مرحبا للجميع أنا نزلت من شي أسبوع موضوع مشان نقوم بتحسين المنتدى عن طريق خطوات ذكرتها سابقاً
المهم نسبة الردود كانت كتييييير قليلة وبعضها كانت مثبطة للعزيمة والأغلبية حاولوا يوجهولي رسالة أنو مالح يطلع بإيدي أعمل شي 
.
بس أنا بحب ألون أنو الإنسان مو دائماً بينجح من أول مرة بس مع الإصرار والعزيمة ممكن الإنسان يحقق أي شي .
لذلك أنا نويت جدياً أني لح بلش من يوم الأحد بالحملة وانشالله لح قوم بطرح مواضيع مفيدة للطلاب بالمنتدى تبعنا أيتداءاً من يوم الثلاثاء .
لذلك يلي بيحب أنو يشاركني بس يكتبلي رد قبل يوم الأحد مشان نبلش سوى.
ويلي شايف أنو هالشي مستحيل أو بدو يقول أنو هو حاول من قبل وما طلع معو شي فياريت لا يضيف رد نهائياً .
لأنو هاد الموضوع للمتحمسين و يلي بدون يساهموا بشكل فعال في إثراء هذا المنتدى.
لذلك أنا بحب أشكر المساهمين من هلأ لأني متأكد أنو لح تصلني بعض الردود من بعض الشباب والصبايا يلي ناوين يفيدو ويستفيدو.
على فكرة إذا ماأجاني ولا رد فلح بلش لحالي.
وتذكروا منيح (رب همة أحيت أمة)
وبعتذر إذا شاف البعض أنو كلامي آسي شو ي
وبحب ضيف أنو أنا ماقصدت حدا بكلامي.
3MORA
أنا لن استسلم
