اهلا وسهلا ابو عذاب.....اي شو هالمعلومات المفصله هي يسلمو ايديك اخي
بس يعني كل فتره بيتأجل افتتاح البناء الجديد الظاهر رح نتخرج وما نداوم فيه
بس بالنسبه للعلامات عن طريق النت والله شي حلو يعني اريح من (التدافع) عند الهنغارات والدفش....ومنو انت بترتاح

بالنسبه للدراسه انا بجيب المحاضرات من عند الانوار....ان شاء الله تكون منيحه هالسنه كمان.....

عالعموم ابو عذاب موفق ان شاء الله ......وبتمنى كلنا نتخرج سوا 
ونحتفل كلنا (الحقوقيين) بحفلة تخرجنا

الله يسلم ايدين كل واحد رد على الموضوع والله كتير استفدت من كلامكن وخاصة انت ابو عذاب وان شاء الله هل السنة اكيد بتترفع وما بتحمل ولا مادة صديقي العزيز والحال والله من بعضه يا miss law
لاني انا كمان مغترب وبحب اعرف اخبار احلى واغلى كلية على قلبي الحقوق
والله يوفق الجميع وان شاء الله هل السنة بتكون سنة سعيدة وموفقة لكل الطلاب الاعزاء
وشكرا مرة اخرى لكم
اخوكم وصديقكم المحب الفتى الدمشقي

اهلبن الفتى الدمشقي.....وانت كمان موفق بدراستك
وترجع ع سوريا بالسلامه...

ويسلمو ايدين الكل....

بالنسبة للدوام مابعرف لانو ما عد رحت على الكلية  الا بالمناسبات السعيدة

وانا السنة اتخرجت وحتى يوم كنت بالجامعة ما داومت بحيتي

وبالنسبة للسنة الثالثة فبرايي المتواضع انو من اسهل السنوات بالكلية بس موادها كبيرة شوي بس مو صعبة المواد تبعها وانا يوم كنت ثالثة كان عندي الفصل الثاني عشر مواد قمت حذفت المدنيتين واجلتهن للسنة الرابعة  وقدمت 8 مواد ورفعتهن كلهن بمعدلات الحمد لله واي شي تاني وباي مادة لالك ولبقية الزملاء انا جاهز

ملك الحقوق الف مبروك التخرج....وعقبالناااا

شكرا كتير ريحتني والله كنت خايفه من هالسنه...
واكيد اذا احتجت شي رح اسألك....

صحيح...كيف الحياة بعد التخرج؟؟لقيت شغل ولا....

شكرا الك miss-law
على هالموضوع وأكيد كلنا استفدنا منو وانشالله بترجعي بالسلامة وبتنوري الكلية


بس سامحيني حابة اتطفل على موضوعك واسأل 

    شو هي المواد يلي لازم نحضرها بالسنة التالتة ؟....بتمنى يلي بيعرف يجاوبني

اهلاسنو نور الموضوع والله....

واكيد مافي تطفل ولو اهلا وسهلا فيكي....
هلأ بالنسبه للحضور شي عم يقولو مافي داعي وشي عم قول بعض المواد....
....

الحياة بعد التخرج :بحس الواحد حالو ضايع  ,يعني حتى لو كان مفكر شو بدو يشتغل

مالقيت شغل حوليك بالكويت في شغل

والله يا ملك يعني ممكن يلاقي الواحد شغل بس المشكله الرواتب....صايرين كتير بخله...يعني الاجارات مرتفعه وكل شي غليان واصحاب الشركات ماعم يحسوا بشي
وعم يعطو رواتب ما بتتناسب مع الاوضاع

مشكورة انا عم امزح معك لانو بعد شهر ونص مسافر على دبي جايني شغل مرتب الحمد لله  بس عم اعمل هلق دورات محادثة وicdl