eye of the wolf

عنجد شكرا الكن و لتفاعلكن

لسا الدنيا بخيييييييييييييييير


و لا تؤاخذوني اذا ردودي فايتة بالحيط

و الله ماما تركتلي الطبخة و أخواتي الصغار


ما بعرف كيف كتبت الردود.......... سامحونا 



بعدين شو هي الصورة تبع البرجين 

عم تطلع الصورة كبيرة و الصفحة أكبر

و عم تطول

مين حاططها؟؟؟؟؟؟؟؟؟؟؟؟؟


قرنفلـــــــــــــــــــــــــــــــــARCHـــــــــــــــــــــــــة

مرحبا
أنا بدي أحكي بصراحة .......وبتمنى ما حدا يزعل

أول الشي بدي ألك أنو ذكرتيني بمحمد "ماميت "أول ما سجل بالمنتدى .....
كان بدو يطور المتدى واشتغل كتير على هالشي "وهادا ما بأدر أنكرو "بس هالشي أبل ما يصير البوس تبعنا ...... بعدين ما بعرف شو صار ما رح أول اختفى من الساحة
بس ما عم ببين إلا نادرا ....طبعا أنا مقدرة مجهودو ومو عتبانة عليه
بس......
يعني أنا خايفة تفقدي الأمل متلو ومتل بقية الأعضاء اللي كانو عم يشتغلو بعدين غابو وما عادو طلو وتغيبي أنتي كمان
والأعضاء الجداد نسبيا
بقصد (أنتي ومعمرجي أصلي ,وeye of the wolf ,وsufi omar  وساندريللا ما بعرف إذا نسيت حدا بس بقصد اللي هلأ عم تشتغلو
من زماااااااااااان حكينا عن فكرة تطوير المنتدى
ونحنا اشتغلنا على هالموضوع وما قصرنا ....
بس متل ما ألتي "أيد وحدة ما بتصفق
وبصراحة أكتر أنا كنت فاقدة الأمل لأنو عم نشتغل وما عم نلاقي رد (ما قصدي ردود عالموضيع ....قصدي مشاريع غير سنوات
يعني حلو الواحد ياخد ويعطي مو ياخد طول الوقت ولا يعطي طول الوقت كمان
يعني نحنا لما نزلنا مشاريع الحديقة ,ومشاريع المدرسة ,وكمان الكفي نت ,ونزلنا الأعمال الورقية ,ومؤخرا كم حلقة بحث
بس اشتهيت شوف مشاريع غير سنين
طلاب السنة الأولى (السنة الماضية يعني ) وعدو أكتر من مرة ينزلو مشاريع
بس نحنا ما شفنا شي
إذا حدا بس نزل مشاريعو ومشاريع رفقاتو بكفي
بسسسسسسسسسسسسس ما حدا لحدا
طلاب الرابعة والخامسة ما حدا منن بيشارك بالمنتدى ,,,هوي في أعضاء رابعة وخامسة بس ما حدا بيشارك إلا ما ندر
نحنا منحاول ننزل مشاريع كمان.... مشان غيرنا .....بس مو حدا سائل عنا
أنا بس متمنية إذا سألت هلا سؤال عن السنة التالتة حدا يجاوبني
هي على مستوى سؤال ....بقى مين سائل ينزل مشاريع
أنت سألتي أديش استفدنا وأديش فدنا
أنا ما بعرف أديش فدنا
بس الاستفادة ضئيلة وكتير
وكتير بعرف عالم سمعو بالمنتدى وبعد ما فاتو عليه ,,آلو بايخ وما فيه شي مفيد طبعا إلا ما ندر وآل ما بيعرفو نحنا ليش يعني علقانين في
بس والله أنا إذا ما فتت عالمنتدى بحس في شي ناقصني ....عنجد ما بأدر
.
.
.
.
.
يعني خلاصة القول أنو إذا ما في أعضاء بدها تشتغل ما لح نستفيد شي
لأنو أنا شايفة أنو بس طلاب دفعتنا اللي عم يشتغلو....طبعا مع بعض الاستثناءات

بس الشي اللي بفائل شوي أنو طلاب الأولى والتانية أحسن من الرابعة والخامسة
يعني مشان الكم سنة اللي جايين يعني

عليتلكن ألبكن ما هيك 

يللا سلااااااااااااااااااام

مرحبااا
أنا بس بدي علق عشغلة صغيرة
بدي قول لريمي 25 انو محمد مو قصة يئس قام ما عاد فات لقسم العمارة الا نادراً لأ هو ما بيقصر أبدا ولا بيأس بس شوية ظروف مخليته يبعد وانشالله منرجع منشوفه عم يشارك متل اول واحسن
سلاموو  

مرحبا ياجماعة
ولي ......يأستكن يعني

أميرة الدموع

بما إني اليوم خارج التغطية تماماً .. وفايتة بالحيط ومتوترة .. وما بعرف شو بدي وفرحانة وزعلانة ..

إجا على بالي فكر شوي وبشكل جدي ..

هلا شو رأيكن نعمل ونتعاون لعمل مجلة مثلاً .. أو نترجم شي كتاب معماري ..

أو أي مشروع جماعي .. منو بيزيد التفاعل بيننا ومنو بنحقق هدف تواجدنا هون .. "المعرفة"

ونترك ورانا شي يفيد غيرنا .. وأكيد بيفيدنا بنفس الوقت

بتمنى اسمع اقتراحاتكن حول هالموضوع ..

وكمان الأفضل نعمل شي جديد ونطلع بشي فكرة جديدة بس تكون جماعية وفائدتها كبيرة نوعاً ما ..

"ادعولي اطلع من هالحيط اللي فايتة فيه "..

تحيتي ..

السلام عليكم

زميلتي : booshar