السلام عليكم أخ معاذ

للأسف ما شفت ردك لهلأ
لو شفتو الصبح كنت جبت النوتة
بس هلئ صار صعب كتير جيبها

المهم أنا سؤالي بالمصفوفات أنو هو الدكتور بيطلب منا البرنامج باستخدام الدوال
وعادة مسألة المصفوفات بتكون عبارة عن 6 طلبات يعني بدنا 6 دوال على الأقل
أول شي نحن فينا نستخدم نفس أسماء المتحولات بالدوال أو لازم كل مرة متغيرات جديدة ؟؟؟

تاني شي: وقت يقلنا مثلاً أنو ((اكتب برنامج باستخدام الدوال يقوم بايجاد الأعداد التامة في المصفوفة وتخزينها في المتجه D وطباعته ))
ممكن أعرف شو يعني تخزينها في متجه ؟؟؟؟؟؟
وإذا بتقدر تعطيني الكود لمتل هيك طلب بكون كتر خيرك

ثالث شي: بالنسبة لأسئلة الفصل الأول والتاني يا ترى بقدر لاقيهم محلولين ؟؟


ومشكور سلفاً ....

عزيزتي أسيمة أكبر خطأ أن تدرس البنى دراسة بصم بحت
عليك أن تكون متذكرة للتعاريف الاساسية في البنى 1كالزمرة والتشاكل الزمري والتماثل وتعريف التباين و التابع الغامر يجب ان تكون قد فهمت كل هذه
أما النظريات عليك أولا أن تكون قد فهمت التعاريف والنظريات السابقة
ثانيا البرهان يكون بترابط منطقي مستوحى من نص النظرية عليك لمس هذا الترابط
ثالثا حفظ البرهان بصم يؤدي إلى خلط البراهين ببعضها

أعط نفسك الوقت و التركيز وحبي المادة تبدعي فيها

angel1991

أهلا أختي الكريمة

سأجيب عليك سؤالا تلو الأخر

بالنسبة لاستخدام أسماء المتحولات نفسها بكل دالة لا مشكلة فيه ,,, لأنها تسمى متغيرات محلية خاصة بالدالة فقط ,, و حتى لو استخدمتها بمتن البرنامج لا مشكلة أبداً , و لن دائما نحاول أن نغيرها حتى لا نقطع في الخطأ السريع أثناء الحل ,,,,


بالنسبة للأعداد التامة ,,, أكيد أول شي أنتي بتعرفي شو يعني عدد تام

العدد التام هو العدد الذي مجموع قواسمه يساويه متل العدد 6
يقسمه ال (1) و (2) و (3) و مجموعها يساوي إلى 6

طبعا هاد شرط لازم تحطيه بالحل ,, ممكن تستخدمي حلقة  while  بها الحالة

طبعا بعد الاختبار ,, عم يطلب الدكتور أنو تخزني النتائج بمتجه
هون أول شي لازم تعرفي متجه ببداية الحل اسمو D    و نوع عناصره نفس نوع عناصر المصفوفة حكماً ,,, هي أول شي ,, بعدها يجب كتابة الشرط السابق و اختبار عناصر المصفوفة ,, و قبل إغلاق الحلقة و بعد الاختبار مباشرة يجب أن تضعي تعليمة بحيث تسند قيمة هذا العنصر الذي حقق الشرط إلى عناصر المتجه ,, ثم تغلقي الحلقة ,,, أنا باعتذر ما قدرت نزل البرنامج لأني مشغول بفحصي كمان

بالنسبة لأسئلة الدورات ما باعتقد أنو حدا عندو ياها محلولة ,, بس مبعرف إذا بالأكشاك موجودة


إنشاء الله كون فدتك ,,, باتمنى تقرأي الشرح بتمعن ,, لأنو إذا فهمتيه تمام بتقدري تكتبي البرنامج بكل بساطة ,,, موفقة يارب

أسيمة

نأسف على التاخير ,,,

بالنسبة لسؤالك أختي

كما تحدث الزملاء قبلي ,,, يجب أن يكون لديك فكرة واضحة عن الزمر ,,, حتى تستطيعي استخدامها في الحلقات ,,, هذه كمقدمة في المادة

أما بالنسبة لبقية المادة فهي بشكل رئيسي تتحدث عن المثاليات و العمليات عليها

طبعا كل المادة مترابطة ببعضها ,, و حتى تستطيعي أن تربطي المبرهنات سوياً يجب عليكي دراسة المادرة بتدرج المبرهنات المذكروة في الكتاب أو المحاضرات و لكن يفضل المحاضرات ,,

طبعا إذا استعصى عليكي مبرهنة ما فلا بد أن تجدي مثالاً محلوما إما في الكتاب

أو في محاضرات العملي التي قامت بتدريسها الأنسة رشا ملاح جراها الله كل خير

فقد عملت جاهدة على شرح المادة بشكل مبسط جداً

طبعا العملي مهم جدا ,,,

أتمنى لك التوفيق و للجميع

و السلام عليكم

مصطفى البلخي


أهلا أخي ,, اشتقنالك كتير

و الله هاد واجبنا يا أخي ,, عبد الله كان صاحب الفكرة ها السنة أنو نكمل مرة أخرى

و الحمد لله باشرنا ,,, و إنشاء  الله ما منقصر

أنتو دعولنا ,,,


السلام عليكم

السلام عليكم أخ معاذ
وأكيد بشكرككم على هالمجهود الكبير
أنا بصراحة عضو جديد ولفت انتباهي اهتمامكم فينا طلاب الرياضيات
أسئلتي كتيرة بس هلأ حبيت سلم بس
تقبل مروري مع فائق الشكر

كيلوبترا

أهلا و سهلا فيكي بما أنك عضوة جديدة ,,لازم يعملولك حفلة ,,,

إنشاء الله عقبال حفلة التخرج

سلامك أكيد وصل ئلي و لا عبد الله ,,,,,

يعني نحنا بمين بدنا نهتم بغير طلاب الرياضيات

أكيد بتشرفي أيمتى ما حبيتي أنتي و سلاف فواخرجي ,, و طبعا طلاب الرياضيات و باقي الأقسام

شرفتي أختي

مرحبا....
شكرا" عالإجابة سلفا"....
سؤالي....؟! ..بدي أسماء المواد سنة تالتة رياضيات؟؟ومين الدكاترة يلي بيعطوها؟؟
وكمان بدي أعرف إذا الدكاترة بلشو إعطاء محاضرات أو  لاء؟؟
..............أنتو طارحين هالموضوع للأسئلة .....تحملو إذا بتتحملو.....

أهلا أختي الكريمة

نعم نحنا بالخدمة


مواد السنة التالتة هي :

بنى جبرية 3  : الدكتور عبد اللطيف هنانو

مكانيك 2 : نسيت شو اسمها ,,بس مدرسة ,,, بس أتذكر بقول

تحليل تابعي : هدى الشماط

تحليل عقدي : سامي ,,,,, دكتور جديد

إنكليزي أختصاصي : على الأرجح الدكتورة ريما القمحة

بالنسبة للإعطاء كان بشكل خفيف جدا ها الاسبوع

بس اعتبارا من يوم الأحد الإعطاء رح يكون بشكل كامل

السلام عليكم طلاب الرياضيات ............

أنا طالبة رياضيات سنة تانية

من بعد إذنكم بدي تعطوني نصائح بالنسبة  للبنى 1والتفاضلية

لأني ما عم أقدر أتحمل الدكاترة وما عم أفهم شي

حضوري وعدمه واحد!!!!!!!!!!!!!!

وبالنسبة للتحليل العددي يا ترى فيني أدرسها لوحدي بدون حضور

لأنو حسيت إنو المادة كلها بتعتمد على الآلة الحاسبة

نشاالله ما كون تئلت عليكم

سلااااااااااااااام