مو مشكلة أخي إياد ...منستنى باقي المشاركين ومنشوف ...يمكن ما نجتمع أذا ضل العدد قليل ...بعدين الساعة 12 بيكون شوب كتير مشان هيك أنا قلت أبكر ...ممكن تلتحق معنا أو بتشوف النتائج بلا هالنزلة بالشوب ...

بصراحة أذا ضل العدد قليل فهي مشكلة

يعني أنا كمان عندي دعكة بالأيام الجاية في وراق بدي طلعهم من شي مية مكان وامتحان الماجيستير باقيلوا عشرين يوم بالكتير ...يعني أذا ما كان العدد كبير يمكن ننضغط بالشغل ..وهالشي بيجوز يخليني قصر معكم

مشان الي ما بيحسن ينزل ...مو مشكلة المهم يأيدنا ويقول أنو ما بيحسن ينزل نحنا منتكفل بطريقة لنوصلوا الترجمة لعندو وطريقة ليكتبهم ما تاكلوا هم...

السلام عليكم ...


تحياتي EngKey

السلام عليكم

بيسعدني انضم لإجتماعكن بكرة  وماعندي مشكلة ان شالله بالتوقيت
ورح ضل فوت اليوم على هالموضوع لحتى اتأكد انه الموعد مارح يتأجل

سلام

أي أخي محمد

هلأ هي معناها

اقتباس

غير محصور بفئة معينة من الطلاب

المهم أذا هيك معك حق ... انشالله يكون العدد مو محدود

بس ياريت لو كان في طلاب خامسة أو متخرجين أو رابعة

لأنو....وهون بحب ضيف شغلة

الترجمة مو بس لغة ...وهالشغلة حكاها أحد الشباب برد من ردودوا
ياما قارء جمل وما عرفان ترجمها لأنو الواحد لازم يفه سياق الجملة والمعلومات الهندسية الي أخذها خلال دراستوا بتساعدوا بهالشي
أنا ما عم انتقص طلاب الأولى والثانية  الي عم يشاركوا بالعكس هادول طلعوا أحسن من كتير منا شافوا الموضوع وما شاركوا فيه
ولو أنو هون منقدر نلاقيلهم أعذار لأنوا كل واحد عندوا مشاغلوا والأشياء الي شاغلتلوا بالوا ...وعلى ما يبدو للأسف أني رح كون واحد منهم هلأ   

أنا كنت متحمس كتير ....بس في شغلات كتير خلتني فكر من البارحة أنو لازم اعتذر هلأ :
1-  اعتذر هلأ أحسن ما اعتذر بعدين لأنو العدد كتير قليل ولهلا الي ثبتوا تأييدهم للاجتماع ما بيتجاوزوا اصابع اليد الواحدة ...وهالشي رح يشكل ضغط كبير عليي وعلى كل المشاركين.
2- أمر مؤسف أنو امتحان اللغة للماجيستير 21 الشهر يعني بعد اسبوعين والأسئلة شفت عينة منها وما كانت سهلة ابداً ...وهالامتحان بيتعلق فيه مصيري لذلك لازم أوليه الأهمية الكبرى بالمرحلة القادمة .
3- شغلة قديمة حكيتهاسابقا ::: وهي الروتين الاعتيادي أني لازم جيب وراق كتير .
4- احتمال وجود مسابقة قبول بالماجيستير .


حابب عقب بشغلتين أخيرات على أخي محمد

اقتباس

الفكرة مو بطالة أخي محمد
شكرا ... وانا حسيت أنها ماكتير سئية

أنا بعتذر أذا فهمتني غلط ...لأنو ما قصدت شي
قال رسول الله صلى الله عليه وسلم
إنما الأعمال بالنيات ..... ونيتي الله بيعرفها

الشغلة التانية

اقتباس

ماضروري ننهي الكتاب بالسرعة القصوى

معنا سنة كاملة ... فينا نترجم فيها أكتر من كتاب

بدك ما تنسى أخي محمد أنو نحنا مو بكلية حقوق أو تجارة و اقتصاد
نحنا بكلية الهندسة المدنية
انا ال يبذكروا ...سواء الطالب داوم نظري أولا العملي بدو يحضروا
وقد ما درس ما رح يلحق .. فكيف بدو يجمع شغلتين سوا
بيجوز أنا ما عندي هالقدر وهي موجودة عند الكل ....

بعتذر على هالشي الي صار ...وبتمنالكم التوفيق و أي مساعدة بقدر أخدمكم فيها مارح قصر
وأنابجميع لأحوال بالكلية الساعة عشرة وربع بدي كمل مطالعة وراق بالكلية وبرا الكلية
بتمنالكم التوفيق

يعطيك العافية أخي خالد , أنا من جهتي ما رح قصر اذا فيني ساعد بشي ومشان الاجتماع ع الأغلب ما يصرلي اجي , انا بزكر عندي نسخة بي دي اف من الكتاب اذا كنتو بدكن توزعوها , وشو علي ما رح قول لاء , سلام.

السلام عليكم

ما شاء الله

بدأت المشاريع بالازدهار بالمنتدى

 

إن كان لديكم أي استفسار حول العمل بالترجمة وكل ما يتعلق بذلك بىلية التنظيم أو العمل بالترجمة فنحن جاهزون

بالتوفيق جميعاً

لما كنت مارر بالكلية شفت شباب مجتمعين (مارح أذكر العدد مشان البركة ) شاركتهم الاجتماع ...وكانوا عم يحكوا عن الكتاب وعن آلية العمل ....المهم الي فهمتوا من الشباب أنو العمل بإذن الله رح يتم بعد رمضان ...وسيتم الإعلان عن ذلك في حينه
إذا الله راد 

يعني نشالله رح يبدا الشغل الجد أثناء الدوام..
على العموم انا جاهزة لأي شي بأي وقت ..
حابة اشكر كل اللي عم يحاولوا ينجحوا هاد المشروع ويعملوا شي بالكلية يقدر الكل يشارك فيه ويستفيد منه .. مشكوريييييييييييييييييييييييييييييييييين كتييييييييييييييييييييير ياشباب    

انا عنجد ما قدرت فوت ع النت لعدة ايام ماضية يعني يوم الاتفاق ع الاجتماع بالكلية
يعني انا اسف اذا صار اجتماع بالكلية وما كنت فيي بس انا لهلا جاهز ويلي حضرو الاجتماع ممكن يقلولنا شو صار معهن لنكون بالجو يعني شو تفقتو واي كتاب لح ترجمو
وموفقين شباب

انو انا عندي سؤال ليش الكتب الي بالجامعة مو مترجمة يعني ما عم تعملو شي جديد برأي غير انو الجديد الي عم يترجمو هالمرة طلاب