مرحبا
عنجد خلونا نبلش

هلأ بشكل عام في عنا معلومات بس بدا ترتيب
لح نبلش بباب باب

يا عمي والله هالحكي حلو وفي جدية بالموضوع أنا من ناحيتي مشاريعي وحلقات بحثي كلها تحت تصرفكن بالإضافة أنا فيني جيب أحدث الأخبار المعمارية بالعربي بس طبعا من مواقع ومنتديات تانية ونزلها هون بمواضيع لأن الصراحة ما عندي وقت لحتى أرجع صيغها لحالي وزبط فيها لأن عندي شغل غير الكلية كمان وشو ممكن ساعد ما رح قصر انشالله اما اسم المجلة بدي مخمخ شوي ليطلع معي شي اسم مقبول وموفقين انشالله

وين المتحمسين؟؟ليكني أنا هون وعم تابع كل شي عم يصير وحأقنع رفيقتين لالي بركي بيساعدونا كمان
ومشان معارض الرسم والفن أنا سنة تانية و فيي شارك بهالموضوع
وكمان فيي أطلب صور مشاريع رفقاتي وصور مشاريعي وحلقات بحثي كمان كلها بالخدمة
وشرح مشروع معماري كمان فكرة حلوة وممكن ساعدكون بمشاريع تكون حلوة ومو كتير مشهورة وعالمية (مشان ما تكون بايخة وكل الناس بيعرفوها) عندي مشاريع حلوة بس بدها ترجمة حأبدا من هلأ كل ما لقيت وقت ترجم شوي
ومشان اسم المجلة خلص بفكر والكل يفكروا وبنشوف الاراء
سلاموو

مرحبا

كتير حلو حماس و مشاركة و همة

انا معكم باذن الله

نشالله بقدر ساعدكون بشي منيح

تحياتي
                                                   

قرنفلــــــــــــــــــــــــــــة

مممم منيح .. يعني عدنا بإذن الله بحماسنا وهمتنا ..

متل ما ذكرنا .. كلنا لح نتساعد بكل الأبواب .. بس لازم كل باب يكنلو مشرف عليه ويتولى أمرو من بابو لمحرابو .. وهو بالنهاية يلي لح يقدملنا اياه وينسقو بشكلو النهائي ..

بس يا ريت يا رغد تحدديلنا باب معين لح تستلميه وتعرفينا وين وصلتي فيه "آخر التطورات" ..
مو بس إنتي والكل ..

يعني والله الشغلة مو صعبة وما بدها كتير وقت ..

ولازم نبلش من هلأ وبشكل سرييييييع لأنو بكرا مننعجئ بالمشروع التاني .. ويتأجل مرة تانية ..!!

وينك يا محمد بدره .. تكون معنا بهمتك وحماسك الدائم !!!!؟؟؟؟؟ "تحية واحترام لشخصك "



تحيتي ..

اي صح بدي قلكون شي
أنا مشاركة بموقع معماري بيبعتلي كل يوم مشروع معماري أو مشروع ديكور صغير من شي بلد...صور ونبذة عنه
فرح أبدا ترجم هالأشيا...ممكن نعمل شرح لمشروع كبير متكامل مع الصور...وبالاضافة للمشروع بضيف كم مشروع صغير بيطلعوا لذيذين وحلوين هيك فقرة سريعة وكم صورة وإذا عجبتكون الفكرة بعمل أي عدد بدكن ياه أنا أولريدي بلشت وساويت واحد....ممكن بالمجلة نحط لحد الخمسة او اد ما بدكن....شو قلتوا؟؟
ومشان الاسم عربي ولا انكليزي؟؟
إذا انكليزي في فكرة ممكن نشتغل عليها وهي انو بنعمل دمج لكلمتين مثلا من architecture أو architect ناخد arc وبناخد كلمة مثلا creative أو creativity بتصير مثلا arcreativity وهاد مجرد مثال لتوضيح الفكرة شو رأيكن؟؟ممكن نلاقي دمجات تانية أما إذا بدكن اسم عربي فبصراحة ما بتزبط كتير هالقصص...يلا شو ارائكون شباب صبايا؟؟خليكون كفوين ما في حدا يتراجع
سلامووو

باسمة ما بتفرق معي أي قسم بتعطوني أشرف عليه حيكون اوكيه..وعلى قولتك وينك يا محمد؟والله اشتقت لوجوده بالمنتدى

الله حيو رغد .. والله إنك كفو ..

وفكرة دمج الكلمات مشان الاسم لذيذة .. وهلأ بمخمخ عليها وبرجع .. بلكي بيطلع معي شي ..

كتير ظريف 

قصدك بباب قراءة في مشروع مو ..؟؟!!