حلو كتير يكون عنا هالشعور بالانتماء القومي لبلدنا
كلنا نفتخر بكوننا سوريين
السوري بيدعو للفخر مو بس في بلدان الخليج وكمان في  الدول الاوربية والامريكية بس ما بعرف هالسوري شو بصرله لمى بكون على ارض سورية بينتحس وبيتنح وبصير مدري كيف
يمكن المواطن السوري بتتصلح اخلائه بالغربة
ما بدي عمم لكن اغلب الناس جوا سوريا غير برا سوريا

تحيا سوريا...من البحر السوري(الذي يسمونه المتوسط) و حتى الخليج العربي
من طوروس و حتى قوس الصحراء العربية
من قبرص الى البصرة


سوريا قلب العروبة ووطن الأنبياء و الشهداء

تحيا سوريا...و عاشت أمتنا

أنا سوري ... آه يا نيالي

فعلا اخي ومعك حق بس هي بالخارج

اما هون بين اهلو متلو متل غيرو هي اذا ما انذل وفي مليون سبب

اولها فرص العمل ... وكتير غيرها

تقبل مروري

دموووووووووووووووعة .... سلامو

مافي مجال للشك انو كل انسان يفتخر بالمكان اللي ينتمي له
بس هالشي مايعني نسكر عيوننا ومانشوف غير الايجابيات عن سوريا واهل سوريا داخل او برة سوريا

انا معاكم ان سوريا بلد العزة والكرامة والجيش والوحدة
واهل سوريا معروفين بكرمهم وطيبهم واخلاقهم
بس كل بلد فيه كفايته زين او شين .... ويمكن انت شايف مواقف غير المواقف اللي شايفها انا

اقتباس

اغلب الناس جوا سوريا غير برا سوريا

اقتباس

ما بعرف هالسوري شو بصرله لمى بكون على ارض سورية بينتحس وبيتنح وبصير مدري كيف

والله يااخواني شايف العكس
يمكن لكثر الامثلة بسوريا
وقلتها برة سوريا



أنا سوري ... آه يا نيالي
انا سوري درست برة سوريا
ولمجرد اني دارس برة سوريا مضطر ادفع كل سنة مشان ادرس داخل سوريا .... بلدي .... آه يانيالي
وغيري اللي مو سوري يعامل بالمفاضلة افضل من معاملتي ... جد آه يانيالي

معكن حق و بحب سوريا و بفتخر بس
و بتنى نتطور اكتر و نكون دولة متقدمة و نقضي عالتخلف و الفساد

فيني افهم مين اللي عم يدرس ببلاش و مو سوري؟
الفلسطينيين أو العراقيين؟
ما فلسطين و العراق أجزاء من سوريا الطبيعية يا استاذ Q8&SYR؟

ولا الاستعمار عشش بذهنك و نسيت انك ابن أمة عظيمة رائدة و خالدة و فكرت حالك ابن دولة صغيرة اسمها الجمهورية العربية السورية؟
الله يرضى عليك اوزن كلامك و تعرف شو عم تحكي
حق الطلاب العراقيين و الفلسطينيين بالدراسة بجامعات البلد أكبر بمليون مرة من حقي و حقك
و منشان المعاملة : أسوأ معاملة هي للطلاب تبع المفاضلة العامة أمثالي اللي لازم نجيب 40 علامة اضافية عن الباقين منشان نفوت ع الجامعة... مع هيك ما حدا اعترض



تذكر انو كلنا اولاد بلد وحدة كبيرة جزأها الاستعمار و لا تركض ورا الدعايات الاستعمارية التافهة........

اقتباس

فيني افهم مين اللي عم يدرس ببلاش و مو سوري؟

اول شي انا ماقلت انهم يدرسون ببلاش
ولا جبت طاري ( بلاش ) ابدا
انا قلت انو انا سوري ورغم هالشي ادفع فلوس كل سنة لاني ادرس بسوريا
( واللي جبرني اني ادفع فلوس هوا انهم يشيلون 10 بالمية من نسبتك في البكلوريا بالمفاضلة العامة )

اقتباس

الفلسطينيين أو العراقيين؟
ما فلسطين و العراق أجزاء من سوريا الطبيعية يا استاذ Q8&SYR؟

؟؟؟؟ انا جد مستغرب من طريقة ردك يعني على اي اساس انت فهمتها ؟؟؟؟؟
رجاء اخي لا تفهم كل شي على كيفك
ولو كان بدك تعاتبني عاتبي برسالة خاصة ماشي حبيبي
انا مافهمت شنو قصدك بانك حولت الموضوع عالفلسطيني والعراقي ؟؟
لاني انا ابدا ماقصدتهم

انا ماذكرت الفلسطيينين ولا العراقيين
وذول الشعبين بالذات لهم الحق يدرسون باي مكان ( من دون مانية )
انا قلت اللي مو سوري يعامل افضل مني بالمفاضلة ( الاجانب )
لهم مفاضلة نفس مفاضلة السوري غير المقيم
وبمجموع قلييل جدا يدشون افضل اختصاصات
واذا بدك تتأكد اطلع على نتائج مفاضلة الاجانب السنة الماضية
رح تلاقي من كندا وامريكا والصين وكل شي وشوف الاختصاصات اللي دشوها

اقتباس

ولا الاستعمار عشش بذهنك

معليه اخي اعذرني بهالكلمة
بس احترم نفسك اوكي ؟؟

اقتباس

تذكر انو كلنا اولاد بلد وحدة كبيرة جزأها الاستعمار و لا تركض ورا الدعايات الاستعمارية التافهة........

متذكر وحياتك

بس انت فكر بكلامك قبل لاتقولو
واقرا مشاركتي مرتين


والسلام ختام

بعد التحية والسلام للجميع

واعذروا تقصيري للرد على ماذكرتموه لقلة وقت عندي هذه الأيام

ولكني كنت قد وجدت شبه خلاف قد ظهر بين ردين قد اختلفا في وجهة النظر

علماً أن الخلاف في الرأي يجب أن لايفسد للود قضية

وعلماً أن لي مقالاً ههاهنا بهذا الخلاف ( ولست أقف بوجه أحدكم أو بصف الآخر ولكنها تبقى وجهة

نظر لا يشترط فيها الصحة ولا الخطأ )

خروجاً للخلاف فإن الدراسة في سورية محالٌ أن تكون مشابهة لأي دراسة في أي قطر عربي

آخر وهذا يعلمه الجميع ولا ينكره أحد

و لا يجوز لنا أن نقارن الدراستين معاً ( مع ملاحظة هامة وهي نظام الاكمال بدول الخليج وعدمه في

سورية فالطالب السوري إن أصابه طارىء بمادة ضاع من عمره سنة ولا يحق له الاكمال وهذا لعمري

يكفي بحد ذاته أن لا يقارن بغيره من الطلاب الدارسين خارج سورية )

وإذا كانت الدولة قد ارتأت أن تعتبر الدارس بغير سورية بحكم الدراسة وفق نظام الموازي

فلا أرى بذلك أدنى ظلم لكلا الطرفين



ولمن كان يرى الظلم في ذلك اقول

تعال وقدم البكالوريا في سورية ولن نجبرك على دفع فلس واحد

وإلا

فارجع إلى البلد الذي اخذت منه البكالوريا ودعه يدخلك جامعاته ( ولن يدخلك إياها )

عذراً

فنحن ندافع عن أنفسنا كطلاب درسنا في سورية ويأتي غيرنا بسهولة في الدراسة و نظام إكمالات

ليأخذ مكان المتميزين بيننا

وإن دفعتم مادفعتم فصدقوني أحمدو الله أن استقبلكم بلدكم وقد لفظكم من درستم عنده لنهاية

المرحلة الثانوية

تقبلو تحيات محدثكم : المهندس عبد الرزاق ( سوري في السعودية )

لك تحياتي مهندس عبد الرزاق
انا اتفق معك بكل شي قلته
وخصوصا نظام الاكمال ( الدور الثاني )
بس هالشي مو مبرر انو سوريا تحذف لك 10% من نسبتك ( انا مااقول انه لازم يعاملونا معاملة الدارس في سوريا بس مايعاملونا جذي !!! ) ( يعني ماحسيت حالي سوري )

اقتباس

فارجع إلى البلد الذي اخذت منه البكالوريا ودعه يدخلك جامعاته ( ولن يدخلك إياها ) 

عذراً

أحمدو الله أن استقبلكم بلدكم وقد لفظكم من درستم عنده لنهاية

المرحلة الثانوية

احب اقولك انو عندنا يقبلون اي طالب سواء كان سوري او فلسطيني او مصري .... وهالشي يتم ضمن مفاضلة خاصة بالوافدين العرب في الكويت
بس الطب البشري مابيقبلو فيه اي طالب غير كويتي
وكثير شباب سوريين دخلوا جامعة الكويت بس انا كان اختياري جامعة دمشق حصرا ( ندمان وحياتك )
ولحد الحين مسموحلي ادش جامعة الكويت ... تصحيح معلومة لاغير

اقتباس

ولمن كان يرى الظلم في ذلك اقول

تعال وقدم البكالوريا في سورية ولن نجبرك على دفع فلس واحد

حلوة ...انا كان لازم افكر فيها



تحياتي لك ... وموفق انشالله