اقتباس
لأنومافي يوميات عما يمر اليوم والتنين والتلاتة متل بعضهم
خليها لربك يا محمد ال يومين وتلاتة قصدك سنتين وتلاتة والله الدنيا كلها صايرة بتملل
مع انو كتير عم يصير معي اشيا جديدة بس بنفس الوقت ما عم تخلصني من حالة الملل المزمن يلي صايبتني
يعني مثلا سماع من يومين شو صار معي
الله وكيلك كان يوم المفاجات العالمي
هاد يا سيدي كنت عم احضر مع الفئة الاولى وقعدت مع رفيقتي قدام لانو بجد يومها كنت ناوية افهم
بس معقول يعني ميمي تحضر محاضرة وتفهمها من الدكتور يا باطل مستحيل
لانو بهداك اليوم كان قاعد ورانا شب سبحان الذي خلقو شو غليظ وشو بيلعي
قضى المحاضرة كلها وهوي عم يعلق ويتبايخ ويضحك ورفقاتو فرطانين ضحك
والمشكلة انو بجد كلامو كان يضحك وصوتو مسموع لعندي بكل وضوح وانا ما كنت اقدر امنع ضحكتي ابدا واكتر من مرة يشوف الدكتور ضحكتي ويزورني والمشكلة اني ما بقدر خبي ضحكتي بنوب
المهم بعد ان طولت بالي عليه لهالشب كتير قررت اخيرا اني دير وشي لعندو وقلو انو يسكت لانو بصراحة ما كنت ناوية اتقلع من المحاضرة بسببو
ودرت وشي لحتى احكيه
واز
واز
واز
كانت المفاجاه العظيمة
حزرو مين طلع هاد الشب ؟؟؟؟
طلع ابن جيرانا السابق و أحد ابست فرينداتي ايام الطفولة
وقتها انتقلنا من البناية لما كنت شي صف سابع وهني كمان انتقلو وما عدنا عرفنا عن بعض شي
لك كنا كل يوم نلعب طابة وشدة وطميمة ونتخانق ونخاصي بعض
والله وكيلكن كنا نجمع كل ولاد البناية ونروح نعمل سيران بالحديقة
كانت ايام شغلة
المهم بعد ان اكتشفت انو هويي درت وشي بسرعةو ما قدرت احكي ولا كلمة من هول المفاجاه
وازا اول المحاضرة كنت اضحك اخرها قضيتها وانا فاتحة تمي هيك
واستنيت بفارغ الصبر انو تخلص هالمحاضرة لحتى احكيه بس للاسف سبقني وطلع دغري وانا صرت الحق فيه والحق فيه بس ما لحقتو راح
ومن يومها وانا عم دور عليه بالكلية وما عم لاقيه
يعني بدي افهم كيف هيك هي تالت سنة قضيها بالكلية وما شفتو ولا مرة
انا قلت بجوز هوي راسب سنة تانية لانو اساسا كان اكبر مني بسنة
يعني اكيد عاد البكالوريا ورسب متل بشي سنة
المهم هي كانت اول مفاجاه
خلصنا محاضرات وكنت بطريقي راجعة عالبيت
واز
واز
واز
مين بشوف؟؟؟
شفت بنت تعرفت عليها من هون من المنتتدى وشفتها مرة وحدة ومن يومها ونحنا عم نحاول ندبر شي موعد وما عم يمشي الحال
ام بجد كانت صدفة حلوة اني شوفها بالطريق ومتل ما بقولو رب صدفة خير من الف ميعاد
المهم قعدنا وحكينا ولعينا وجبنا سيرة نص اعضاء المنتدى ( عم امزح
)
ايه وبعدين كملت طريقي وركبت بالباص واتطلعت لقدام
واز
واز
واز
مين بشوف ؟؟؟
رفقتي بالمدرسه هي وحدة من بنات شلتي القدام يلي انقطعت اخبارها عني بقيت معي كل الابتدائي والاعدادي
واخر مرة شفتها كنا صف عاشر ومن وقتها ما شفتها
المهم قضينا طول الطريق عم نحكي ونستعيد الزكريات بجد انبسطت بشوفتها
ايه وكمل الباص طريقو وازا بالطريق عم اتطلع من الشباك وشفت رجال اجت عينو بعيني وفنجر عيونو لما شافني
حزرو مين؟؟؟
هاد شوفير باص المدرسة تبع الابتدائي كنت مجننتو يا حرام وهلا خواتي عندو بنفس الباص وسيرتي ما بتروح من على لسانو ابدا وهوي بيحكي عن امجادي بالشغب
ونزلت من الباص وكملت طريقي وهنا كانت المفاجاه الاخيرة
حزرو مين شفت ؟؟؟
سيارتنا
مع انو ما كان بقيان خطويتين للبيت بس طلعت بالسيارة
وهاد كان يوم المفاجات العالمي بحياه ميمي
بقا شو رايك ابو حميد ؟؟؟
دلـيــل الفـصـل الثـانـي-السنة الثانية 2011/2012... كلية الهندسة المدنية
يوميات مهندس مدني !!!!!!!
