موضوع هالمرة رح يكون عن المقرارات اللي مندرسها بالقسم:

السنة الأولى /الفصل الأول :

1- رياضيات وإحصاء حيوي : متل أي مقرر إحصاء بالكلية عنا مناخد فيها بعض القوانين الإحصائية والتي بتتعلق مباشرة بالبيئية وخصوصا مواضيع التلوث وماشابه.

2- الفيزياء العامة : كمان بتناول مواضيع عن الترموديناميك والحرارة وبعض القوانين الفزيائية العامة وتعد مؤهلة لمادة علم المناخ بالفصل التاني.

3- الكيماء العامة : بتتناول بشكل عام أهم المواضيع الكيميائية متل الذرة والتفاعلات وتعتبر من أهم المواد عنا بالقسم لأن كل إختصاصنا هو بيتعلق بالكيميا والأحياء.

4- علم الحياة 1(البيولوجيا النباتية) :مادة كتير حلوة درسنا فيها تركيب الخلية والتصنيف النباتي بشكل عام .

5- علم البيئة :هي نواة للدراسة بهادا القسم لأنها بتعطي الطالب النظرة الأولى عن المحيط الحيوي وعن علاقات التعايش بين الكائنات وهي بتشكل الجزء الأساسي لمقررات الأحياء بالسنة الثالثة.

6- اللغة العربية:

7- اللغة الإنكليزية:


السنة الأولى/الفصل الثاني :

1- علم المناخ : مادة كتييييييييييييييييييييرة حلوة وهي بنظري أهم مادة عنا بالسنة الأولى بندرس فيها النظرة العامة للأمور المناخية المتعلقة بالبيئة كالتبخر والرطوبة والجفاف والرياح إلخ....

2- المعلوماتية : مادة شبه عامة بس من وجهة النظر العامة لازم تكون عنا تأهيل لمادة بالسنة التانية بس نحنا أخدنا فيها الأمور الأساسية بالكمبيوتر والي صار الولد اللي عمرو 8 سنين بيعرفها فما في داعي عيد وأفتئ فيها.

3- الجيولوجيا العامة : كمان بناخد فيها شغلات عامة عن الصخور البراكين والزلازل إلخ....بتعرفوا أنتو عن هادا الموضوع أكثر مني

4- علم الحياة 2 (البيولوجيا الحيوانية): كمان هي مادة عن الأحياء بس متل مابيقولوا المكتوب مبين من عنوانو درسنا فيها عن تركيب الأنسجة و التنظيم الخلوي بجسم الكائن بالإضافة للتصنيف مع أهم الشعب.

5- الإقتصاد البيئي : مادة مهمة كتير بس مابتفهم منها شي بتاخد فيها شغلات عن التكلفة الإقتصادية والفوائد البيئية للتنوع والبيئة وتأتيرها على الإقتصاد و بتعرفوا صاير هالإيام الحديث عن الإقتصاد والبيئة والطاقات المتجددة حديث مالو حدود.

6- الثقافة

7- اللغة الإنكليزية .


هي مواد السنة الأولى بقسم العلوم البيئية وبمواضيع تانية رح أتطرق للسنين الباقية

بتمنى ماتنسونا من الردود

السلام عليكم ورحمة الله وبركاته


أخي حسان

أريد أن أشكرك على كتابة هذا الموضوع...فهو هام وقد يساعد الطلاب المتقدمين للمفاضلة في هذا العام لمعرفة هذا القسم بشكل جلي أكثر

بانتظار تتمة الموضوع


مع فائق احترامي

احببت ان اسأل عن مستقبل هذا الفرع


مشكور اخي الكريم  لتعريفنا على المقررات ....

هنيئا لطلاب هذا الفرع اذا ....

المنح و السفر واردة جدا للمتخرجين  الاوائل .......

حابة اعرف من بعد اذنك مين الدكاترة اللي عم يعطوكون و بالاخص الكيميائيين ....

و اسفة لكثرة الطلبات اخي الكريم ....

المرة الماضية حكينا عن مواد السنة الأولى وهلق رح نحكي عن السنة التانية:
وفيها موادنا صارت إختصاصية أكتر وصرنا نحكي عن أمور البيئة بشوية إختصاص أكتر وهي موادنا بالسنة التانية:
1- الكيميا البيئية : مقرر كيميائي يختص بالبحث عن التركيب الكيمياء للموجودات البيئية من الهواء وحتى الماء والتربة وهذا يشمل كيفية تشكل المواد داخل هذه الإنظمة كافة.
2- علم التربة : تبحث هذه المادة في التركيب الكيميائي والفيزيائي للتربة وتعنى بالجانب الذي يتصل مع البيئة
(أخذنا هي المادة في كلية الزراعة)
3- التنوع الحيوي النباتي : مقرر يعني بالتصنيف النباتي ويدرس الصفوف النباتية من وجهة نظر تعني بعمرفة عدد الأنواع وعزارتها .
4- الميكروبيولوجيا العامة : مادة ممتعة تعني بدراسة الأحياء الدقيقة كافة من جراثيم و فيروسات وتعد تأسيسا لمادة في السنة الثالثة .
5- الهيدروجيولوجيا العامة : من أسمها مبين  أخدنا فيها كافة الأشياء اللي بتتعلق بالدورة العامة للمياه بالإضافة لأنواع الطبقات الخازنة إلخ......
6- اللغة الإنكليزية :
بالفصل الثاني :
1- بيولوجيا البحار :مادة كتير حلوة تتهتم بدراسة كافة الأشياء عن الحياة البحرية والعوامل المؤثرة فيها من حرارة و ملوحة وبتعرفوا هيك مادة  بدها رحلة لذلك تفض الدكتور محمد بكر أخدنا برحلة إلى اللاذقية للدراسة الميدانية.
2- التنوع الحيوي الحيواني : تقريبا فينا نقول إنو الجزء التاني للتنوع النباتي بس من أسموا منعرف أنو بيهتم بالتصنيف الكامل للشعب الحيوانية بدءا من وحيدات الخلية وحتى الفقاريات .
3- الجيولوجيا البيئية : مقرر حلو كتير واللي بيهتم بالمواد الهندسية بياخد متل هي المادة بسن نحنا أخدناها من وجهة نظر البيئة وهادا يعني أنو توضع المكبات والدراسات اللي منعملها مشان أي مشروع كانت ضمن هي بالإضافة لبعض المواضيع الجيولوجية متل الزلازل والبراكين وتأثيرها على البيئة(التأثير الجيوبيئي).
4- الكوارث الطبيعية : مقرر كتير جيد وبحتوي معلومات عامة كتيرة ومن أسموا مبين أنو ماخلينا كارثة تعتب علينا وما أخدنا تفسير أسبابها ونتائجها (نصيحة للي بيحب الثقافة العامة يعجل ويروح عالكشك وياخد نسخة انا حاطط المقرر بإيدي).
5- نظم المعلومات الجغرافية GIS : بوجهة نظري هي أحلى مادة بالقسم عنا طبعا بدي نزل مقالة كاملة عنها بس بعدين وهي مقرر تعلمنا من خلالوا أنو نشتغل على برنامج أسموا ARG GIS  وأخدنا شبه دورة عليه ومارح طول بالحكي لأنو شو ماحكيت بكرا الشباب بيحكو على لأني بحب هي المادة كتير .
ملاحظة: المادتين (الكوارث الطبيعية – ونظم المعلومات الجغرافية GIS) كنا ناخدهن بالهيئة العامة للإستشعار عن بعد.
6- اللغة الإنكليزية :

أول شي بدي أعتذر كتير منكن لأنو ماقدرت كمل الموضوع بسرعة
بس متل مابتعرفوا انو انا لسا مادرست السنة التالتة
فإلتجأت إلى زميل إلي سببقني بسنة ودريس التالتة وهو ترفع عالرابعة
مشان ماطول عليكن وتقول كتَيير حكي رح بلش:
السنة التالتة / الفصل الأول :
1- طاقات متجددة 1 :عالحكي اللي سمعتو انو درسوا فيها الطاقات بشكل عام وكان الموضوع الرئيسي الطاقة الشمسية ما بعرف إدا كان الالتعمق فيها لأنو سوريا فيها كتير شمس ولا لأ بدكن تسألوا الدكتور .
2- جيوفيزياء بيئية : مادة كتير حلوة وفيها شغل ومتل مو مبين من أسمها فأخدوا فيها دراسة طبقات الأرض بالأمواج السيسمية والكهربائية بس ما إستخدموا الجانب البيئي إطلاقاً إلا إذا مر الدكتور مرور الكرام على إكتشاف شي مطمر أو شي شغلة,منتمى تتغير هالنظرة من هون للسنة الجاية.
3- الإشعاعات و البيولوجيا الإشعاعية : عم يقولوا إنها أحلى مادة بالسنة التالتة عنا بالقسم (على ذمة الراوي) وبتتناول تأثير المواد المشعة والمسرطنة والكيميائية على الخلايا أولا ثم على الكائنات وعم يقولوا أنو الدكتور كتير فهما المادة بس للأسف إمكانيات الكلية ما أتاحت للطلاب ولا محاضرة عملي محترمة (على ذمة الطالب).
4- فلك وديناميك الجو : مادة نظرية وأنا برأيي أنها مادة حلوة بس قال مو عاجبة الطلاب أخدوا فيها لمحة عن تأسيس علم الفلك وبعض نظريات نشأة الكون وبعض قوانين الجاذبية بشكل عام.
5- علم البيئة النباتية : مرو بهي المادة على العوامل البيئية اللإحيائية  متل الضوء والرطوبة ...إلخ وتأثيراتها على النباتات.
6- التلوث(باللغة الإنكليزية):أخدوا بشكل عام لمحة عن التلوث وركزوا على تلوث المياه والهواء .
السنة الثالثة / الفصل الثاني :
7- طاقات متجددة 2 :رجع الطلاب مرة تانية على كلية الهنجسة الميكانيكة والكهربائية بالهمك مشان يكملو المادة اللي بلشوها بالفصل الأول, وهون أخدوا لمحة عامة عن كل انواع الطاقات المتجددة متل الرياح والمياه و الطاقات الجوفية.....إلخ .
8- تقنيات الإستشعار عن بعد : المساكين كانو يوم الإثنين بالهمك ويوم الثلاثاء بالصبورة (يعني من بيت شقاع لبيت رقاع) وعهوا ماسمعت منهن أنو المادة هي أساسها بالسنة التانية (تذكروا الـGIS) بس المسكلة أنو ماأخدوا العملي اللازم بس بالمختصر هي المادة إستخدام تقنيات الإستشعار عن بعد بالدراسات البيئية  ولازم يستخدموا برنامج الـARC GIS بس للأسف ما أخدوا غير شوية عملي بسيط عليه والباقي كان على شكل محاضرات نظري عملي .
9- بيئة الأحياء الدقيقة :أخدوا فيها تأثير الأحياء الدقيقة في العناصر البيئية الحية واللاحية والدورات الكيميائة للعناصر ودراسة تأثير الأحياء الدقيقة على ظروف التجارب (تحسين أو تخريب).
10- مشروع بيئي :يفترض أن يكون مشروع لكنه(حلقة بحث) عن أحد المشكلات البيئية في سورية (حصراً) ليش مابعرف بس عم يقولوا أنو:(بذكائك بتجيب أي مشكلة وبتحط كلمة سوريا بعض كل فقرة وبيقبلوها) هادا الحكي اللي سمعتوا بس شوف بالسنة الجاية برجع وبعدل الموضوع.
11- علم البيئة الحيوانية :كمان نفس الحكي تأثير العوامل الحية واللاحية على الحيوانات وكمان مرو على السلاسل الغذائية بشكل موسع.
12- المشكلات البيئية (باللغة الإنكليزية): أخدوا مواضع عن التصحر والإحتباس الحراري والأمطار الحامضية وحرائق الغابات .

هلق هيك بنكون خلصنا الحكي عن السنة التالتة فبدكن تطولوا بالكن شوي لحتى يخلص الفصل الأول السنة الجاية لحتى نعرف شوفي مواد بالسنة الرابعة لأنو لحد هلق مافي حدا بيعرف شي عنه غير بالإسم
فأرجو الإنتظار ولكم تحياتي

الله يجيرنا من مواد السنة التالتة .. والله مبين انو مدسمين عالآخر


شكرا حسان عالموضوع المفيد