اهلا اختي الكريمة بك و بأهل الكويت جميعا

اول سؤال انت تدرسين الان بالكويت؟

و إذا رغبت بالدراسة بجامعة دمشق يجب عليك ان تحققي علامات عالية في الشهادة الثانوية في الكويت و ذلك لأنه يتم حسم نسبة من العلامات في جامعة دمشق

اما إذا رغبت بالدراسة بجامعة خاصة بالشام فالدراسة حتما باللفة الانكليزية

و لا توجد لغة عربية

اما بالنسبة للسعر فللأسف لا ادري بالتفصيل

و لكن انتظري كم يوم حتى أسئل بالكلية و رح رد إن شاء الله

و اهلا بك بجامعتنا من جديد

بالتوفيق

أختي متل ما قال أحمد ... أول شي نحن منرحب فيك بجامعتنا (دمشق) .تاني شي : أنك لازم تدرسي كتييييييير منيح .. نحن ما عم نخوفك بس مشان نضمنك معنا السنة الجاية...
أما بالنسبة للأسعار فالجامعة الحكومية أسعارها مقبولة كتير وما بتشكل ضغط على الطالب... (بس اختصاص طب الأسنان حصراً بدو تكاليف أكتر شوي) وسأرد بالتفصيل قريباً إن شاء الله

أما الجامعات الخاصة فالدراسة باللغة الانكليزية والأسعار متوفرة على مواقع هل الجامعات على النت مثل : موقع جامعة القلمون:
http://www.uok.edu.sy/uok/
مع العلم أنو فيكي تجيبي المواقع كلها من محرك البحث google
بتمنى نكون ردينا بالشكل المناسب ....

اشكركم ..

اولا

اخوي احمد .. إي نعم انا ادرس بالكويت .. وانا كويتية

ولأن شوي انا ضعيفه بالانجليزي .. ولان حسبتنا بالكويت حيييل صعبه

يعني من تقدير A انزل على تقدير B+عشان بس الانجليزي ..

ولان طموحي طب اسنان ..

شفت انه سوريا تدرس باللغه العربيه .. فقلت شي طيب وحلو ..


Obay Qasim

لا لا .. أكيد .. يعني ابدرس

آخر سنه بعد :)

اكيد راح نشد حيلنا ..


اليوم سئلت .. زميلتي بالصف سوريه

وقالتلي .. (( جامعه حمص .. دكاترها متساهلين اكثر من جامعه دمشق ))

المهم .. الله يكتب الي فيه الخير لنا ولكم

مشكورين .. :)

لا شكر على واجب أختي Dr.kuwatiya بس حبيت أضيف هون أنو نحن مشغولين شوي بالمذاكرات هلأ ,,,, ومشان هيك يمكن ما حدا عم يكتب بالتفاصيل !
بس إذا بدك فوتي بعطلة نهاية الأسبوع و بتشوفي شي بيرضي إن شاء الله

المهم (متل ما قلتي) الله يكتب اللي في الخير ... وبرجع بأكد عليك أنو تفوتي بالعطلة

You Are Welcome !

مشان جامعة حمص .... أي بيقولو دكاترتا متساهلين أكتر بس للأسف بحمص ما في طب أسنان ,, بس ب حماة (حد حمص ) في و هي جامعة تابعة لحمص !!
على كل حال : اللي بدي قولو هلأ :
أنا بنصحك أنو تحسني انكليزيتك حتى لو أنك ما بتحبيحا بس والله هي ضرورية كتير ...
و الأهم من هيك أنو بس بدك تعملي دكتورا بطب الأسنان إجباري بدك إنكليزي !!

مرحبا ....
اريد احد يساعدني كم سنوات الدراسه وفي كلية طب الاسنان
علما انا سعوديه وكم المبلغ للتسجيل
والله يعطيكم العافيه....

بسم الله :

أولاً : مرحباً بك أختي في المنتدى .... نورت

أما الآن فسأطلعك على بعض المعلومات عن طب الأسنان (جامعة دمشق) :

الدراسة باللغة العربية ... و رسم التسجيل هو 1000 أو 900 ليرة ... ملاحظة (الريال = 13 ليرة  )
بالنسبة للمصروف ... قد يكون هو الأعلى في باقي الكليات بسورية .. بس مقدور عليه .. وعدد سنين الدراسة 5 سنين .... (بس سمعت أنن عم يفكرو يعملوها 6 سنين )

الشباب كلن برحبو فيك طالبة معن      و أهلا وسهلا فيك

إذا بدك تعرفي كمان شوي ... اطلعي على الموضوع بنفس القسم هاد (طب الأسنان) بعنوان "طلب ضروري "

سلام 

شكرا ...ابو قاسم
الله يعكيك العافيه
بس غريبه الدراسه بالعربي    كنت اتوقع مافيه جامعه عربيه تدرس طب بالعربي

الله يعافيكي , ولا يهمك .

بس نحن مو بس الطب بالعربي ,, كل شي بالعربي , ومشان هيك ترتيب الجامعة متقدم هههه   يعني مو عالي .

إذا في أي شي تاني أنت بس اسألي .

سلام