السلام عليــكم ..


مشان سؤالك .. Volcano

أنا بعتذر عالتأخير .. بس كان ضروري اتأكد أول ..

أهم شي بالدراسات العليا بشكل عام .. سواء النظامي .. أو الموازي .. انو ما في معدلات محددة ثابتة.. كل سنة عم يكون في تغيير  ..

هلأ أنا بقدر قلك السنة الماضية كيف كان القبول .. و على هالأساس .. ممكن تعرف كيف رح تكون هالسنة المعدلات بشكل تقريبي ..

لماجستير الأدبيات ( اللي هو أعلى تخصص ) انقبلت بنت بعرفها كان معدلها 68% .. عالموازي طبعاً ..

لدبلوم الترجمة و التعريب .. بينقبل الواحد اذا معدلو بين الـ 65% و الـ 66% .. كمان عالموازي ..

السنة الماضية .. أقل معدل كان موجود من بين طلاب دبلوم الترجمة كان 68% مع العلم انو كان لسا في مكان لـ 8 طلاب بمعدلات أقل .. بس في كتير ناس انقبلت و ما سجلت .. و هاد الحكي عالنظامي .. يعني بالمواازي بكون في أمل اكبر كمان ..

ان شالله كون فدتك .. و أي سؤال تاني .. على عيني ..
.. .. .. .. ..

عن جد شكرا كتير الك جودي أميرة المنتدى

وشكر لعبير على جهودها

لازم الواحد كان يعرف هل القصص أول مابيفوت على الجامعة
بس نصيبنا هيك

أهم شي ماخوطر وحافظ على معدلي بركي بيطلعلي موازي

عندي سؤال اخير وبعرف انتو تئلتها عليكي بس شو بدنا نساوي
والله مالنا غيرك

جودي هلا انا كيف بدي قوي اسلوبي بالترجمة مشان اذا تخرجت ائدر انجح
باي امتحان بخص  الترجمة
ياريت اتساعديني

عن جد يسلمو كتتتتتتتتتتتتتتييييييييييييير




سلام

شكرا لك يا جودي على المعلومات الغنيية    .
أنا قدمت على دبلوم التأهيل التربوي على النظامي بجامعة دمشق هذه السنة
بعد تخرجي من كلية الاداب قسم اللغة الانكليزية بمعدل  60.77
يعني في أمل يطلعلي ؟
ويا ترى ايمتى تعلن أسماء المقبولين؟
أتمنى لك كل التوفيق...

 

مرحبا يا جماعة و انشالله كل رمضان و انتو بألف خير

  بدي اسال سؤال و بتنمى انكم تجاوبوني و تطمنوني

  هلق انا قدمت ماجستير لغويات تطبيقية ادب انكليزي و نسيتي 70% و حابة اعرف اذا بنقبل عاددي او موازي
 
و شكرا مقدما

">شكرا لك على هذا التوضيح أعتقد أننا جميعنا كنا بحاجة إلى هذه المعلومات المفيدة

السلام عليكم ممكن اعرف انا انا اذا كان معدلي 63  في امل يطلعلي دبلوم الترجمة سواء عالنظامي او الموازي  ياريت تساعدوني  لو جوابكم مجرد توقع كان انا قبلانة في  شكرا

VOLCANO 1

في شغلتين المفروض دائماً تعملهن سواء و انت عم تتعلم على الترجمة .. و حتى للخريجين و المترجمين ..

أول شي .. القراءة ..

اي شي باللغة الانكليزية .. شخصياً ,, أنا بقرا الأخبار و المقالات العلمية عالانترنت بالانكليزي .. يعني بصراحة بتفيد أكتر بكتير من الروايات اللي عم ندرسها بالجامعة .. لأنو لازم نكون على اطلاع دائم باللغة الانكليزية اليومية ..

تاني شي .. التمرين .. بشكل دائم ..

يعني كل ما يصحلك تترجم مقطع صغير .. مقالة .. اي شي .. لا تقصر .. و مع الوقت بتلاقي اسلوبك تحسن .. و صار عندك مفردات و تعابير جديدة ..


هلأ .. أنا بصراحة اتأخرت بالرد .. لأنو كان في ببالي موضوع حابة احكي عنه ..

هو التمرين على الترجمة ..

رح يكون بإذن الله عن قريب في موضوع بمنتدى اللغات الأجنبية .. متل دورة تدريب على الترجمة ..

بتكون مستمرة .. منترجم فيها مقالات علمية بشكل جماعي .. و منطور اسلوبنا بالترجمة .. و المقالات

اللي منترجمها بتنضاف للمنتدى .. فبتكون الفائدة مضاعفة .. و ان شالله تكون الفكرة ناجحة .. و تلاقي صدى ..

نورت فولكانو .. شكرا كتير على اسئلتك ..