ليش هيك يا علوم...شو عم يصير؟!

مشاركة : 40

ThE NiGhT$ FuRy

MaNaGeMeNt Of
FaCuLtY Of ScIeNcE

..شــ3>ــام..

مسجل منذ: 30-08-2009
عدد المشاركات: 2465
تقييمات العضو: 138
المتابعون: 31

غير موجود
اشــترك بالتحديثات
رسالة مستعجلة

رد مشاركة : ليش هيك يا علوم...شو عم يصير؟!

04-08-2010 11:04 PM

السلام عليكم ورحمة الله وبركاته
أخي الكريم محمد
أنا رح حاكيك بشفافية ووضوح وبكل صراحة
أخي الكريم
صحيح إنت عضو بالمنتدى
بس كمان أغلب الأعضاء
ما بتعرف شو عم يصير بالخفاء
يعني
بصراحة
بكل قسم في منتدى للمشرفين
وبهل قسم بيصير نقاش بأمور المنتدى
ونحنا المشرفين منتناقش بهي المواضيع الخاصة بالمنتدى ويلي بتهدف للمصلحة العامة للمشرفين وللمنتدى وللأعضاء
كلامك صحيح إنو في ركود
بس ما في داعي لهل ضوجة وهل عصبية
أفكارك على عيني وراسي وعلى عين وراس المشرفين والأعضاء
بس تكون عقلانية
المشكلة مو بالواجهة تبع المنتدى
او بالمواضيع بالأقسام
المشكلة إنو
أولاً : الطلاب بكلية العلوم ئلال يلي بيعرفو المنتدى
ثانياً : الطلاب عايفين حالن وما إلن خلئ لا للنقاش ولا للمشاركات العلمية كتير
لا تواخذني بهل كلمة
طول النهار بالدراسة
وبعد الدراسة بالشغل
وآخر شي منجي بآخر اللليل منشان نتناقش بالدراسة ونوجع راسنا أكثر وأكثر
طبعاً كلامي بيخص فئة كبيرة من الطلاب ومو الكل
بئى بدك تروء علينا
ومنشان المحاضرات
كمان رح حاكيك بالمشرمحي
أخي الكريم
75% من المحاضرات بالمكتبة من شغلي الشخصي
لو بتعرف ئديش عم اتعذب وئديش عم اشتغل
وئديش ضاع وئت على المحاضرات
كمان أنا انسان وإلي طاقة
أول ما فتحنا القسم نزلنا موضوع موجود بقسم الكتب العلمية مثبت
بيدعي الجميع للمشاركة معنا
طبعاً في أشخاص أثبتوا وجودون وساعدونا
وفي عالم طلعت بتحكي عل فاضي
بكل صراحة
لو مالك عضو وعضويتك ئديمة
ولو ما عندي نظرة تجاهك ما كنت حكيت هل حكي ولا كتبت هل كلام
بالنهاية
الموضوع كتير احتد
وهيك ما رح نوصل لنتيجة
بشكر كل مين مر
لونا - الحزين الضاحك - معاذ - دعاء - حنيني للجنة - ويست لايف - مشرفتنا وايت جاسمن
الموضوع مآله إلى النهاية
وهون نهايتو
برجع بئول يلي عندو اقتراح ياريت يخبرنا فيه
السلام عليكم ورحمة الله وبركاته

« عرض آخر مواضيع العضو »

وأمرُّ مَا لَقِيْتُ مِنْ أَلَمِ الهَوَى .. قُرْبُ الحَبِيبِ ومَا إلَيْهِ وُصُولُ

كَالعيِسِ فِي البَيْدَاءِ يَقْتُلُهَا الظَمَا .. والمَاءُ فَوْقَ ظُهُورِهَا مَحْمُولُ

يَا بَدْرُ كَمْ سَهِرَتْ عَلَيْكَ نَوَاظِرُ .. يَا غُصْنُ كَمْ نَاحَتْ عَلَيْكَ بَلَابِلُ

البَدْرُ يَكْمُلُ كُلّ شَهْرٍ لَيْلَةً .. وَهِلَالُ وَجْهِكِ كُلَّ يَومٍ كَامِلُ

أَنَا أرْضَى فَيَغْضَبُ قَاتِلي فَتَعَجَّبْوا .. أَيَرْضَى القَتِيْلُ وَلَيْسَ يَرْضَى القَاتِلُ؟؟!

قَتْلُ النُّفُوسِ مُحَرَّمٌ لَكِنَّهُ .. حِلٌّ إذَا كَانَ الحَبِيبُ القَاتِلُ ..

أنت غير مسجل لدينا.. يمكنك التسجيل الآن.