات العضو: 0
المتابعون: 9

غير موجود
اشــترك بالتحديثات
رسالة مستعجلة

رد مشاركة : سنة أولى تااااااااائه

29-10-2010 05:26 AM

مرحبا أخ عبادة ..

إنت نزلت موضوع قبل هاد في نفس الاسئلة وأنا جاوبتك ..

بس مو مشكلة برجع بقلك هون .. طبعاً بناءً على تجربتي بالسنة الاولى ..

اقتباس

بدي اعرف انا اشتراك بالمحاضرات في السنة الاولى في مكتية عرفة هل مكتبة جيد بالمحاضرات

مكتبة عرفة أفضل مكتبة للحقوق .. لإنها مختصة ..
وتقريباً تلات أرباع طلاب الحقوق بيتعاملو معها .. وفي كتير طلاب من السنة الأولى للسنة الرابعة درسو من محاضراتها .. واتخرجو ..

اقتباس

وانشالله بنجح وهل مضمونة بآذن لله؟

ان شالله بتنجح ... والمضمون بيعتمد على دراستك .. يعني المحاضرات بتكون كافية عن الكتاب .. بس طبعا مو بكل المواد .. بقى على قد ما بتدرس على قد ما بتلاقي نتيجة ..

اقتباس

وهل اذا ما حضرت المحاضرات في الشهر الثاني (لانو في ظرف)وتابعت المحاضرات في
الاشهر الباقية,هل بتآسر على دراستي؟ ( ارجو التفصيل)

الحضور وعدمه بيعتمد على ظروفك .. يعني إذا قدرت تحضر بيكون منيح ..
وإذا ما قدرت مافي مشكلة .. في حال .. إنك رجعت تابعت دراستك أول بأول ..

اقتباس

وكيفية دراسة كل مــــادة؟؟

مواد الفصل الأول :

العقوبات ف1 : هي بتعتمد عالكتاب . والمحاضرات بتكون مساعدة إلى جانب الكتاب , لإنها بتحتوي على مسائل عملية .. لا زم تتدرب عليها , لإنو بيجي منها بالفحص ..

الدستوري : هلأ أنا لما قدمتا كانت مؤتمتة يعني درست من المحاضرات ,بس هلأ رجعت تقليدي يعني بظن إنو ممكن تحتاج الكتاب .. بس آسفة هي المادة يا ريت تسأل عنها مرة تانية ..

التشريعات الإجتماعية : هي بتندرس من المحاضرات ..

الشريعة الإسلامية : وهي كمان من المحاضرات , مع إنها تقليدي بس الكتاب صعبة الدراسة منو , وغالبا المحاضرات بيكون مكتوب فيها كل شي مهم ومطلوب .

اللغة الأجنبية , اذا كنت إنكليزي : والدراسة من المحاضرات وأسئلة الدورات . والمادة كتير سهلة , وبتترفع معك من أول مرة .

المدخل إلى علم القانون : أنا بشوف إنو المادة كتير ممتعة . ودراستها حلوة , ومن المحاضرات بتقدر تدرسها , المادة كتير سهلة , وبتقدر ترفعا بمعدل ان شالله ..

أنا جاوبتك بناءً على تجربتي بالسنة الأولى ..
وأكيد الطلاب ما بيقصروا , وكل واحد عندو معلومة , ما رح يبخل فيها ..

بتمنى كون قدرت ساعد ولو بشي بسيط ..

وبتمنالك التوفيق والنجاح ..

« عرض آخر مواضيع العضو »

ملتقى طلاب جامعة دمشق

أنت غير مسجل لدينا.. يمكنك التسجيل الآن.