ايه خلص شذى عم استناكي

بس لا تطولي انا ما بحب الانتظار


     

السلام عليكم
أخوتي أنا لسا ما داومت بالجامعة
بس حابب قلكن أنو الموضوع كتير حلو

رح شارككن بهالموضوع الي صار معي السنة الماضية
الموقع جامعة دمشق
السنة التانية
صاحب الحدث أنا
في يوم من الأيام كنت بمحاضرة و أنا و الله ما بعرف أسكت بالمحاضرة يعني بعلق كتير و بتقلع من المحاضرات و بيتسجل أسمي
يعني و متل العادة كنت عم أحكي قام قلي الدكتور (س) بدون ذكر أسماء تعا لعندي بعد المحاضرة
و رحت بناء على رغبتو بعد المحاضرة لعندو و اذا بيقلي انت ما بتعرف تسكت فسكتت قلي خفي هالضحكة قلتلو هي مو ضحكة دكتور هي ابتسامة
قلي انت اسمك شيروان ما هيك قلتلو اي والله شلون عرفت قلي انت مشهور
المهم قلي هي تالت نجمة جنب اسمك
و بهالاثناء بلاقي صوت وحدة عم تناديلي هالصوت سمعانو من قبل ما اندرت و الله و علقت البنت و هي تنادي درت وشي فاذا بوحدة بتقلي بدك شي يلا انا بدي روح باي
و انا هون اندهشت لانو بحياتي ما قلتلا غير مرة صباح الخير قالتلي هاي
و انا باندهاشي سمعت الدكتور عم بيقلي و الله انت ما بدك تلات نجمات انت بدك خمسة قلتلو ليش هالنجمات قال مشان يضوي اسمك
على كل مشيت لايام و اجى الفحص و نحنا بمادة الدكتور (س) اجى ليشوف في حدا عندو اسئلة بعدين اجا لعندي و قلي شو بترفع المادة هالفصل قلتلو اي انشالله الاسئلة سهلة قلي بنصحك لا تكمل الفحص انت راسب و راح
بعد الفحص رحنا لعندو يا دكتور من هون لهون قلي انت راسب قلتلو يا دكتور انا كاتب بعلامة تامة اذا شفت عندي غلط واحد رسبني قلي انت راسب لا تعذب حالك
و طلعت النتائج و طلعت راسب
رحنا طقسنا القصة و اذ بتفاجأ أنو البنت الي سلمت علي هي خطيبة الدكتور و ما بتقول لحدا و علقت انا بالنص كانت عم تثير غيرتو من جلدي
على كل رحنا لعند الدكتور شي خمس طعشر مرة نستسمحو و نقلو الله ما كنت بعرف البنت و لا بعرف انو خطيبتك
لحتى في احدى المناقشات قلي يلا معلش قدم المادة
و تصورو على هالجواب
( قلتلو و برفعها قلي حسب كتابتك ابني  )
هلأ صار حسب كتابتي
ال .........

ولي....شوهاد يا شيروان .....
       
أنت عم تحكي على شي صاير عنا بالكلية؟؟؟!!!!
لأ وخطيبتو للدكتور ما لقت حدا غيرك تجاكرو فيه؟؟؟؟
الله يعينك ....وإنشالله بحل عنك الدكتور و برفعلك المادة.....    
بس لا بقى تعيدها وتشاغب ...       يا حرام.......  

paradise angel

أنت عم تحكي على شي صاير عنا بالكلية؟؟؟!!!!
أي و الله يا أختي عنا بالكلية

الله يعينك ....وإنشالله بحل عنك الدكتور و برفعلك المادة.....     ;i(4

لا الحمد لله الفصل التاني رفعت المادة و خلصت منها 

بس لا بقى تعيدها وتشاغب
لا والله هيك واحد بيستاهل 

The Dark Dragon

وينك اذا الدكتور ما بيدرس المدني العام....انت بس دلني على خطيبته وانا باخدلك حقك
ما بعرف اذا بدرس مدني
بس وبنك كل الدكاترة بيعرفو بعض العلقة مع واحد يعني مع الكل

         
ميمي مصدومة

الله يبعد عنا ويكفينا شر هيك دكاترة وهيك بنات يا رب

بصراحة لو كنت مكانك كنت دبقت هالبنت وما حليت عنها لحتى ارجيه لهالدكتور كيف يرسبني وطبعا بعمل حالي لا سمعت انو هي خطيبتو ولا شي

بجد تجاكرت كتير منهن هني التنين
مشان هيك رح اسكت لانو لو بلشت احكي مصيبة

اليوم وكما قال خالد كانت الكلية عم تغلي يعني بصراحة ما شفت هالازدحام عنا بالكلية غير شي مرتين تلاتة من اول ما دخلتها



بس يلي لاحظتو انو ازدحام كليه المدني بقابلو جمود مميت من عيلة المدني   



لك طولو بالكن لسه ما بلش الدوام بجد شو من اولها اعتزلتو الدنيا ولزقتو بالكتب يا عيب الشوم يا عيب الشوم 


يعني انا ما بقول تقضو كل وقتكن عالنت بس عملولكن طله كل يومين نص ساعة بس


مو حلوة مشان ما نشمت فينا الاعادي

     
الله يحرسنا من العين  الله يحرسنا من العين
     

له  ياميمي  أنا كل يوم على النت


عما أقعدلي شي ساعتين يوميا



أما هي تبع  لزقتوا بالكتب


ماهي من شيمنا


ولو ......


بس اليوم كان في محاضرة  شغغغغغغغغغغغغغغغلة


وأنا بحيي الدكتور الي ماسكت ولا لحظة


نام وفيق وأرجع لاقيه عما يحكي


فتحت البلوتوث  وبلشنا بعت لبعض أنا والشباب


ولساه  عما يحكي


ملينا من البعت وصرنا نفتح سير ولساه عما يحكي


عرفتوا مين هالدكتور


صح ابراهيم جراد  (مقاومة)


بس التوبة هي أخر محاضرة نظري بحضرها


الله يكون بعون يالي عما يكتبوا  المحاضرات