الله يسلمك يارب
ومنشان شغلة الفئات بالعكس شغلة كتير حلوة لانو وقت بيقسمونا بيصير العدد قليل وبيركزوا علينا  وانت بالورشات بالفئة الثالثة لانو اليوم دورت ع اسمك وع فكرة اليوم اخدنا كيمياء نظري وورشات كانت فئتي عم تأخد بورشة الكهرباء وعطونا شوي معلومات عن طريقة التمديد هلق متل ماقالوا طلاب السنة التانية انو هالمادة كتير سهلة وقال بتجيبي فيها معدلات بسهولة واليوم جبنا سلكين  ولفيناهن ع بعض بس انا للاسف ما عرفت حتى امسك البانسة ونأرطت ايدي فيها لحتى اجا واحد من المتطوعين وساوالي ياها لانو عنجد بدها عزم ورفقاتنا الباقيين  بالفئة التانية اخدوا نشارة الخشب بس عنجد كتير حلوة هالورشات  بس الحمد لله مالبسونا المريول الكحلي يللي منطلع فيه متل .......................
ويلا عن اذنك عندي شوية دراسة
سسسسسسسسلام

ياسلاااااااااااااااااااااااااااااااااااااااااااام ولله بحكيك هاد عم تجننيني مو مسدء ايمت انزل على الجامعه رح جن وبخصوص ايدك الف سلامات عليها  الله يهديكي شوي شوي بس شكلي ما رح اقدر ساوي هيك شغلات لان بعد ما صار الي صار بأيدي ما بظن ضل فيني هل عزم الكتييير كبير يلله بس شوفك منحكي بااااااااااااي
بس مشااان الله كتريلي من حكياتك عن الجامعه لان حاسس حالي معكن يييييييييييييييييي    



         

هلا اخ عبود خلص والله اليوم لاحكيلك كل شي صار معي مشان تحس حالك وكأنك معنا آسفة مبارح  ما رحبت فيك متل العالم والخلق بس والله ماكنت رايقة بس لأ اليوم وضعي تمام الحمد لله هلق اليوم كان كان دوامنا من الساعة8للساعة  4 واليوم رحت بكير ع الجامعة ما كان فيها حدا والجو بيجنن فيها نسمة هوا باردة هلق عنجد جامعتنا الصبح الها نكهة خاصة ما دقتها الا اليوم وكان عنا رياضيات 4 ساعات 2 نظري و2عملي  واخدنا كيمياء نظري واخدتا ميكانيك هندسي وعنجد دكتور الميكانيك بيجنن بظرافتو ع فكرة هاد احسن دكتور بالجامعة ورايق وبيعطي بهدوء بس صار معي موقفين اليوم واحد حلوو واحد بايخ >البايخ> انو اليوم بحصة الكيمياء كنت قاعدة باخر مقعد وفي واحد سئيل سنة تانية بس رسبان بضلوا بيحكي وبيعلق ع الدكتورماخلاني افهم من الدرس شي قلتلو اذابتريد بدنا نفهم ماسكت وضل مستمربالبياخة حتى اخر شي عصبت عليه بس والله زملائنا ماقصروا وقالولو والله الحق معا اسكت بقا  بس الموقف اللي بيجنن اليوم اني طلعت حليت مسألة رياضيات قدام 100طالب تقريبا وطلعت الحمد لله صح عنجد شعور ولا احلى من هيك ان شاء الله يارب تجربوا  عنجد حاسة حالي كتير بايخة وكتير حكيت بس تلبية لطلبك وان شاء الله تكون مبسوط باللي عم اعملوا    بااااااي

لأمشان العزم لا تأكل هم يعني موكتير  بس نحنا البنات مالنا متعودين يعني انتو الشباب ما شاء الله عزمكن اقوى بكتير من عزمنا  ومشان ايدك سلامتك يارب 
وعلى فكرة ع حد علمي كتير في طلاب جايين من الخليج ومن الامارات يعني وضعن رح يكون متل وضعك وهلق عنجد باااااااااااااااااااااااااااااااااااااااااااي

ميمو شرحك كان اكتر من رائع وعيشتيني بالجو وبصراحة(دمعت عيني)بخصوص الصبح والنسمة الباردة والنكهة الخاصة لاني بعشق الشتة والبرد والصبح وبخصوص هاد السئيل بس اجي رح ترتاحي منو لان ما رح خلي حدى يزعجك وبخصوص جيتي(دمعت مرة تانية) لاني لسى ما مبينة ورح موت على ما اجي وبالعكس ما طولتي وياريتك طولتي لان كل ما طولتي بالشرح اكتر كل ما انبسطت اكتر    
شتئت للجامعه ولسى ما عشت فيها كيف لو اقضي احلى ايامي فيها