اقتباس

مدري ليش انا بعكس العالم ما بحب هالكلمة ولا بستخدمها ... ودايما بقول لرفقاتي واهلي والكل انو المدني كتير سهل


حتى رفقاتي يلي بالاداب صارو يحسدوني اني بدرس هندسة مدنية لانها سهلة

شو نهفة إنتي يا ميمي بس قوليلي مشان الله إنتي كيف بتدافعي عن فرعك إذا ما بتسخدمي أسلوب إنو الفرع صعب وأنا عبقرية يلي دخلتو ....

بس شو بدكن بالحكي والله دفعتنا منحوسة بامتياز يعني من إيمتى 232 علامة ما بتجيب حتى موازي طب أسنان؟؟؟؟!!!!!! هي ما صارت ولا سنة إلا على عهدنا 

اقتباس

قبل شوي كنت عم إتمشى قام شفت آنستي بالثانوي سلمت عليها
أنا : مرحبا آنسة تذكرتيني ؟ 
الآنسة : أهلين مو إنتي فلانة تذكرتك .....وين صرتي
أنا ( وبكل فخر ) : هندسة مدني سنة ثالثة
الآنسة : عنجد .....كنت مفكرتك بفرع أحسن من هيك !!!!!! بس يلا هيك الله رايد

ههههههه ... ملعوبة ( من هالآنسة  )

عم أتخيل منظرك وإنتي مصدومة  وشهيتيني أعرف مين هي 


إييييييييييييييييييييييييه ... حالة ...


ومشان دفعتنا المنحوسة ... مشي حالها نسيها ...نصيب ... على قولة آنستك " هيك

الله رايد "


باختصار ... إذا إنتي مقتنعة بيكفي وزيادة لأنو إرضاء الناس غاية لا تدرك 

اقتباس

وكلو  ببلش على فرعنا كتير صعب .... يعني ما بعرف ليش بيستخدو كلمة صعب للدفاع   


مدري ليش انا بعكس العالم ما بحب هالكلمة ولا بستخدمها ... ودايما بقول لرفقاتي واهلي والكل انو المدني كتير سهل


حتى رفقاتي يلي بالاداب صارو يحسدوني اني بدرس هندسة مدنية لانها سهلة 

الهندسة المدنية  سهلة؟؟؟؟؟؟؟؟؟؟؟؟؟!!!!!!!!!!!!!!!!!!!

لاء يا ميمي الأمورة أكيد عم تمزحي  
أنتي صرلك عشرة عمر معها و بتقولي عليها سهلة؟؟!!  

هادا الشي رح يأثر على حلفنا بءا قولي غير هيك

سلام

اقتباس

سلامتك 

الله يسلمك يارب

بس عم قول مين نشر الفيروس بالمنتدى  

تاري انتي

اقتباس

(( شو يلي وداكي عالمدني ... توقعناكي فنون جميلة او بشي معهد ))

انا بحس انو اساتذة العربي هاد سؤالهم

وبحسهم بدهم يقولوا

شلون؟؟ ..وكيف؟؟ ..وايمتى؟؟

   


اما طريقتي بالدفاع عن فرعي

هو غالبا بس حدا يعرف اني عم ادرس مدني

بيسالني السؤال يلي مليت من جوابه 

وهو المدني غير العمارة؟؟؟


وبقعد بقى بشرح شو الفرق

وغالبا بكون تعريفي للهندسة المدنية

انها فراطة الهندسات

او ام الهندسات

او المحرك الفعال للهندسات ...او الهندسة القائدة يلي بتجمع كل الهندسات


انا مابقول عن فرعي لاسهل ولا صعب

انا بفخر بتنوعه

من هندسة الطرق و للجسور للمطارات للبناء للمنشاءات المعدنية

للبيئة .. للمياه .....


باختصار فروعتنا كتير ومتنوعة

وهي كفيلة تخلي فرعنا من احلى الفروع


وما حكيت مع حدا عن فرعي ..الا حسيته صار يحسدني

بقوم بالنهاية بمدحله بفرعه شوي


وحقيقة ..الهندسة المدنية من اروع الهندسات

فيكم تلاحظو تدخلها بكل المجالات

بيطلع المهندس المدني بيعرف شي عن كل شي


سلااااام...

اقتباس

عم أتخيل منظرك وإنتي مصدومة وشهيتيني أعرف مين هي

أهلين والله بحر وينك يا خانم مو مبينة اليوم ؟
يا ستي هالآنسة ما بتعرفيها كانت بتدرسني معلوماتية بالحادي عشر وهية حبابة أنا وإن كنت انقفشت وقت حكيها بس متأكدة إنو ما قالت هيك بنية سيئة

صحيح على سيرة الأساتذة والآنسات دريتوا إنو الأستاذ سواس بالحج السنة ؟ يمكن دعالن لبنات الأوائل يجمعوا كلن 290 ترقبوا يا جماعة من ثانوية الأوائل مجاميع البكالوريا السنة 

اقتباس

هو غالبا بس حدا يعرف اني عم ادرس مدني

بيسالني السؤال يلي مليت من جوابه 

وهو المدني غير العمارة؟؟؟

هاد السؤال دائما بينسأل بس كمان في سؤال تاني 
-اي سنة انتي
-تالتة
-يعني بقيلك سنتين وبتخلصي
-لا والله يا خالة لسا 3 سنين
-3 ؟؟؟!!!! ليش مو الهندسة 4 سنين
-لا والله يا خالة 5 سنين
-5؟؟؟!!!! أي شو صيدلة ولا طب كلها شئفة هندسة      


           

اقتباس

أهلين والله بحر وينك يا خانم مو مبينة اليوم ؟

والله ما حبيت يغطي وجودي باول يوم دوام بعد هالعطلة عليكن    قلت لحالي بخليها لبكرا 

اقتباس

صحيح على سيرة الأساتذة والآنسات دريتوا إنو الأستاذ سواس بالحج السنة ؟ يمكن دعالن لبنات الأوائل يجمعوا كلن 290 ترقبوا يا جماعة من ثانوية الأوائل مجاميع البكالوريا السنة

شو هالحكي ؟؟؟ والله انا ما عندي علم ... باعتبار انقطع نسل البكالوريا والمدارس عنا بالبيت ... إن شالله يرجع بالسلامة 

بس مين عم يعطي بدالو ؟؟؟ مو حلوة هيك بلاه  ( مع إني ما كنت حب أسلوبو  ) ومين عم يعمل مراقبة على هالبنات بداله 



يييييي .... ذكرتيني بقصص المعاناة بهالمدرسة  بس الحق يقال كمان كان في

جانب حلو وخاصة من ناحية أساتذتها والضحك يلي كان يصير    ( هههههههه ...

كلو كوم وهالفيزيا يلي مرت علي بالبكالوريا كوم      )

اقتباس

يا ستي هالآنسة ما بتعرفيها كانت بتدرسني معلوماتية بالحادي عشر وهية حبابة أنا وإن كنت انقفشت وقت حكيها بس متأكدة إنو ما قالت هيك بنية سيئة

تذكرت شكلها بس ببصراحة ما كنت طيء هل المادة خصوصي وقت جابونا يوم الكسوف نئدم المذاكرة وأخدت بكل فخر 20/0.5

اقتباس

اقتباس

صحيح على سيرة الأساتذة والآنسات دريتوا إنو الأستاذ سواس بالحج السنة ؟ يمكن دعالن لبنات الأوائل يجمعوا كلن 290 ترقبوا يا جماعة من ثانوية الأوائل مجاميع البكالوريا السنة 

بس مين عم يعطي بدالو ؟؟؟ مو حلوة هيك بلاه 

لا تخافي بنوب من هل الناحية بكوني مزبطين كل شي من قبل شهر  

اقتباس

ومين عم يعمل مراقبة على هالبنات بداله 

ليش ما دريتي أنو صار في مديرة كمان وشو مديرة غير شكل  

اقتباس

بس الحق يقال كمان كان في

جانب حلو وخاصة من ناحية أساتذتها والضحك يلي كان يصير    ( هههههههه ...

كلو كوم وهالفيزيا يلي مرت علي بالبكالوريا كوم      )

أي أحلى شي كانت ورقة التسميع المرعبة وحط الكتب بالدرج والدراسة بالسرئة
ولا بوالين المي هي أحلى شي
والله كانت أيام حلوة الواحد بيزعل عليها بعد ما راحت

رجعتولي كتير ذكريات  



سلام

اقتباس

صحيح على سيرة الأساتذة والآنسات دريتوا إنو الأستاذ سواس بالحج السنة ؟ يمكن دعالن لبنات الأوائل يجمعوا كلن 290 ترقبوا يا جماعة من ثانوية الأوائل مجاميع البكالوريا السنة

بالله سواس بالحج !!!!

غريبة  كيف اختي ما نقلتلي هالخبر 

اي الله يتقبل منو ويرجع كل الحجاج بالسلامة وبسرعة ياااااااااااااااااااااا رب


لك وعلى راسي بنات الاوائل كلن انااااااااااااااااااا


بس الله يصلحكن معقول كنا بنفس المدرسة ولا مرة فتحنا سيرة الاساتذة والموجهات

مو حلوة هيك بحقنا يلا تذكرولنا قصص حلوة وذكرونا فيها

اقتباس

جانب حلو وخاصة من ناحية أساتذتها والضحك يلي كان يصير

 

وينك يا فقييييييييييييييييييييير تيجي وتحفظنا القوانين

ووين قصص عمورة ...وسلاخ وطواشي وقدورة  وكريم الدين

والبش البش البش ناقص لوغاريتم الاش وعمورة ركب دش 

سقا الله

هلا مشان قصة المدني وسهل وصعب ... اكيد ما قصدي اني جاكر حد فيكن


بس يا جماعة والله الدراسة عنا سهلة بجد
(( طبعا ليلي متلي ..... بمشو الستين والستين وبقولو يا ربي النجاح  ))


يعني عيار الشغلة يومين تلاتة دراسة قبل الفحص
والمشاريع والظايف ... نصها نقش والنص التاني امرنا لله بنضيع كم ساعة وبنتعب عليه
والمذاكرات نصها بندرسلو شوي والنص التاني نقل وهيك هيك العلامات نفسها بتبقى


بقا شو بدكن اسهل من هيك


يعني النجاح عنا  اسهل من الكليات الادبية  ومو بمستوى الظلم يلي عندن
والدراسة فينا نطنشها شوي

بعرف انو كلامي بجوز يكون دليل فشل وما يعجب الكل ... بس انا وحدة من الناس يلي مستحيل اسمح لسنين عمري و بهالفترة  بالتحديد انها تروح على الدراسة وبس

خصوصا انو بشهادة المعظم نسبة  الفائدة العملية من  دراستنا بالكلية قليلة ... بقا ازا صاححلي انجح  بدراستي وعيش حياتي وطور نفسي بامور تانية بنفس الوقت ليش لا

لهيك ولحتى اقدر اطلع كل يوم  واعمل يلي بدي اياه وبدون ما اهلي يدققو او رفقاتي ينصدمو لازم قول انو المدني سهلة  

( بعملو دعياة حلوة ... شو بدكن احسن من هيك .. بس الله يعيني على الدعاوي يلي رح اكلها ازا حد فات مدني من ورا كلامي وكره حياتو )


اما مشان قصة الفرق بين المدني والعمارة ... هي ممكن تكون دفاع بحالة الشباب
اما ازا نحنا البنات بلشنا نشرح شو الفرق كلو رح يتطلع نظرة دونية ويقول ... وشو فوتك هيك شي معت هاد للشباب شو بدك بهالشغل مو لو فتي عمارة احلى واريح

لهيك ازا حد سالني اي سؤال عن المدني وشو ما كان ... بس بقول انو فرعنا سهل وحلو ومتنوع وممتع وشامل وانا بحبووووووووو  .... طبعا هالكلام مترافق مع ابتسامة عريضة لاظهار مدى السعادة يلي انا فيها 

واي تعليق مو حلو من اي حد بكون جوابو عندي ... انو الناس انماط مختلفة ويلي بيعجبني مو ضروري يعجب غيري وبس


اما قصة صعب واني عم موت لانجح وانا هندسة يا جماعة هندســــــــــــــــــــــــــــــــة (( بقا سامحوني هي القصص تاركتها لغيري  ))



وميمي الحلوة (( يعني بكفي اني مرقتلك قصة القطط بقا مرقيلي هالقصة كمان بالمعية و ببقا لعيونك بمرقلي كلمة صعبة شي يوم بس كلو الا الحلف يا قمر  ))