حصل خير أختي

شكرا لتصحيح المعلومه وانا صراحة ما كنت متأكد

وصدقا ما نسيت بس ما عم أفضى لمر عليكون

سامحونا

طمنونا عن أخبار الدراسة ؟ كيف الوضع ؟

ما تنسوا ،، نحنا جاهزين لأي شي بإذن الباري

سلامي

اخبار دراستنا ماشي الحال بس مو كتير لأنو الخميس عنا مذاكرة تشريح وحسب الاحصائيات يلي عملتا ما حدا ملحق
وكمان يلي عم نحفظن عم ننساهن بسرعة وشو بدنا نعمل مو عرفانين
وخايفين كتير من هالمذاكرة عليم الله اكتر من امتحان البكالوريا
وشغلة تانية بدي من طلاب السنة التانية يقولولي كيف ممكن تجي الاسئلة
صعبة وكتير ودقيقة ولا كيف
والله يعطيك العافية اخي أبي منعرف انو ما بتقصر انت وشباب المنتدى كلن
سلام 

السلام عليكم

إن شاء الله موفقين بداية وكجواب

فيني قلك آنسة آلاء أنهن غالبا بيختاروا الأسئله يللي فيها تعداد مع شرح

كمثال

عدد أقسام العظم الوتدي واذكر ما تعرفه عن الجناح الكبير

ما هي نواتئ الفكي العلوي )وممكن يضيف على هالسؤال (

العظم الصدغي أقسامه وشرح قسم معين قد يكون الطبلي

طبعا في سؤال عن الثقوب وهالشغلات هي

جوف الأنف الوحشي ،، مم يتكون !؟

وهيك يعني
وبالتوفيق

شكرا كتير الك اخي أبي عم نعذبك معنا كتير
ادعولنا كتير امانة
سلااااااااااااااام     ; ;

السلام عليكم
هي الأسئلة يلي اجتنا
1- الوجه الأمامي للعظم الفكي العلوي .  وعدد النواتئ التي عليه .
              الجواب : الثقبة تحت الحجاجية و الحفرة النابية (فقط ) كما قال الدكتور
                            النواتئ : وجني و حجاجي و حنكي و سنخي

2- عدد مكونات العظم الحنكي . والثقوب و الدروز التي عليه .
              الجواب : المكونات هي الصفيحة العمودية و الصفيحة الأفقية و الناتئ الهرمي
                            الثقوب هي الثقبة الحنكية الكبيرة و الثقبة الحنكية الصغيرة و الثقبة الوتدية الحنكية
                            الدروز هي الدرز الحنكي الناصفو الدرز الحنكي المعترض

3- عرف الثقبة المدورة والشق الحجاجي العلوي و الثقبة الوداجية . وماذا يمر من كل ثقبة .
            الجواب : الدكتور يقصد بالتعريف أي أين تقع الثقبة
                            عصب فكي علوي
                            العصب العيني
                            الوريد الوداجي الباطن

ودعولنا كتير

السلام عليكم

أول شي بدي إتوجه بالشكر الكبير للأخ العكيد عكتابه الأسئله

بعدين بدي اسأله عن أخبار هالماده يا عكيد ! شلونك فيها ؟ وكيف كانت المذاكره

أخيرا بدي قول للكل أنهن يستفيدوا من الأسئله لأنه هاد نمط الأسئله غالبا

موفقين

هادا واجبنا ...
أنا أوضاعي منيحة بالمادة الحمد لله
وخربطت بشغلتين بالمذاكرة
1- ما كتبت الثقبة الوتدية الحنكية
2- بالوريد الوداجي الباطن
لأنو كنت عمأدرس دراسة سريعة شوي وعمركز على العظام أكتر الشي
بس الحمد لله يعني الوضع هيك منيح

السلام عليكم
ممكن تقلولي لوين وصل الدكتور بالكتاب
لأنو أنا قطشت محاضرتين نظري وبعدين داومت محاضرة بعدهن
والصراحة ما عرفت وين صار الدكتور بعدها
وشكرا ً....

سلام عليكم
نحنا اجونا كمان 3 أسئلة
1-جسم العظم الفكي السفلي موجودات و ثقوب
2-عدد نواتئ العظم الوجني و وجوهه
3-اين تقع كل من الثقوب التالية و ماذا يمر منها: الثقبة البيضية  والمدورة  و النفق السباتي
والله أنا كان تقديمي ماشي حالو نقصت شوي من الأجوبة بس الحمدلله انو خلصنا منها عخير
و بالنسبة لوين وصلنا بالنظري ما عرفت والله يا عكيد 
بالتوفيق للجميع

السلام عليكم

صدقتوني هلأ وقت قلتلكون إنه هالمادة سهلة !

إن شاء الله موفقين جميعاً ..

وكتير حابب هالتعاون يللي بينكون ..

تحية