انا برأي الاتمتة افضل بكتير
لانو المواد الكتابية بتاخد وقت اكتر من اللازم بالتصحيح.
وغير هيك بالكتابة ما رح يكون في فائدة كبيرة متل ما تفضل البعض
لانو بكرة بس يتخرج الواحد رح يكون نسيان كلشي
وبس يتدرب عند شي محامي هون بتكون شطارتو
وبعدين يلي بيرس المادة على اساس انها اتمتة بيدرسها اكتر لانو بيجيب الدكتور اسئلة نكشات
وبتكون الاجوبة دقيقة كتير

" هل تؤيد تحويل الأتمتة إلى كتابة "
عنوان لفت نظري وبصراحة
فكرت أنك مخربط يعني كان لازم تكتوب " هل تؤيد تحويل الكتابة إلى أتمتة"
والله يا أخي أنا بدرس هندسة مدنية ما عنا غير مادة واحدة أتمتة وهي الأنكليزي
عنا شي خمس مواد حفظية ومملللة
ويلي هي جيولوجيا مواد بناء قومية .......
والأسءلة تبعها كتابييييييية
يعني أنا بذكر أنو بالجيولوجيا كنت حافظ الكتاب من الجلدة للجلدة
أجيت الأسئلة وجاوبت عليها كل
ووكل ها صح
وأخرشي جبت 43 من 70
بتعرف ليش
لأنو دكاترة المادة أعلى علامة عطوها 54 من 70
لواحد عندو واسطة
وما حدا بيسترجي يحكي مع الدكتورين
واحد عضو بمجلس الشعب ,
والتاني معاون وزير
بقى الأتمتة أكييييييييييييييددددددددد أفضل
لأنو هون ما بيغضر الدكتور أيدخل مزاجوا
يعني كاتب صح بتاخذ علامة ما لك كاتب ما بتاخود
يعني ما بتكون تحت رحمت الدكتور
سلام

انا مع الاتمته ومع الكتابه ببعض المواد يلي مستحيل تنحفظ على شكل الاتمته

تقبلوا مروري

برأيي الشخصي أعتقد إن كانت الأسئلة مؤتمتة أو كتابية

يجب أن يكون دكتور المادة بخاف ربه

بالمواد الكتابية يمكن يرسب الطلاب على أهون سبب أو بنجح أصحاب الواسطة

وبالمواد المؤتمتة يمكن تكون الأسئلة مالها علاقة بالمنهاج و يمكن يعطي الأسئلة لصاحب الواسطة

أنا بفضل بالنهاية المزج بين الأتمتة و الكتابة لأن أحياناً الواحد يمكن ينجح بالتشليف حتى لو كان النجاح فوق الـ60

هي المواد مؤتمتة

وعم يصير تخبيص بالعلامات

شو بدو يصير لكن اذا صارت كتابي

بيصير الرسوب واللعب بالعلامات على ابو جنب

ولاتنسى الواسطات والدفع

فخلينا هيك احسن بشوي

انا طالبة في كلية الحقوق وانا من الاشخاص يلي جربو المواد الكتابية والمواد المؤتمتة بالنسبة لي كدراسة دراسة  الاتمتة اصعب من دراسة التقليدي لانو لازم الطالب يكون فهمان كل نقطة ويدرسها بدقة اما الكتابة فتحتاج لشخص كالببغاء يبصم بصم فانا مع النجاح والنجاح ياتي من البحث والفهم وليش البصم هذا يعني انا اؤيد الاتمتة وشكرااااااااااا

مع احترامي لرأيك بالنسبه الي المواد المؤتمته هي الاصح لانو بتعتمد عالفهم اكتر من الحفظ بصم مع انو كمان فيه شكوك حول المواد المأتمته بس شغله الحظ قليل الطلاب يلي بينجحو فيها يعني لعبه الحظ فيها مو مقياس وبرأي كمان مو المواد الكتابيه او المواد المأتمته يلي بيصنعوا محامي او قاضي هي الشغله بترجع للشخص نفسو فيكي تشتري شهادك وتصيري احلى محاميه وفيكي تدرسي بجهودك كمان بتصيري احلى محاميه بس بتشوفي محامي شاطر ومحامي مو شاطر  بعتقد فهمتي علي مشان هيك انا بفضل المواد المأتمته لانو بتخلي الطالب ولو واحد بالميه يفكر مو يصير متل الاله الكاتبه يكتب من غير ما يفهم او يفكر شو عم يكتب بعدين المواد الماتمته بيعطوكي شي 60 سؤال منوع من الكتاب ما بيحصروكي ب4 اسئله او5 من كم محاضره انا هيدا رأي

مرحبا
هلأ  انا ما بدي احكي عن التحويل من كتايه الى اتمته او بالعكس بس بدي احكي عن الاتمته هلأ كتير ناس بتفكر الاتمته اسهل انا لا بلاقيها اصعب عشان بدك تركز اكتر و تكون دقيق بمعلومتك هلأمعكن حق في مواد لازم تكون كتاية متل المجموعة المدنيه بشكل عام و بعتقد انه مساوئ الاتمته هي بتكون عند اللي مو دارسين و متل ما بنقول بيشلفوا تشليف و بعدين بينجحوا هني الخسرانين بالاخير .....


                                                                                                        ماااااااااااسة

                                                                               

مرحبا أنا برأيي أكيدلأ ماني مع التقليدي لأنو الأتمتة:
*أولا أسهل أثناء الامتحان
*ثانيا الطالب بيقدر يدرس معلومات أكثر
*ثالثا أسرع بالدراسة وبالامتحان
*رابعا هي طريقة العصر
*خامسا والأهم أنو التصحيح على الكومبيوتر..""""أضمن""""
***********والله يوفق الكل ***********