اوكي ...

هلأ بالنسبة للقونين في بعضا بالربع الأول بتبلش سالبة ... وملما بتقلبيا بتصير موجبة

وفي منا بالربع الأول مباشرة بتكون موجبة ... مابعرف اذا هالحكي فادك بشي ...

بس بالضبط الغلط  عم يطلع وين بحساب مركز العطالة ولا أثناء حساب احداثيات الشكل

عالـ y , x ... عكل حال رح حاول بكرا حط شرح عن هالموضوع ...

بالتوفيق يوم الأحد ..

اقتباس

B.L-A-C.K92

يعني انا كلامي اللي قلتلو مو صح ولا لأ ؟

الكلام اللي قلتي صح

ومتل مابتذكر مامنغير إشارة المثلث وقت نقلبوا

اقتباس

عم لاقي بالمحاضرات شي غير هالحكي بس ليش ما عم بفهم !

الله يوفقك لالالاتنسى بكرة تسال رفقاتك اكيد

هلأ بالمحاضرات في محاضرة إضافية عطاها الدكتور أخر محاضرة بالركن حل فيها الدكتور مثالين

انا من ناجيتي هادا اللي درستوا بقسم المما طبعا مع قوانين الأشكال و كيفية حساب xcو yc

إنت طلعي عالمحاضرة الإضافية ............

وخلص بكرا بسأل رفقاتي وبردلك الجواب



                                                                                                                       

تغيير اشارة القانون بس بتكون وقت تحسبي  IXY



واحفظي الاشارة حسب الربع اللي موجود فيه الشكل


و بالدورات في كتير امثلة صحيحة ممكن تستفيدي منها


ان شاء الله كون فدتك

يمكن ما فهمت شو المطلوب تماما ...
بس أهم شي نعرف أنو عزم العطالة الثاني يعني Ix.. لازم دايما يكون موجب ولا يساوي الصفر مشان هيك لما تكوني عم تحسبي عزوم عطالة من النوع الثاني لا تفكري بالإشارات منووووووووب ولا تفكري إزا بدك تعكسي القانون أو تحطي قدامو إشارة سالب حتى انتبهي بالفحص إزا طلع معك شي عزم عطالة سالب من فورك بترجعي بتعيدي حساباتك لان فيها غلط "" لا سمح الله""...
أما لما نكون عم نحسب Ixy... جداء عطالة على ما أذكر كنا نقلو..
المهم هوو قد يكون موجب أو سالب وبوقتا بتفكري إزا بدك تقلب الإشارة أو لأ ...
وحكيك أنو لما ينقلب الشكل مرة منغير الإشارة مزبوط ولما يقلب مرتين لأ ... صح الكلام

وعكل حال إزا ما فهمتي الوضع حاكيني بكرا وانا هلأ رح قوم حل كم مسألة للمما كرمال أتذكر عالمزبوط...

ok bashoura   

PRIDE  PURE_M  B.L-A-C.K92

شكرا كتيييير نوعا ما فهمت (نحنا مامنغير الاشارة إلا وقت منكون عم نحسب جداء العطالة بس ووقتها منشوف الشكل كم مرة قلب و على اساسها منغير الاشارة تبع جداء العطالة اما بعزم العطالة التاني ما منغير كيف ما قلب الشكل )

ان شا الله يكون اللي فمهتو صح

B.L-A-C.K92

بس نحنا منقلب الشكل شو ما كان سواء مثلث او غيرو (بظن حكيك عن عدم قلب المثلث غلط )القلب لكل الاشكال هيك بتذكر مو؟

عكل شكرا الكون

طيب كمان سؤال ؟
يلي عندو نوطة المما تبع محاضراتو
آخر جدول فيها تبع عزوم عطالة الكتل بدنا نحفظون شي ؟بتتذكرو قال المما شي عن لازوم حفظون ؟؟؟

  PRIDE 

يمكن عندك النوطة تبعو بتتذكري انو لازم نحفظون و لالأ ؟؟؟و الله انا نسيانة اذا حفظتون المرة الماضية؟


بتاسف جدا عالاطالة و مشكوريــــــــــــــــن 

وليييي كلكون عم تحكوا عن الميكانيك 2 وحسيت حالي مو بالجو            كنت بالفيزيا يلا بعينا الله المهم انشالله يترفع كل شي معنا

هلأ أنا مابعرف ماقرأت كل الردود بس فهمت عن شو عم تحكول ومالحقت أقرأ كل شي بس رح قول فكر تي وشو متذكرة أنا بعرف أنو مامنطلع عالأشارة وعالأرباع الا اذا عم نحسب Ixy اذا كانت هيك أو اذا كانت بار (يعني فوقها خط) هيك منشوف بأني ربع ومناخد القانون الاساسي وحسب الاباع منقلب الاشارة بس اذا عم نحسب لx لحال أو لy لحال مامنطلع ودائما رح تكون موجبة يمكن حكيتوها       
وادعولنا أما نة     

سعة الاهتزاز شو وحدتها ؟
ااااااه ؟

يعطيكم العافية ..

يارب كلكم ترفعوا موادكن ... بمعدلات

تحياتي

اقتباس

آخر جدول فيها تبع عزوم عطالة الكتل بدنا نحفظون شي ؟بتتذكرو قال المما شي عن لازوم حفظون ؟؟؟

PRIDE

يمكن عندك النوطة تبعو بتتذكري انو لازم نحفظون و لالأ ؟؟؟و الله انا نسيانة اذا حفظتون المرة الماضية؟

أنو والله ما حفظتون لأن حسيت فيهون قلة طعمة ...
هلأ يمكن يكون حكيي غبي نوعا ما وإلا ما نستفاد منهن ...
بس من ناحيتي ما حفظتون منووووووووووب ...

يعني بشورة حكيك صح ومزبوط   

محب الرياضيات

اقتباس

سعة الاهتزاز شو وحدتها ؟

يا ريت فيني فيدك ... بس قسم تلتلو عدمانة فيه ...  

وموفقين يا رب بالميكانيك يااااااااااارب ....

مرحبا

أنا عم اتغالظ بس استحملوني بس لبكرة بهالاسئلة السئيلة

بالنسبة لتحويل الواحدات بقسم د. شاهين (يعني وقت اللي بيعطيني رقم واحدتو kgf بضربو شي ب 9,81 و لا بتعامل معو متل ما هوو بواحدتو دون تحويل علما انو بالدورات اوقات عم يحولو وما عم بعرف ايمتى لازم حول ووين؟؟؟)

2- بالنسبة للمحاضرة الاضافية للدكتور المما :
بالمسالة الاولى ليــــــــــــــــــــــــــــــــــــــــش بحساب ال X3 قلنا انو هيي 2*83 -1
يعني السؤال بالضبط ليش الضرب ب 2 ؟؟؟

بالمسالة التانية ما فهمت ليش قالو IY1 بهل الطريقة ؟؟؟

3-بالنسبة للمما كمان
ليش بالمستطيل مافي قانون نحفظوه لحساب ال IXY وانما بس محطوط انو حسابو بتم بنظرية المحور الموازي ؟

4- بس للتاكد وقت الامتحان بكرة للميكانيك 2 مو الساعة 2 ؟؟؟

وشكرااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

...
bashoura

مافي غلاظة ولاشي ...

هلأ بالنسبة لتحويل الوحدات مافي ضرورة تلبكي حالك طالما الوحدات متجانسة يعني كلا نيوتن أو Kgf بحالة وحدة لازم تحولي اذا قوة هيك وقوة هيك ...

بقسم المما:
1- المسألة الأولى X3=8-1-8/3
هيك مكتوب عندي بالمحاضرات وهيك الصح يمكن في غلط عندك وبشكل عام بحساب Xc , Yc مابيلزم الضرب بس جمع وطرح ...

2- هلأ شرح هاد السؤال بطول ليش كتب Iy بنصف الدائرة بالشكل هاد ... ححاول اشرح بس يمكن تفوتي بالحيط ...
هلأ لما المركز الجسم ما يكون مار من محاور الشكل منلجأ لاستنتاج قانون I خط أو بار
يعني بصير خطأ التعويض بقانونو بشكل مباشر ومن هون نحنا منعوض بالـ 0.11 بالنسبة لنصف الدائرة أو 0.055 للربع أما لما يمر من محاور الشكل متل بحالة نصف الدائرة المركز بالنسبة للمحور Y مار منو فبالتالي عوضنا بالقانون تبع Iy خط بشكل مباشر وما استعملنا 0.11
الخلاصة لما ما يكون المركز مار من المحاور رح نضطر لنقل المحاور للمركز بعدين تطبيق نظرية المحور الموازي !!! لذلك تم الاختصار بحفظ الأرقام لبتعرفوا ...

شرح طويل بعرف اذا بتحبو التعمق أكتر ممكن وضح استنتاج الأرقام بس اذا حفظتيون بكفي لتحلي المسائل ... ومابدك هيك فوتة ...

3- في قانون تحفظي ...b^2*h^2/4 وبيعطي نفس النتائج بس مو دائما بكون استعمالو صحيح يعني بمسائل ومسائل مثلا دورة 2009-2010 فصل أول اذا طبقتي بيعطي نتيجة خطأ وبباقي الدورات بيعطيكي جواب صح ... لذلك أضمن نظرية المحور الموازي اذا ما بتعرفي ايمتا تستعملي القانون .

بالنسبة لوقت الامتحان ماعندي ايا فكرة ...

وبالنهاية انشالله كون توفقت بالشرح وماطولت عليكي بعرف انو مامعك وقت تئري بس هيك طلع معي .. ...

موفئة بالامتحان ...