قوانين مستوحاة من الدنيا


قانون التلفون:
بحياتها ماصدفت انو تتصل على رقم غلط ويطلع مشغول !! لازم تتخورف

قانون التصليح:
بعد ما تكون بلشت تصليح شغلة كلها شحم، أو عم تغير دولاب السيارة.. بدّو يبلش انفك يحكك مافي مجاااال!!

قانون المعدات والقطع الصغيرة:
إذاوقع منك (أي شي صغير، أو مصاري معدن، أو زهر طاولة) لازم يتدعبل ليوصل لألعن إرنة !!

قانون الأعذار:
إذا تأخرت عن الدوام، وقلت لرئيسك أنو سبب التأخير كان"بنشر دولاب السيارة"، اليوم اللي بعدو أو بعد فترة بدك تبنشر مو بكيفك واسترجي قلو نفس العذر !!

قانون الدوش:
بعد ما تكون فتت وبلشت بالحمام، بدّو ينفجر التلفون من كثر ما عم يرن !!

قانون الاصطفاف أو الشوارع:
إذا صفيت بطابور بطيء وغيّرتو، رح تلائي الطابور اللي كنت فيه صار أسرع !!
ونفس الشي بالشوارع إذا غيرت مسارك بتلائي المسار اللي كنت فيه.. طاااار !!

قانون الالكترونيات:
إذا أخذت جهازك المتعطل للمصلح وبدك تفرجيه العطل،(أو حتى إزا عم ترجعو لأن التصليح مو زابط) بلحظتها بيجومس الجهاز وبصير بس بدو يخوزئك ويعمل حالو ما فيه البلا !!

قانون المصادفات:
إذا كنت مع شخص ومابدك حدا يشوفك، بصير كل اللي بتعرفهن بيطلعو بخلئتك !!

يا أخي هيك !!!؟

هيك الدنيا ....!!!!!!!!!!!؟؟؟؟؟؟؟؟؟؟

اولا مشكور اخي محمود على جهودك والطرفة اللي حطيتا وانشالله بينتصر الحق في بلدنا وكل بلد عربي 

اما بالنسبة لموضوع الاعضاء

فاعضاء الهمك بشكل عام في المنتدى كتار وبايام النتائج بيفوت ما يقارب الالف همكي يوميا عالموقع مشان العلامات ولكن ما حدا بيحب يشارك انما بياخد اللي بده ياه وبيمشي

وخلينا نكون صريحين ......طالب الهمك مصلحجي بيحب ياخد وما بيحب يعطي والشغلة صعبة وبدا صفنة   

السلام عليكم
بدون مقدمات رح نتناقش انشالله هون بالقهوة من اجل وضع اسس لتطوير قسم الهمك وبعدين رح انزل موضوع بخصوص النتائج اللي رح تطلع معنا
انشالله رح نبلش بعملية البناء من الاساس يعني رح اناقش موضوع الاقسام ومنظرها بشكل عام (اقسام الهمك متل المتاهة واغلبها عالفاضي وكتير من الناس عمتشتكي منها )
يعني منتدى الهمك هو الاقل مشاركة تقريبا بين المنتديات ولكن هو الاكبر من حيث الفروع والحارات وهي الناحية الها دلالة كبيرة
مشان هيك رح نتناقش بتقسيمة جديدة  للمنتديات ورح نحط بنهاية النقاش موضوع مع تصويت لرؤية راي الاعضاء فيه
اما النقطة التانية فهي موضوع وجود عبارة او صورة براس صفحة المنتدى متل باقي الاقسام ايضا بعد انتهاء النقاش فيها منحط موضوع لنشوف شو في عند الاعضاء من اراء او صور ممكن نحطا براس صفحة المنتدى

قد يتساءل البعض ليش ما نزلت موضوع مباشرة واختصرنا الوقت ؟؟؟
اكيد الكل بيعرف حاليا انو طلاب الهمك ملتهين بالامتحانات والمذاكرات وبال 24 ساعة ما بيفوت الا كم عضو عالمنتدى
اما اذا وضعنا هالمواضيع بفترة نتائج الامتحانات  منكسب اكتر من نقطة
اولا بيفوت كل يوم ما يقارب الالف همكي عالموقع وهيك مواضيع اكيد رح تكون موجودة بلوحة الاعلانات بالمنتدى وهيك بيشوفو شغل بالمنتدى مو منتدى ميت
يعني رح نكسب اعضاء جدد رح يشاركو ويتفاعلوا
تانيا رح نكسب اراء كتيرة بشكل المنتدى  الجديد خصوصا من خلال التصويت وكمان رح نكسب اراء بشكل راس الصفحة والشغلات الحلوة اللي عند الهمكيين خصوصا انو الوقت رح يكون عطلة والناس الها مراق عالمخمخة

هي النقاط كافية حاليا برايي وبعدين منشوف غير نقاط


تم فتح النقاش هون حتى يكون في اراء ونقاشات مشان هيك ياريت الكل يعطي رايه حتى لو لم تكن همكي

خطوة عظيمة كتير اخي الله يعطيك الف عافية وميشان الصورة شو رايك بهي:



شكرا لاهتمامك .

هاي انا صورتها ها شلون مو معلم........................ 

اخي انا معك انو في اقسام بمنتدى الهمك بلا طعمة , يعني مثلا بدل ما يكون كل سنة الها قسم وبدون ما يكون فيها ولا موضوع احيانا؟؟؟ خلي كل السنوات بقسم واحد ؟!

اولا مشكور عالصورة اخي ولكن شو رايك لو كانت للكلية مو البناء الاحمر

يعني لو عندك صورة لباب الكليةكان  افضل

بالنهاية رح نحط تصويت ونشوف الصورة الافضل ونحطا 

اما بالنسبة للاقسام فراي متل رايك بالضبط وهي اهم نقطة انو في لكل سنة قسم

وهالامر بيسبب عجقة 

انا بانتظار راي الاخ محمد والباقين  بموضوع شكل المنتديات وشو الاقتراحات مشان الشكل الجديد اذا بدنا نغيره