اقتباس

يا الله شو عاملة أنا لحتى عم تتعسر معي لهدرجة

له له له له شو المشكلة بالمشروع ؟؟؟

اذا بترسمي  على الاوتوكاد بكون اريحلك (( براي )) ؟؟؟

اقتباس

خايفة من كتر ما رسمت هاليومين يضيق خلقي من الرسم وأنا بالفحص 

لا تخافي بكرة بس يسلموكي نص المشروع بالاسكيز رح تمسكي قلم الرصاص وما رح تفلتيه حتى يسحبوا الورقة من ايدك لذلك لا تخافي

والله يوقفكم جميعا بالاسكيز وتكونوا من الناجحين

يعني شايفة العالم كلها عم تحكي عن امتحانات العملي .....

بس ...








اسمحولي صرّح   :


إلى الآن ..وبكل شي امتحانات عملي صارت بالكلية فأنا _و بلا فخر _ أحتل مرتبة:


(((الأسوأ بتقديم امتحانات العملي ))) وبلا منازع...  




ومو ظلم ...لأ ....إن هو إلا جراء ما اقترفته يداي!!!!


بس بعد الكتير من الضربات ...وبعد طول سبات ...وبحمد الله اليوم صار الشي يلي كان لازم يصير من زمان ...

وأخدت القرار يلي رح يكون بداية جديدة بإذن الله ...

و وأخيراً صحي ضميري الصحوة يلي عم أنتظرها ...بعد وقت كبير ضاع على ولا شي 



قررت أني لازم أقبض القصة عن جد ...وأدرس بكل ضمير ...أو بالأحرى:

بلش دراسة   بكل ضمير






ويقيني الأزلي بأنو واجبي الحالي الأهم والأكبر _دينياً قبل دنيوياً _هو دراستي ..


يقيني هاد ما لازم يضل حكي نظري ...لازم يتطبق فعلياً ...لحتى ضميري يرتاح قبل أي سبب تاني..


وأرجع الإنسانة يلي إلها أهداف عم تسعى إلها  ..بعد غفوة كانت على وشك تحويلي لإنسانة ضايعة ..


يمكن قراري تأخر كتيييييــــــــــــــــــــــر ...بس المهم عندي أني أخدتو لهالقرار ..

وبالنسبة إلي الخطوة الأصعب هي القرار وليس التنفيذ!!







طبعاً  قضاء رب العالمين وقدره هو المسير لحياتنا ...بس المهم نعمل واجباتنا و ناخد بالأسباب ونتوكل على الله







أحياناً ...بكون التصريح عن قراراتنا عامل ودافع  من دوافع التزامنا بتنفيذها ...

فاخترت  أخواتي بعيلتي التانية -عيلة المدني- ليشاركوني فرحة هالنقلة اللي إن شاء الله تكون نوعية بحياتي ....



رح كون أول وحدة بباركلي 


مبروك ...




وإن شاء الله بالتوفيق بالامتحانات للجميع...
















قال رسول الله صلى الله عليه وسلم: "لا تزول قدما عبدٍ يومَ القيامة حتى يُسأل عن أربع عن عمره فيما أفناه وعن جسده فيما أبلاه وعن ماله من أين أخذه وفيما أنفقه وعن علمه ماذا عمل به"

صدق رسول الله صلى الله عليه وسلم

أما يا أختي  seamoon    :



طولي بالك ..بسيطة ... وإن شاء الله ما يكون باقيلك كتير


..هو هاليوم..وبكرة متل هلأ رح تحني لليوم !




(((عم بمزح ))) ...



ولا تخافي متل ما قلك الأخ عمر بكرة بتلاقي حالك مسترسلة بالرسم وما بتلاقي مشكلة إن شاء الله 


وإن شاء الله موفقة بالإسكيز وبالتسليم أنت وكل الطلاب  ..


ملاحظة:
وين يلي بدو _؟_؟_؟_؟

اقتباس

اذا بترسمي  على الاوتوكاد بكون اريحلك

لو ما عم ارسم على الأتوكاد ... كنت مستحيل وبدون مبالغة  إقدر سلمه هالفصل    ..
لأنو بعد ما خلصت المساقط والواجهات و المقطع طلعت عندي غلطة .. قلبتلي كل شي    الشمال صار جنوب والجنوب صار شمال الشرق صار غرب والغرب صار شرق   

و الحمد لله كنت عاملتو على الأتوكاد وبكم mirror و rotate  مشي الحال   

بس الشف بياخد وقت كتير ...

اقتباس

لا تخافي بكرة بس يسلموكي نص المشروع بالاسكيز رح تمسكي قلم الرصاص وما رح تفلتيه حتى يسحبوا الورقة من ايدك لذلك لا تخافي

هو أنا بعرف أنو دوبني لحق ...

بس أنا عندي سوابق وخاصة بمواد الرسم أنو يكون الفحص ماشي والوقت عم يركض وأنا عم أصفن  ( لا تستغرب  ) ... مو لأني ما بعرف .. من كتر ما بيكون انتفخ قلبي ...

والحمد لله أنو ضميري ما بطول ليصحى ... لأنو لو بيطول ما كنت رفعت موادي ...

اقتباس

بس بعد الكتير من الضربات ...وبعد طول سبات .....

دائماً بسأل حالي ليش نحنا ما منفيق إلا بعد ما يكون وقع الفاس بالراس

يعني منشتغل الشغلة ونحنا عرفانين أنو غلط وبعدين منكتئب لفترة ... وبعدين منفيق ... ضروري هاللفة ما كان فينا دغري نفيق 

اقتباس

وبحمد الله اليوم صار الشي يلي كان لازم يصير من زمان ...

وأخدت القرار يلي رح يكون بداية جديدة بإذن الله ...

و وأخيراً صحي ضميري الصحوة يلي عم أنتظرها .

       

       

صار بدها عزيمة    ( ارجعنا لتضييع الوقت  )

اقتباس

ويقيني الأزلي بأنو واجبي الحالي الأهم والأكبر _دينياً قبل دنيوياً _هو دراستي ..


يقيني هاد ما لازم يضل حكي نظري ...لازم يتطبق فعلياً ...لحتى ضميري يرتاح قبل أي سبب تاني.. 


وأرجع الإنسانة يلي إلها أهداف عم تسعى إلها  ..بعد غفوة كانت على وشك تحويلي لإنسانة ضايعة .. 

سلامتك من الضياع    وإن شالله بتحققي كل أهدافك ...   

( كلامك هاد خلاني راجع حالي أنا كمان ... والله لازمني نفض  )




وهي لح كون تاني وحدة بعد حالك  وقلك


مباااااااااااااااااااااااااااارك ملك ...

مبارك اتخاذ قرار الانتقال إلى حيز التنفيذ والابتعاد عن الشعارات و الخطابات ...

           


وعقبالي وعقبال الكل يا رب ...




******************************

اقتباس

وإن شاء الله ما يكون باقيلك كتير

والله بقيان كتير .... صدقيني ما تحركت طول هاليومين عن الرسم ... بس يلي بشوف شو اشتغلت بقول هي كانت عم ضيع وقتها 


طول ما لي قاعدة عم اتذكر شو قلتي  ... ست ساعات وبتخلصي تبييض المشروع 

وحدة من تنتين يا أما أنتي فالحة زيادة عن اللزوم .. يا أنا غبية زيادة عن اللزوم ...

اختاري وحدة 

اقتباس

وإن شاء الله موفقة بالإسكيز وبالتسليم أنت وكل الطلاب  ..

ماكنت مصدقة إيمتى يجي يوم الأحد مشان أخلص من المشروع و  الأسكيز سوا .... بس للأسف ما لحقت إخلص    ولح سلم مع الدفعة التانية ...

اقتباس

ملاحظة:
وين يلي بدو _؟_؟_؟_؟ 

ما فهمت عليكي ؟؟؟

اقتباس

الحمد لله كنت عاملتو على الأتوكاد وبكم mirror و rotate  مشي الحال   

بس الشف بياخد وقت كتير ...

نصيحتي قبل الطباعة تاكدي من كل مسقط وواجهة لانو السنة الماضية اجيت عم رتب اللوحات لرفيقتي (( طبعا هي عم تقلي حط المسقط هون والواجهة هنيك ... )) وعلى قدما كنا تعباني ومستعجلين ورح يطق قلبنا رحنا حطينا بدل الواجهة الرئيسية المقطع بحيث كان معمولوا Rotate وطبعا المفطع الاصلي كان موجود وبهالطريقة تكرر المقطع مرتين ونزلنا وطبعنا المشروع وكنا ع شوي رح ننكشف
لذلك ركزي منيح بس ترتبي الواجهات على ورقة الكانسون وانا بنصحك ترسمي مستطيل له ابعاد لوحة الكانسون وترتبي انت كل واجهة وكل مسقط بايدك داخل المستطيل وبعدين تاكدي من صحة الواجهات المساقط وتاني نهار اطبعي
انشا الله بالتوفيييق بالاسكيز اليوم والله يسمعنا الاخبار الطيبة

اقتباس

رح كون أول وحدة بباركلي 


مبروك ... 

رح كون تاني واحد بباركلك ولا تنسينا من الحلوان تبع النجاح

يالله بالتوفييق للجميع

سلاااااااااااااااااام

اقتباس

(((الأسوأ بتقديم امتحانات العملي ))) وبلا منازع... 

هون معليش بدك  تسمحيلي  .......

لسة ماخلق يلي بدو يستحل مرتبتي

اقتباس

رح كون أول وحدة بباركلي 


مبروك ... 

وهي أنا تالت واحد .... إنشالله ألف ألف ألف مبروك وعقبال عندي



سلااااام....

اقتباس

دائماً بسأل حالي ليش نحنا ما منفيق إلا بعد ما يكون وقع الفاس بالراس

يعني منشتغل الشغلة ونحنا عرفانين أنو غلط وبعدين منكتئب لفترة ... وبعدين

منفيق ... ضروري هاللفة ما كان فينا دغري نفيق

معك حق 

بس بتعرفي ؟أحياناً بتكون هاللفة  ضرورية برغم الخسائر ..



بس معلش هيك أحسن









والله يبارك فيكي يا رب ...   

اقتباس

رح كون تاني واحد بباركلك ولا تنسينا من الحلوان تبع النجاح

اقتباس

وهي أنا تالت واحد .... إنشالله ألف ألف ألف مبروك وعقبال عندي

الله يسلمكن  يارب  .... وإن شاء الله كلنا نقدم منيح بالمواد الجاية   







قال يعني عم بقبل المباركات كأني ضمنت النتائج ...

اقتباس

هون معليش بدك تسمحيلي .......

لسة ماخلق يلي بدو يستحل مرتبتي

أنا على ثقة بكلامي . ..والأيام لسى بتكشف

اقتباس

أنا على ثقة بكلامي .  ..والأيام لسى بتكشف

عم تتحديني يعني ....ماشي ...

ياستي تراهني إني بستحق هالعبارة أكتر منك 

وبكرا مالي رايح على الفحص  ..... ومنشوف بالنهاية مين الربحان (قصدي الخسران )



سلااااام....

أما مشان المشروع:

اقتباس

وحدة من تنتين يا أما أنتي فالحة زيادة عن اللزوم .. يا أنا غبية زيادة عن اللزوم ...

اختاري وحدة

أختار وحدة ؟؟؟؟          .......................صعب كتير ...

لا...أكيد  أنت على سلامتك من الغباء


بس الأكيد أكتر أني أنا على سلامتي من الفلاحة   




وإذا بدك التفسير رح قلك شو السبب:


أولاً:


غلطة الجهات عندك لا تنسي أنو ضوعتلك كتييييير وقت ..



تانياً:


أنت عم تشفي على كانسون مو على كالك ...والله أعلم شو الطريقة يلي متبعتيها (على شباك أو غيره )
وبرأيي يا محلى أنك ترسمي المشروع من أول وجديد قدام أنك تشفيه عالكانسون  




تالتاً:



مشروعكن طابقين  وقبو  و مشروعنا كان طابق واحد من غير قبو ..

يعني اضطريتو ترسمو درج من غير ما تاخدوه بالتفصيل ...

والدليل متل ما شفتي يوم الخميس أنو المعلومات الأساسية اللي لا يمكن رسم

درج من غير معرفتها ما عنكن أي فكرة عنها   ...وطبعاً الذنب مو ذنبكم



رابعاً وهو الأهم:

اقتباس

صدقيني ما تحركت طول هاليومين عن الرسم ... بس يلي بشوف شو اشتغلت بقول هي كانت عم ضيع وقتها

هدا يعني أنو مشكلتك ما كانت بكتر الشغل بل بالوقت اللي عم تقضيه على كل شغلة..



عرفتوا ليش كنت عم بنصحكن ترسموا المشروع بإيدكن  مو عالأوتوكاد؟؟؟؟



خامساً :


ولو أنو  مافي داعي أحكيلك مرة عاشرة عن مأساتي مع المهندس بالتصميم خلال الفصل الأول
بس يعني لا بد من بعض المقتطفات :



كان يطلعلي الأخطاء من تحت الأرض ويقلي عيدي المشروع

يقلي ضيف شغلة مهما كانت صغيرة ويقلي عيدي المشروع

يرجع يغير أقواله بالأسبوع يلي بعده ويقلي عيدي المشروع 

وهو عم يصححلي يصحح بالحبر ويقلي عيدي المشروع 



وبعد كل إعادة هالمشروع بإيدي ...بدك ياني ما أحفظو حفظ وأرسمه  كلو بربع ساعة




ولسى بتلوميني أنو خلص معي المشروع ب7 ساعات 



بس الحمد لله طلع في فائدة لكل هالإعادة ...وهلأ عرفت فضل المهندس عليي 




على كلّ إن شاء الله على خير ....و كوني على ثقة أنو مافي شي بضيع ...


وبالتوفيق إن شاء الله ...