انا كمان قررت اني ماادرس ليطلع الفحص



انا بحس انو مافيني ادرس اذا ماشفت حالي معجوقة كتير و ماعاد لحق وقتا بيجي الالهام 


بعرف انو غلط بس شوبدي ساوي 

انا من جهتي حاولت ادرس بس شوووووووووووووووب كتير يعني الجو مو خرج دراسة أبداً.. يعني الدنيا صيف..صيييييييييييييييييييف..اي بعمرو الصيف ما كان للدراسة والهم..
عالعموم نشالله يطلع البرنامج بأقرب وقت ممكن بركي اقدر ادرس شوي ؟؟؟

والله بدكون الصراحة .. لازم ندرس  .. شوب .. برد .. قنابل نووية مو مهم  .. لازم ندرس ..

بس المشكلة انو البرنامج لسة ما نزل  .. الله يجيبو بالسلامة ..

بس هلأ فيكون تعملوا خطط دراسية فاشلة  .. متل الخطط  تبعوتي .. يعني .. عالاقل منقتحم  عالم الدراسة الممل و منرجع نتعود عليه شوي شوي  .. و يارب الكل من الناجحين .. اللي عندو تخرج يتخرج و اللي عندو مواد ينجح و يترفع ..

طيب ما عندكن وصفة صباحية رمضانية خالية من الاكل والشرب


لانو الدراسة بالليالي الصيفية الرمضانية المعجوووووووووووووووووووووووووقة بملايين النشاطات شبه مستحيلة

اليوم قعدت لأدرس

ومدري ليش كنت متوقع أني أدرس منيح 

لدرجة أني كنت مطمن قلبي كتير كتير

بس لما فتحت المحاضرات ( طبعا بعد مابقوا أدامي شي ساعة )

أتفاجئت أنو مافي نفس حتى أطلع عليهم 

الله يصبرنا ويكون معنا

لك ولييييي وو ييييييييي وشحااااااااري عليكم شو بتنقوا


تعرفوا ذكرتوني بحلقات علا ملص تبع ارابيسك وكان عنوان الحلقه "" النق ""


يعني ماحدا الو حجه بلشوا دراسه والا بدي وقف كل السيرفر مشان ما تلتهوا

يالله رح سمع للكل بكرا اوكي

اقتباس

المعجوووووووووووووووووووووووووقة بملايين النشاطات شبه مستحيلة

اهم وصفه تبعدي عن اهلك وعن التلفزين بتجيب اكبر نتيجه
تاني اهم شغله اجبري حالك عالدراسه (( ولو ما عم تنتجي وتشدي )) المهم دماغك يتقبل فكرة محاضرات واسئله دورات وامتحانات بهالايام وانشا الله بتجيبي نتيجه

اقتباس

بس لما فتحت المحاضرات ( طبعا بعد مابقوا أدامي شي ساعة )

أتفاجئت أنو مافي نفس حتى أطلع عليهم 

ياعيني عليك يامحمد هاد يلي كان ناقص تكمل مسلسل النق حضرة جناب سيادتك يازلمه نحنا لازم نوعي هالشعب يلي هون مو نننق معون

يالله يا حبيباتي كل مين يمسك ورقه وقلم ويبدا دراسه

بعدين شو في وراكم والله احلى من المسلسلات


صحي على سيرة البرنامج نزل شي اليوم بكليتنا المصونه لانو حاسسني قلبي انو رح يتعلق البرنامج قبل العيد بيوم

,,,,,,,,,,,,,      موفقييييييين        ,,,,,,,,,,,,,,,,,,,

هههههههه
والله الحق معك ياحرام فتت قريت كلو عم ينق يلا بصبرنا الله بس بتعرف رغم كل مزحك وضحكك عنجد الحق معك لازم بقا نبلش دراسة والله انا بتأثر كتير ولهلأ مابنسى انو انت كان عندك 13 مادة وفائلتني لانو ترفعت عالتانية وعالتالتة لانو انا كمان كان عندي 13 بالفصل التاني وبفضل الله ترفعنا يعني بتفائل بالحياة     
وعنجد ياجماعة خلونا نحول النق لتعب ودراسة وخلينا نظاهر حالنا انو حابين ندرس      بركي بتقلب الاية ومندرس بقا   



                      اي بس لينزل البرنامج لأنو هلأ مالي نفس ادرس       


سلامممممممممممممممم        

البرنامج لبكرا ليطلع


و اسئلة الدورات يوم الاربعا رح تنزل عند عمو ابو محفوظ



وآآآآآآآآآآخ من المواد المحمولة شو غليظييييييييييين


اغلط شي انو الانسان يقدم المادة مرتين و خصوصي اذا كان حاملها 59 بيحس حالو قرفان منها



انا هيك عم يصير معي 

اقتباس

غلط شي انو الانسان يقدم المادة مرتين و خصوصي اذا كان حاملها 59 بيحس حالو قرفان منها

عادي ...........

أنا حامل 3 مواد وفي تنتين أخد فيهم 59 , 58 

لا والأحلى من هيك بحمل المواد اللي نسب النجاح فيها بالتسعينات وبنجح بالمواد اللي نسبة الحملة فيها مرتفعة ........
                                                                         

اقتباس

صحي على سيرة البرنامج نزل شي اليوم بكليتنا المصونه لانو حاسسني قلبي انو رح يتعلق البرنامج قبل العيد بيوم

صحي شو مشان العيد هي السنة

من سنين ماعاد حسيت للعيد بهجة

أما هلق بدي حس بنغصة

بدنا ندرس ولا نعايد

اقتباس

انا كمان كان عندي 13 بالفصل التاني وبفضل الله ترفعنا يعني بتفائل بالحياة

ان شالله ألف مبروووووك

وألف مبروك لـ pure_m

كان معاها 14

بالهمة والتوفيق كلشي بصير


بالنسبة للبرنامج انا بكرا نازل باذن الله وإذا نزل بصورلكم ياه