حلو ... يعني فينا نقول بلش الجد ؟؟؟؟

إذا بتسمحولي لح قول اقتراحي للبداية بالمشروع ...


أول شي : الاتفاق على نوع  الهندسة ( إنشائية أو مائية أو .............. ) .

تاني شي  : الذهاب إلى أكفأ دكتور بالإضافة إلى أنه معروف أنه متعاون مع الطلاب ... وهو مين بيقرر اسم الكتاب ... أكيد هو لح يكون عندو اطلاع وبيعرف أكتر منا ... وبيعرف الجيد من الممتاز ...

تالت شي : ممكن هالدكتور يعطينا رأيو بالكتاب ... بس مو شرط دغري يتبنانا ويدعمنا ... وهون بتجي مهمتنا لإقناعو بأنو الطلاب يلي عم يتعامل معن جدين ... وقتها ببلش التنسيق ( يلي ما لح نحكي فيه هلأ ... بس لازم يكون على مستوى عالي ... مشان يكون المشروع ناجح ) .. ومنترجم أول بحث أو موضوع ومنورجيه ياه كمان منحط جدول زمني وخطة لإكمال المشروع ومنخليه يطلع عليه ... مشان نقنعوا أكتر أنو نحنا جدين لأبعد الحدود ...  وقتها احتمال يعجبو شغلنا ... وقتها منكمل حسب التنسيق يلي اتفقنا عليه ...  واحتمال ( ضئيل ) لاء  ... " برأيي " ما لازم نكمل المشروع بدون دعم من احد الدكاترة أو المهندسين ... 


يمكن المستوى الهندسي لطلاب الأولى والتانية .. ما يخليهن يشاركوا ...بس " برأيي " الأحسن أنو يتابعوا المشروع ... لأنو مشروعنا لح ياخد وقت ... وممكن الطلاب الأعلى منن يلي شاركوا .. يجي وقت وينشغلوا أكتر وينسحبوا منو ... بس بنفس الوقت هالصغار بيكونوا صار كبار ... وبيقدروا يحلو محلن ...

أنا معك مليون بالمية ... التنسيق أهم من الترجمة ...



عندي استفسار ...

اقتباس

الي بدو يشارك بالترجمة لازم تكون لغتوا فوق الوسط

كيف بدنا نحدد المستوى للمشارك  ؟؟؟




تمنياتي بتنفيذ المشروع عملياً ونجاحه ... 

الفكرة كتير حلوة ، وبدي انضم بس ما بعرف ادا مستواي بالإنجليزي بخولني فوت أو لا
وعلى حسب الكتاب إذا حكيه معقد أو لا ، وكمان ما بعرف إدا طلاب السنة التانية مخولين هندسيا




عندي إقتراحين

* انه نختار الكتاب في منه نسخة نصية على الكمبيوتر PDF أو Word لإنه هالشي كتير بيسهل العمل والترجمة .

* إذا كان الكتاب هندسة إنشائية فما بتوقع في أفضل من المهندسة إيمان التلا للإشراف على هالموضوع لإنها دائما متعاونة مع الطلاب وكانت تحب تعطيهن مصطلحات هندسية بالإنجليزي .



صراحة بيفرح الواحد لما يلاقي عالم بتحب العمل التطوعي والخير
جزى الله الجميع كل خير
و بتمنى للمشروع النجاح


تحيـــاتي

أنا معكم أختاروا الكتاب وخلينا نبلش

ما بعرف أذا مستوي اللغوي تمام ولكن لح شارك لو بالتنسيق ياريت نبلش فوراً

مشكور خالد

أذا بدكم هادا أختبار للتحديد المستوى

جربواااااااااااااا

وشوفوا مستواكم

أنا لسا ماجربت

http://www.english4arab.net/quiz/test.php

السلام عليكم انا هادية الي قلتلكم على كتابnefert انا بقدر ابعث نسخة منو يس ما بعرف كيف

انا جاهز
       

انا برايي اول شي نشوف مين بدو يشترك و نعمل اجتماع
ونتفق على الكتاب و بعدين منشوف مين يمكن يساعدنا
من الدكاترة و المهندسين حسب نوع الكتاب يلي رح نختارو

     

   
 

عمر

السلام عليكم
انا حابب شارك معكم
بس بعرف انو امكانياتي مو كل هالئد
وانا سنة اولى اذا بقدر ساعدكم قلولي
انا متحمس لهيك شي بس ما بعرف اذا لح اقدر لانو سنة اولىولسا ما لي عرفان شي عن الهندسة الحقيقية

السلام عليكم

شو وين الشباب ،،،،،،، بدنا همة عالية ،،،،،،،،،،،،أنا برأي نعمل أجتماع بالكلية

يلي بحب يشارك بالأجتماع يخبرنا بالهشي
لحتى نحدد الموعد والمكان معروف بالكلية


قولوا الله يا رجال 

مرحبا كيف الكل؟؟  

والله الموضوع رائع وحلو، ومادام حبيبنا وكبيرنا اللورد أبو الزوز مشترك أنا ما فيني ما أشترك، إن شالله بعمل شاي أهوة

ومشكورين على جهودكم  

يعطيكم العافية على الموضوع
جداا رائع وفكرة كتير حلوة وحيكون هالعمل التطوعي ثمرة من ثمرات
طلاب المدني وأنا بصراحة حابب و بتمنى إني  إشاركم بشيب بس للأسف الشديد لأنه بصراحة مستواي اللغوي ضعيف وبالتالي ما بعرف بس أنا إنشاء الله أي خدمة بهالمشروع أنا جاهز  وأنا بأيد فكرة إنه تكون المهندسة أو بالأصح الدكتورة إيمان التلا هي المشرفة.
وشكرااااااااااااااااااااااااااااااااا
سلااااااااااااااااااام