والله وصار يصير عنا انفجارات

 

قسما بالله عم ابكي من الصبح على شهداء اليوم

 

وللأسف انو 2 بعرفون استشهدوا اليوم بالتفجير الارهابي

 

 

بالبداية ، اكيد انا ما لي مبسوطة انو صار عنا انفجار واستشهدت ناس أبرياء ، نتيجة لعبة سياسة وسخة ،عم يقودها النظام ، يلي طلبوا التبرع بالدم للشهداء واليوم رح يكون تشييعن ، بالوقت يلي بتسقط شهداء الحرية ، بيسمون مندسين مسلحين وعملاء وما بعرف شو ؟ هاد غير القصف المستمر على الأحياء .
كنت بقصد بركي بيحسوا أهل الشام أنو البل وصلن لدقنن وبيتحركوا ،ولا تقولوا انو اهل الشام مضايقين ،ما بيكفي أهل الشام يتضايقوا وينزعجوا ويتابعوا الاخبار إذا ما طلع منن شي عملي ،المشاعر ما بتفيد ، وقت تشوفوا التجار خايفين على أموالن و المحلات ما استجابت للإضراب و أعداد الشهداء بباقي المناطق عم يتزايد، وقت تشوفوا الجامعات والمدراس ما دخلن بالموضوع ،وقت تشوفوا غالب العلماء الشام واقفين على الحياد وخايفين يحكوا ، ما بعرف شو عم يستنوا ؟؟؟ لتفضى سوريا من البشر ؟؟؟ لا سمح الله
وللعلم انا شامية ومن نص الشام بس هالشي ما بيرضيني أبدا


يالله ما لنا غيرك ياالله

وللأسف انو 2 بعرفون استشهدوا اليوم بالتفجير الارهابي

عزاءنا إلك أخت pure_m

الله يرحمن ويتقبلن من الشهداء ، ويرحم كل شهداءنا الأبرياء

المفروض ماتحكو بالسياسة وكتير مبسوطين بالانفجارات يلي صارت بالشام
بدكم اهل الشام تسمع صوت الرصاص كنا  عايشبن بأمان
كتير انبسطو بمنظر الدم وريحة الدم بشوارعنا
والله عــــــــــيـــــــــب
الله يرحم شهداءنا ويصبر اهلن

((بالبداية ، اكيد انا ما لي مبسوطة انو صار عنا انفجار واستشهدت ناس أبرياء ، نتيجة لعبة سياسة وسخة ،عم يقودها النظام ، يلي طلبوا التبرع بالدم للشهداء واليوم رح يكون تشييعن ، بالوقت يلي بتسقط شهداء الحرية ، بيسمون مندسين مسلحين وعملاء وما بعرف شو ؟ هاد غير القصف المستمر على الأحياء .
كنت بقصد بركي بيحسوا أهل الشام أنو البل وصلن لدقنن وبيتحركوا ،ولا تقولوا انو اهل الشام مضايقين ،ما بيكفي أهل الشام يتضايقوا وينزعجوا ويتابعوا الاخبار إذا ما طلع منن شي عملي ،المشاعر ما بتفيد ، وقت تشوفوا التجار خايفين على أموالن و المحلات ما استجابت للإضراب و أعداد الشهداء بباقي المناطق عم يتزايد، وقت تشوفوا الجامعات والمدراس ما دخلن بالموضوع ،وقت تشوفوا غالب العلماء الشام واقفين على الحياد وخايفين يحكوا ، ما بعرف شو عم يستنوا ؟؟؟ لتفضى سوريا من البشر ؟؟؟ لا سمح الله
وللعلم انا شامية ومن نص الشام بس هالشي ما بيرضيني أبدا ))
لعبة سياسية وسخة عم يقودا النظام بكرة بس هلخونة يغتصبوكي يامشرشحة ولا يقتلو حدا من اهلك لا تروحي لعند هدا النظام وتشتكي خلي هلكفرة وهالأرهابين ودعاة الحرية تبعك يطلعولك حقك
انا استشهد 2 من رفقاتي وقريب الي بانفجار مبارح ومالي متحملة كلمة من وحدة علاكة متلك ياتافهة

يا بريتي خلينا نكون واقعيين

 

انتي شو دليلك انو النظام هو يلي عملو

 

خلونا ما نعمل حالنا سياسيين محنكين وحاج نحكم بناء على افكار او تهيؤات

 

الظلم حرااااااااااااام

 

يعني النظام مبسوط انو يقتل عساكرو ويفجر شوارعو؟؟

 

انتوا مهندسين وبتعرفوا اديش ممكن يكلف اعادة بناء البنى التحتية

 

عكل حال يا بريتي بتمنى انو نحزن شوي على سوريا واللي صاير بسوريا

 

بتمنى انو نرجع نحس انو نحنا ولاد بلد وحدة وهدفنا واحد وهو انو تكون سوريا عظيمة بكل الميادين

 

سوريا غالية كتير على قلوبنا كلنا

 

ما تخلوا سوريا تضيع بين المؤيدين والمعارضين

 

والله قلبنا عم يتقطع على بلادنا وشهداء بلادنا من كل الاطياف السياسية

 

خلوا هالمنتدى علمي لانو ملينا من السياسة

 

بيكفي الاخبار والحكي بكل مكان

 

خلوا العلم للعلم والسياسة للسياسة

 

رجاء يا جماعة خلونا نبعد عن السياسة هون

 

-------------------

 

engineering lover

 

حياتك الباقية

 

وشكرا كتير الك

 

وان شاء الله بتكون خاتمة الاحزان لجميع اهالي الشهداء ولكل مواطن سوري شو ماكان انتماؤو السياسي

عيلتي الكريمة ....بعرف انو الواقع اللي عايشينو هو حديثنا اليومي متل الخبز والملح
بس يلي حابب يحكي سياسة هون .....بتمنى تكون على شكل دعاء ......الدعاء وبس ......

وازا حابين تتهمو حدا او تتخانقو مع حدا ....او تعطو رأيكن هدا الشي ممكن
المنتدى العام مليان مواضيع سياسية فيكون تحكو


pretty
pure-m
black tulip
kindam88
  نحنا اخوة ....بإذن الله ....ومصاب اهل الشام مصابنا نحنا ....
والله ما منتمنى حدا يشوف اللي شفناه او يتأذى بهالوحشية
بس ربنا كبير .....ورح ينصر الحق.....وينتقم من الفاعلين ....
الله يحرق قلبون بأغلى ما عندون ....

           


يا رب ... لا الــــــــــــــــــــــــه إلا أنت سبحانك اني كنت من الظالمين 

اقتباس

الدنيا فحوص شو كيف عم تأدموا جميعا ً

خليها لله يا باد غاي عندي بالاسبوع هاد امتحانين يوم الاتنين و امتحان التلاتا و امتحان الخميس و كل واحد بدو دراسة قبلو قد البحر       


و كل دكتور بدخل بامتحان العملي كل المقرر تبع النظري و بدك تتدرسو و تلحقو .. و بدك تخلصو كمان     


لك ولييييييييييي ... كل ما بفكر شو عليي ضغط بجي لانتحر