يالطيف على يومياتنا كيف صايرة


كلها ضغط بضغط

مالي متعود ادرس هيك ... والمشكلة الفحص قرب

وعنا تسليم البلاطة الهوردي والفطرية

ومشروع المعدنية وكمان مشروع الصرف

ومدري شو كمان 

بقلب الاسبوع عما انعزل تقريبا عن العالم الخارجي دوبني لحق المشاريع


مابقيلي غير الخميس والجمعة للفرفشة 

اقتباس

مابقيلي غير الخميس والجمعة للفرفشة

نياااااااااااااااااالك يا أبو شريك

أقل شي عندك شي إسمو فرفشة

و يومين كمان ...!!!!!!

و الله عايش مجدك يا أبو شريك

لك إييييييييييييييييييييييه و أعوز بالله من كلمة إيه

عايش بعالم إسمو التصميم .....

و الله ما بعرف شو عم ينعطى بالمواد التانية

صاير متل الأطرش بالزفة

لااااااا دراسة ....

لاااااااا محاضرات ....

لاااااا هم يحزنون ....

التصميم ثم التصميم ثم التصميم

لأ و اللي رح يجلطني بزيادة

برجع ع البيت و بنام متل الأتيل لتاني يوم الصبح

الله بعين .....

..............................................................

لعيتلكون ألبكون ...

ما عليكون ...

شو مشااااااااااااااااان التلج ...

يا جماعة التلج عنا لساتو ع الأراضي

و الله وكيلكون بكميات كبيرة

بس يا لطيف شو صار فيني يوم الأحد

أما شو تبهدلت بهدلة ...

آل شو .... عامل حالي طالب مجد و رايح يحضر محاضراتو

و الله خرجي ....

إجيت لإرجع ع البيت بس طلعت الطرآت مسدودة

و خود بأى على شنططة ... و بهدلة ... و برد ... و نومة ع الأراضي

بس فعلاٌ كانت إيام بتجنن ....

الله يبعت الخير ....

اقتباس

نياااااااااااااااااالك يا أبو شريك

أقل شي عندك شي إسمو فرفشة

و يومين كمان ...!!!!!!

و الله عايش مجدك يا أبو شريك

شو مشان .... مشان الفرفشة ..انا بعمري مادرست بهدول اليومين ..اد ماكنت ناوي .. مستحيل


كنت عما قلو رفيقي يوم الخميس

سقا الله ايام التصميم .. كنانفكر حالنا معجوقين .. تاري كنا ولا شي

هون ياباسل العجقة.. صح بالتصميم في عجقة بس ابدا مو متل هلق

يعني هلق مطلوب منك تفكر وتركز كتير وتصمم


بتبلش بالمشروع من الصفر

شو رايك انو مطلوب لسة منا بلاطة هوردي وبلاطة مصمتة

ومعلوماتي عنهما صفر

فتخيل اديش بدنا نركض لتفهم وبعدين نبلش شغل

اقتباس

لأ و اللي رح يجلطني بزيادة

برجع ع البيت و بنام متل الأتيل لتاني يوم الصبح

الله بعين .....

الله يعطيك العافية

ومشروعك حلو ابو شريك وان شالله بتاخد علامة عالية بان الله

اقتباس

يا جماعة التلج عنا لساتو ع الأراضي

كانك زعلان؟

اقتباس

و خود بأى على شنططة ... و بهدلة ... و برد ... و نومة ع الأراضي

له له

يلى عدت على خير الحمد لله

مشان تحس بالتلج للعضم

اقتباس

الله يبعت الخير ....

امين يارب...

شكرا يا h.r.u
عالخبر اللي ان شاء الله ما يكون يقين.....بدي تلج


ياااااااااااااااا رب ينزل تلج....لأجل التلج....مو مشان يتأجل شي




ومشان الضغط


روقوا.....


لسى الضغط بيبلش الأسبوع الجاي وبيستمر ليلي بعدو


الله كريم



مجد

اقتباس

سقا الله ايام التصميم .. كنانفكر حالنا معجوقين .. تاري كنا ولا شي

هون ياباسل العجقة.. صح بالتصميم في عجقة بس ابدا مو متل هلق

يعني هلق مطلوب منك تفكر وتركز كتير وتصمم

إي الله يعطيك ألف عافية

بس كإني حاسك عم تعطيني دفعات لإدام

و عم تحسسني بشوق بس لحتى وصل ع الرابعة  

يعني شووووو مشااااااااان ..؟؟!!

اقتباس

الله يعطيك العافية

ومشروعك حلو ابو شريك وان شالله بتاخد علامة عالية بان الله

لك تسلم يا أبو حميد ... هي عيونك الحلوة ..

يا سيدي من تمك لبواب السما ... بركي باخدلي شي علامة منيحة

(( هلأ بيطلعولي بشورة و برايد سنجأ عرض... بعرف و الله بعرف ..))

اقتباس

ياااااااااااااااا رب ينزل تلج....لأجل التلج....مو مشان يتأجل شي

لك الله يسمع منك يا رب

و الله متل ما إلت لأجل التلج بس

بس مو الهيئة والله

أنا هلأ آعد عالنت و حاسس حالي مخنوء من الشوب

بأى أي تلج هاد اللي بدو ينزل

يا سيدي ... الله كريم

اقتباس

(( هلأ بيطلعولي بشورة و برايد سنجأ عرض... بعرف و الله بعرف ..))

الله يسامحك يا ابو شريك ... الله يسامحك (نحنا منطلعلك سنجأ عرض !   )


ليش مو قلتلك اكتر من مليييييون مرة انو مشروعك اكتر من رائع ؟وانك تعبان عليه كتير و هوو حلو من قبل ما تحبرو و فيو افكااار رائعة حتى بعد ما انسرقت من قبل (          ) طلاب من غير زمرتنا


وكمان ازا بتتزكر قلتلك انو بعد ما يتحبر رح يطلع احلى و احلى


(كلامي مو مجاملة  ابدااا بس لأنو بالفعل مشروعك متعوب عليه و انا عم شوفك بالكلية انك عم تترك المحاضرات و تقعد بالمطالعة تحبر )


فالله يعطيك العافية و ان شا الله بتاخد العلامة العالية جدا اللي بتوافق تعبك و جهدك اللي بذلتو على المشروع


و الله يسامحك على كلمة سنجأ عرض (قال سنجأ عرض قال )  

شو يعني سنجأ عرض ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟

والله يا أبو شريك مشروعك جميل بس هل الظل تبعك (وأنت بتعرف رأيي) رح ينزعلك يا هاد غير أنو ممكن يروح تعبك عل فاضي وما يزدلك علامات علي

مسا الخير


وينكم ماحدا مبين؟؟


شوهاد يالطييييييف

ما بنخلص مشروع الا بكون تسليم التاني بعد كم يوم


معجوووووووووووقين خير الله


بس انا اليوم نقاهة

وتفرجت على فلم Ice.Age.3 


على الاغلب هاد اخر يوم نقاهة لمدة شهر ونصف 


يلى موفقين جميعا 

نحنا -طلاب السنة التانية - بكرا عنا الاسكيز 


و ميييييتين رعبة منو 


لذلك دعولنا انو نطلع بكرا كتيييير مناح