1 دكتور انت بتستمتع باعطاء المحاضرة للطلاب و لا وصلت لمرحلة ياس من وخاصة من يلي جاي بكرا لانو العدد كبير و المدرجات يا دوب عم توسع الطلاب ويلي عم يشوف وسمع اول 5 مقاعد اما الباقي فلا حياة لمن ينادي
2 شو رايك ب محاضرات العملي و التفقد و نسبة كبيرة من الدكاترة ما عم تاخذ تفقد و الى متى
3 كل الطلاب اتكالهم على مكتبة ركن الهندسة بدي تقيمك للمكتبة و شو رايك فيا و يلي عم بيقدمولنا ياه
و شكرا

المهندس حسام بلوط برأيي هو أفضل مهندس من جميع النواحي
فلا تستطيع أن تجد أي سلبية عنده
أما سؤالي فهو:

أستاذ حسام اذا في مجال توضحلنا العلاقة بين ما ندرسه الآن من مواد في الكلية
وبين العمل بعد التخرج فهل لازم يكون المهندس المتخرج  فهمان ومتذكر كل شي مر معو خلال سنواتو الخمسة بالكلية وشو المواد يلي برأيك هي الأساسية ليكون المهندس ناجح

السلام عليكم

يعطيكن العافية على الموضوع المميز
في هذا الأسبوع كانت لي أول محاضرة لهذا المهندس
وعرفت انه مهندس فهمان ومحترم متل ما حكولي عنه
والسؤال اللي بحب أسأله اياه:

دائما في المنشآت الضخمة ( ناطحات السحاب ، الجسور والسدود  ، ..... ) نعتمد على أيدي أجنبية سواء في تصميمها أو تنفيذها
السؤال : ماذا ينقصنا كطلاب هندسة مدنية في جامعة دمشق ليكون عملنا في المستقبل بكفاءة عملهم ولكي يُعتمد علينا في ذلك .

وشكرا

عن جد شكرا كثير على هالفكرة الرائعة المهندس حسام بلوط رائع و ما في حدا بالمدني ما بحبو ....
سؤالي الو ...
أولا كلنا عم نلاحظ ضغط مواد البيتون و  اختصار خمس بيتونات الى ثلاث مواد خرسانة و نحنا منعرف انو هيك احسن بالنسبة للوقت مشان نلحق مواد تاني بس يا ترى هل هذا الشي بينعكس سلبا على فهمنا للبيتون ... كونا مادة اساسية
تاني سؤال : الكل بيقول و انا اشك في هذا انو نحنا لم نتخرج و نطلع عالورشي ما رح نستفيد شي من دراستنا هي المواد بالكلية و لازم نرجع نتعلم من الخبرة بالورشي و من المعلم النجار قديش مدى صحة هاد الكلام

السلام عليكم و رحمة الله و بركاته

شكرا للشباب اللي طرحو الفكرة

شكرا للمهندس المتحضر الرائع حسام بلوط  على موافقته للقاء

السؤال  

ما سبب الضغط في المواد هل هو كثافة مواد المائية ؟؟؟ و هل تؤثر على المواد الانشائية """الاهم """

كيف يمكن للطالب المتخرج حديثا الدخول في سوق العمل - خاصة في الدول الاخرى "الخليج . اوروبا  . الخ " وهل يمكن للشاب السوري المنافسة اما مهندسين متخرجين من جامعات اكثر تقدما - من ناحية المنهاج و التجهيزات -  ؟؟؟؟؟؟؟؟؟؟؟؟؟؟

السلام عليكم
في البدء جهودكم مشكورة يا شباب ع الجهد المبذول لاستمرارية التواصل بين طلاب الهندسة المدنية
حابة ضيف سؤال باعتقادي يهم الطلاب بشكل عام
اولا بسبب الغاء الأختصاص واسلوب الاعطاء والامتحان والمنهج المقرر وكثير اسباب اخرى
كثير من المواد تعاملنا معها باسلوب يسعى للنجاح او الانتقال للسنة التي تليها ولكن بما اني  (انا مثلا )هلئ سنة خامسة حاسة حالي ......................      
واحكيها بخجل شديد اني رح اتخرج وانا مو فاهمة شي
ولو حتى ترتيب وآلية العمل وما هو متبع مآخوذ به بشكل عملي وما هو اللذي حكي نظري لا يطبق غير بالكتاب

يعني بالسنة الخامسة لدينا مادة السدود -سكك حديدية-محطات معالجة وكل هذا على سبيل المثال لا اكثر تعطى لنا ونحن على ثقة بالحياة العملية عند انشاء سد او سكة او محظة ما في جهة حكومية او خاصة تتعامل مع مهندسين سوريين وانما الوجهة لخبراء اجانب


المهم نحن بحاجة لشي عملي
لحدى مثل المهندس حسام ينصحنا 
بعد التخرج ؟  ماهي الخطوات العملية التي ممكن تفيد الخريج لكي يأخذ الخبرة الكافية ويطور علومه النظرية بعلوم تطبيقية (او بشكل أصح امثلة تطبيقية)
ماهي البرامج الهندسية الضرورية لأي مهندس ؟
اذا بدي اختص او    اتجه بمنحى معين من الهندسة المدنية (وهي كثيرة) ما هي الطريقة ؟
مثلا انشاء طرق او ادارة هندسية 

كذلك سمعت عن معهد سنتين يعطي شهادة الدبلوم للمهندس ما هو هذا المعهد وما هي اهميته




كمان شغلة صغيرة اذا الطالب كان سنة 5 ومعه مادة سنة رابعة والحضور مطالب فيه بالنظري والعملي              ويحاسب عليه     
ما هي الطريقة السحرية         
التي تسمح للطالب بأن يكون بمكانين معا بذات الوقت واصلا مافي سنة 6 لكي يحذف شي مادة ويخليها للسنة اللي بعدها عشان يعطي وقتها لغيرها؟

    ;i(43
مع الشكر الجزيل لكل من يعمل على هذا اللقاء
ونرجو ا آملين أخذ أسألتنا بجدية وطرحها


;       

سلامات يا شباب :كيفكن وكيف دراستكن . ان شاء الله تكون على ما يرام .
بالنسبة للمهندس حسام بلوط  اود ان تسلموا عليه وتنقلوا له تحياتنا نحن الخريجين دفعة ال 2008 .
ارجو ان تسألوا اياه :
1- لماذا لا يساهم هو بجعل الدكاترة المسؤولين عن القسم النظريفي البيتون والانشاءات  بتطوير المنهاج والطرق المبعة في بعض المسائل (الامور ) وخاصة اننا نشهد تطور ملحوظ في اقتصادية التصميم والتنفيذ وهذا يتطلب تدريسه للطلاب , خاصة وانني اعرف مدى تأثيره بدكاترة المقرر - ( البيتون والانشاءات )
2 - ارجو ان تسألوه اذا كان هناك من امكانية لعمل موقع للتواصل معه ومع كثير من الدكاترة والمهندسين فيما يخص ما حياة ما بعد التخرج وذلك لاطلاع الدكاترة والمهندسين على الحياة العملية اكثر وخاصة واننا نرى هنا في دول الخليج امور كثيرة لابد من الوقوف عندها .
3 - ارجو ان تسألوه يا شباب عما اذا كان يتذكر بعضا من طلابه واتمنى ان توصلوا له سلام عني ( معاوية يوسف ) .

وفي النهاية اشكر لكم حسن المتابعة

اعتذر  مسبقا عن كون اسئلتي عبارة عن  اسئلة رياضية بحتة


استاذ حسام

1 _ ما المنتخب الذي تشجعه في كرة القدم ... وما هو ناديك المفضل ؟؟


2_ ان كنت من محبي التنيس ... فمن هو لاعبك المفضل ؟؟؟




*******************

بس بحب نوه انو هي مو اسئلتي يعني ماني هالقد من عشاق الرياضة

هي اسلئة طلاب من الكلية اصرو عليي اني اطرحها وما قدرت قول لا

و بعتقد انو الموعد المحدد لطرح الاسئلة انتهى بس كان لازم اعمل يلي عليي

مع العلم اني اخدت الاذن من احد المشرفين قبل طرح هي الاسئلة كونها شخصية


وشكرا

صحيح شو أخبار المقابلة مع الإستاذ بلوط ؟ صارت و ماني عرفان فيها , أم تأجلت لهالفصل , أم تم إلغائها ؟

تحياتي

بعض الظروف منعتنا من المتابعة لفترة من الوقت ... هذا عدا عن انشغال المهندس

حسام ...

ولكن عدنا للسعي فيها ... عسى أن تكون قريبة ...


دعواتكم بالتيسير ...