هاي شباب
حبيت أني استعرض هالمشكلة يلي أنا متأكدة إنها مشكلتنا كلنا
والكل عم بيعاني منها بشكل غريب :
يعني هلق كلنا منعرف انو موضة سوبر ستار خلصت من أول ما خلص الجزء الأول منه !!!!!!!!!!!!!!!!
يعني ما عاد حدا يجرب صوتو لأنو فهم انو هالشي ما بيصير إلا بالحمام تحت الدوش !!!!!!
طيب لكن ليش هيك عم يصير
ليش شو عم بيصير ؟؟؟؟؟؟؟؟؟؟؟؟
رح قلكم شو عم بيصير:
بيجي طالب الكيميا بدو يحضر المحاضرة فبيدخل عالقاعة وبيشوف
بينصدم 
بيشهق
ليش؟ لأن الطلاب أكتر من المقاعد
وهو وين بدو يقعد
*هلق إذا تأخر بسبب المواصلات بيجي وبيشوف هالشوفة
واذا اجا بكير بيلاقي القاعة فاضية بيقوم بينبسط على أساس رح يقعد قدام
بس كمان بيشهق
ليش؟ لأن إذا مافي طلاب مو معناها انو في محلات
الله وكيلكم كل طالب بيفوت عل القاعة قبل المحاضرة ب 3 ساعات
وياريت بيحجز بس عشانو لأ كمان بيوزع كل شي في معه دفاتر
قال شو : الأخ كريم بيحسب حسابه وحساب رفقاته بالقعدة
و هالطالب المعتر يلي عم بيدور على محل ما بيلاقي  مكان يقعد
واذا لقى بيكون يا أما بعين الشمس أو فوق الغبرة    
يعني لا إذا وصل بكير بيخلص ولا ان تأخر
طيب والحل
طبعا مارح نمنع حدا يحجز لأن طبعا يلي بيلاقي مكان مرتب حلال عليه
أنا إذا لقيت مكان اكيد مارح استغني عنه لا انا ولا انتو
الحل كتير بسيط وسهل وما بدو كتير ذكى بس ليش ما بدهم يطبقو ما بعرف
يعني أبسط شي ممكن يعملو حتى يحلو هالأزمة هو أنو يحطولنا مايك
والله ظاهرة سوبر ستار خلصت من زمان
طيب ليش ماعم يسمعونا
عن جد هي مشكلة كتير كبيرة
يلي عم يقعد بعيد شوي ما بيشوف عن اللوح شي و ما بسمع من الدكتور الناعم أي شي
كل يلي بيفهمو هو صورة الدكتور وهو عم بيحرك شفايفو
يا ريت يا شباب تساعدوني وتساعدو أنفسكم إذا فعلا هالمشكلة بتخصكم وبتعنيلكم متل ما بتعنيلي
شكرا 
ياريت اسمع رأيكم كمان

هي كمان مشكلتنا بكلية الصيدلة

مرة حطيت كتبي و كتب رفيقي جنب المقعد

و أعدنا مشان ما حدا يرميلنا كتبنا (صارت معي )

و أخدو البنات يقعدو بالمقعد وحدة ورا الثانية(أغلب طلاب كليتنا بنات)

حتى امتلا المقعد و صرنا على الحفة و ذوقا قمنا أنا و رفيقي و قعدنا

آخر المدرج و ما فهمنا شي من المحاضرة

بس الحمد لله بسنتنا (الثالثة) قل عدد الطلاب كثيراً الذين يحضرون

المحاضرات

أظن نفس الشيء بصير معكم بالسنوات العليا فبقل عدد الطلاب

و بتتبحبحو بالقعدة

على شو الاعتراض مابعرف  يعني فوق ما عم يعلمونا بالجامعة كتر خيرن






طبعا عم بمزح
أنا بتخيل  قاعات الحضور  قيها مقاعد  جلد  وطاولات  مستقلة لكل طالب ومايكروفونات صافية بتوصل الصوت بوضوح ،وشاشات  وطبعا بدور عالغبرة  وما بتلاقي ،ومشان عجقة المواصلات  النقل مؤمن .

مرحبا بكم بجامعة  دمشق 3010

بدك  تتعودي حبيبتي هالمشكلة بقسم الكيمياء اصبحت ليست مشكلة
يعني شي طبيعي تروحي تحجزي من تلاات ساعات وياريت اخر شي بتلاقي دفاترك بالارض وبعد عشر مقاعد ولا شو يلي رماهن بقول ماشافهن
هههههههههههههههههههه


اما بالنسبة للمايك فبتلاقيه موجود مع الدكتور المبجل عدنان الحبش والدكتورة الغالية على قلوبنا جدا ملك الجبة رئيسة القسم حاليا(لاتصدقو مابحبها)والله ياغاليتي قسمنا مليء بالمشاكل لكن لاحلول لها

أنا عن نفسي ما بعاني من هالشي ..

بس معي .. معي رح عاني ..

  فيكي تجي قبل ب 4 ساعات .. لحتى تحضري هالمحاضرة التحفة ..

ولا بلا ما تحضريها أصلاً .. هيك أحسن ..

عم امزح .. بس لازم تتأقلمو مع معطيات الجامعة الحديثة .. 

باسمة

على كل هاي المشكلة أزلية 
يعني من يوم يومها
يمكن تصميم المبنى هو السبب
المهم على ذكر المايك
بتذكر أنو الدكتورة ملك
كانت على طول تحط المايك بعيد عن تما وبس يتصل ابنها بتحط جنب تمها
يمكن اتجاهاتها معكوسة
ما بعرف بس انتو نبهوها هي ما بتقول شي
  وأحلى شي شفتو
واحد كان ملزق ورقة بالألتكوا
هذا المقعد محجوز
صدقوني لو طابو مو هيك

مرحبا شباب ياريت كل طالب اعطى رأيه بالموضوع يكون رأي واضح وفيه علاج
كل الشباب ما شاء الله علقواعلى المشكلة بس وين الحل
طيب مين من الطلاب تقدم الى شؤون الطلاب وطرح المشكلة .أو أبسط الأمور
أنو يعطي علم للدكتور أغلب الطلاب "دكتور اذا بتدريد فيك تعلي صوتك ؟وهو السؤال التقليدي"
مين طرح المشكلة على الدكتور
يجب أن يكون هناك أجماع بالرأي والتقدم الى أي جهة رسمية لكي يكون هناك أهمية للموضوع
                                                                            ولكم جزيل الشكر

اذا هيك بسيطة
عندك علم انو نحنا بالفيزيا في عالم بيحضرو عالواقف
وبيطلعو حوالي 20-30 بني ادام
واذا اجيتي قبل 3 ساعات العالم بيتخانقو على
هون مقعدي
ولأ مومقعدك وبعد احسنلك
مابعد ولك صوص
ومين مفكر حالك
والخ
والي بيكونو فرحانين وقاعدين
بيكونو قاعدين 20 /20 واحد سوا
والي بدو ياخد شي قلم او مسطرة وبيكون بالاخير
بدو يبعت خبر للي قاعد اول واحد مشان يبعدلو
وبيكون متكمش بالمقعد لأنو نصو بيكون بره
ومشان تكمل بيطلع الدكتور وبيقول
شو هالضوجة
وعلى كم الم ومسطرة لبين ما يطلعو
بيكون  اتقلع المقعد كلو لبرى
فخلينا ساكتين احسن

هلق انا معك صديقي lotos
ماحدا من الشباب عطى حل للمشكلة بدل ما يعلق وبس
أما انا طلبت من الدكتور هالطلب وصار كل الدكاترة عندهم علم أناواثقة
حتى غيري كتار شباب وبنات كانوا دائما يطلبو هالطلب والجواب صدقني نفسه من كل الدكاترة متل يلي عم يحكي شي نكتة الله وكيلك"خايفين من سوبر ستار عشان هيك ما عاد في مايك"
وفي عندي سؤال فضولي يارترى ليش كلكم عم بتقولو المايك مع الدكتور عدنان حبش هو ما بدو مايك ماشاء الله صوتو وكلامو الرقيق بيكفي..........؟؟؟؟؟؟؟؟؟؟؟؟

تحياتي الرومانتكية
   

أشكر كل من أعطى رأيه بالموضوع لكن طالما يوجد دكاترة نعامين وذوي الأحساس المرهف
يجب عدم التوجه االى أي منهم لأن اي جواب منهم يكون "اقطعوا الصوت بتسمعوا"
بغض النظر عن عدد الطلاب ..يجب التوجه الى أي جهة فعالة لأن الدكتور ربما لايكون لديه الصلاحيات لذلك ولكن بشرط أن يكون ذلك بالأجماع لأن الصوت الفردي منسوف..................؟؟