العنف منذ الصغر
]أول درس في العنف لما كنا صغار هو غرفة الفيران...وكانت أول درس في ثقافة العنف المكتسبة .. الغرفة الوهمية إلي كانو يهددونا فيا بالمدرسة يعني كلام الانسة إللي بدي أسمعو عم يحكي بدي حطو بغرفة الفيران     

كمان العنف النفسي اللي كان يمارس من قبل الأهل

يعني الكلمات اللي كنا نسمعا دائماً

مثلاً : والله لأفرمك - والله لكسرك - بدي كسر ايديك - بدي اقبرك - بدي أهري نعمتك - اذامابسلخ  جلدك عن عضمك ..................الخ

في مصطلحات عنف كانت تعتمد على الطب

والله لشيل عيونك - والله لطير راساك - يشوفك الحكيم ويهز براسه - والله لأقرف رقبتك وحملك ياها -  والله لأقص عصبك ( أو لسانك أو إيدك ) لا فرق

في عنف مشتق من الكلام الوطني

والله لأطرأك كف خلي سنانك تمشي مسيرة قدامك

في عنف مشتق من الحيوانات

والله لخليك تقاقي ماتلاقي - والله لخليك تعوّي متل الكلاب

وفي عنف رومانسي

والله لفرجيك نجوم الضهر اللي صارت معروفة عنا أكتر من نجوم الليل

في عنف دبلوماسي أكيد عرفتوا

هو هديك اللحظة اللي بيجي فيا الوالد الكريم حامل معو صحن سيكارتو وبيقلنا: تعال بابا نتناقش بهدوء اعتبرني رفيقك ، وبغباء الابن المعهود منصدق وعند أول اختلاف وجهة نظر بيناتنا"طبعاً بابا"وبس نقول: بس يا بابا هدا رأيي....

بيطفي الوالد سيكارتو وبيطفي وجهة نظرنا بكلمة وحدة ولاك "...."صار عندك وجهة نظر !! سماع ولا نص نصيص كبرت لما صغرت .. طلعت لما نزلت .. بضلك تحت هالـ"...."و مابيمشي غير اللي أنا بقولو أوم ولا !! جيل اّخر زمن .. والله عال

حتى صار عنا عنف باعترافاتنا العاطفية

يعني اذا حبينا حدا منقلو.. تقبر قلبي - تطلع على قبري وغيرو كتير من المفردات الي مليانة عنف


و تذكرت انو من مدة  تناقشت مع اصدقائي حول الفكرة التالية: الغنية الي بتقول: يلا تنام ويلا تنام لدبحلك طير الحمام
تخيل انك عم تنيم ولد صغير عالغنية فيا دبح حمامة و بعدين ما منكتفي بانو نقلو ادبحلك طير الحمام رح نقلو روح يا حمام لا تخافي انا عم اضحك على **** يعني منبلش بالدبح و مننتهي بالكذب و المراوغة







؟؟؟؟ لوسى بيسألوك كيف عشت طفولتك.؟؟؟؟؟؟
                 

كلامك جواهر  sweet
وفعلا تذكرت الرد المعروف جدا والشعبي
الرد على عبارة ماما بدي العب
فبيكون الجواب من الجمل المستندة على العلم
00تلعب الكلبة بدراسك فوت لهون ولاااااااااااااااااك00

والله الحق معك 
ولا تنسى انو في بغرفة الفيران قطرميز مععود لدهن الادان (هذه وسائل ترهيب للدراسة وليست ترغيب)
وفي كتير جمل بتدل عالحب الكبير عند الاهل لما بسمعها انا بحس اني بحالة من الاستفزاز 
مثل (تشكل آسي) ومن كتر روعة هالجملة ألفو أغنية عليها
سلاااااااااااااااااااااام للجميع

حتى ولو كان اكلام منقول بس في كتير أشخاص ماسمعوه
شكرا كتير sweet

السلام عليكم روحمة الله وبركاته ....


والله بصراحة موضوع العنف حلو كتير وخاصة اذا انطرح مثل هالطرح ....


يعني بقدر منو قريب من الواقع .....

بقدر ما حبيتو وضحكت  على هديك الايام .....

جزاك الله خيرا على ما قدمت ....

والسلااام ...