ولله محسوبك متلك هاي تاني سنة بالأولى   

يا عني يومياتي متلي متلك متل غيرك .... دوام وقفة تحت الشجرة و هيك

im kind of a big deal

اقتباس

ولله محسوبك متلك هاي تاني سنة بالأولى   

هلا والله زميل   
سيدي ولا يهمك اساسا احلى سنة كانت سنة الرسوب وعلى فكرة من وراها حبيت الكليه
يعني كانت سنة مريحة كتير لا دوام ولا دراسة واحلى شي انك بتعمل حالك فهمان عالاخر وبتصير بتشارك وبتحل وبتعطي نصائحك وتوجيهاتك والكل بفكرك من الاوائل عالكلية
وعلى قولة هي المحاضرة سهلة بلاها وهي المحاضرة ما لها لازمة وبتمرق هالسنة هيك


صحيح كم مادة معك؟؟؟؟

تحياتي :

راح احكيلكم شو صار معي يوم الخميس الصبح بمحاضرة الهيدروليك هاد يا جماعة الخير
كان عنا تسليم وظيفة شي 14 مسألة
وكان تسليمهم يوم الخميس بمحاضرة الساعة 8

ويوم الاربعا ضليت عم حاول حل بهالوظيفة بس مو كل المسائل انحلو 
قلت يا ولد مو ضروري تحلهم كلهم مافي احسن من النوم 
حملت حالي ونمت
وفقت الصبح على صوت رنة موبايلي رفقاتي كانو عبيدقولي عبيقلولي يالله تعال على المدرج مشان نحل الوظيفة 
وأنا ما سدقت سمعت هالكلمة الا البست وركيد على الكلية (( مو ركيد ركيد يعني بالمكرو    )) المهم وصلت على المدرج لقيت رفقاتي عبيستنوني عملنا اجتماع بنص المدرج وطلعنا حاليين معظم الوظيفة ما عدا 3 مسائل ما انحلو بشكل كامل
واشتغل توزيع الورق والنقل ولو تشوفو منظرنا متل يلي قاعد بامتحان كلو عبيكتب وينقل الوظيفة 
وحطينا واحد على الباب مشان اذا اجى الدكتور يخبرنا
وفعلا اجا الدكتور وخبرني وانا صرت قول للقاعة (( انضبو انضبو اجا الدكتور    ))
ولو تشوفو شو صار بالمدرج لك طلعت القاعة كلها عبتنقل حلنا انا ورفقاتي
المهم جمعنا الورق وفات الدكتور وعملنا حالنا مو عامليين شي بنوب
لم الدكتور الوظايف بس انا ما سلمتو الوظيفة ما كانت خالصة المهم كان باقيلي مسألة حللي ياها رفيقي ونقلتها بخطي بس كان الدكتور رايح

وكان بعد هي المحاضرة يعني محاضرة من 10 لـ12 كانت في محاضرة الهيدروليك للفئة التانية ((( شفت أبو الخل "هارب" وقلتلو سلملي الوظيفة مع وظيفتك ))

ولو تشوفو أبو الخل شلون أهل وسهل بالفكرة ,,,,,,,,,, بس طلعت لغاية في نفسه
والشغلة مو لالله 
لانو ما عطيتو الوظيفة إلا فتحها وطالع قلم ودفتر وبلش نقل هو التاني 

         
       
     
     
 


فشكرا إلي انو عطيت أبو الخل الوظيفة
وشكرا أبو الخل على تسليم وظيفتي


أبو النور,,,,,,,,,,, 

أبو النور............
يا عيني ......والله بتجسدوا روح التعاون  و الأخوة والمحبة بكل ما تحمله الكلمة من معنى            
هيك ها...الله يرضالي عليكن......بدي ياكن إيد وحدة....
بس بكرة لما بقلكن الدكتور (تسلمولي شو فهما و أذكيا على هالوظائف المنسوخة نسخ .)...ابقوا قولولي .....مو مشان شي بس حتى أضحك عليكن..   ..قصدي  واسيكن    
      ...



لا تصدقوا عم بمزح ......إنشالله بتاخدوا علامتها كاملة .........     ..


سلااااااام........            

اقتباس

يا عيني ......والله بتجسدوا روح التعاون  و الأخوة والمحبة بكل ما تحمله الكلمة من معنى            

أنو من جسدها ولك نخنا روح التعاون بحد ذاتها ,,,,,,,,,,, 

اقتباس

بس بكرة لما بقلكن الدكتور (تسلمولي شو فهما و أذكيا على هالوظائف المنسوخة نسخ .)...ابقوا قولولي .....مو مشان شي بس حتى أضحك عليكن..   ..قصدي  واسيكن    
      ...

عيش يا جديش لينبت الحشيش ,,,,,,,,,,,,,,, 

اقتباس

لا تصدقوا عم بمزح ......إنشالله بتاخدوا علامتها كاملة

انشالله سدقتي انو الها علامة لك نحنا ما بيحطوا علامات بالعملي الا على الامتحان
بلا وظايف بلا مذاكرات هو امتحان العملي وبس
بس شلون المعيدين بفكروا بيقولو والله يلي بيحضر العملي ما منخصم عليه بس ما منعطيه علامة عى الحضور
ويلي بيحل الوظايف ما منخصم عليه بس ما منعيه علامة الوظيفة

يعني متل هيك شغلات تاركها يأثم وفاعلها لا يثاب عليها ,,,,,,,,,,و 

تحياتي

اقتباس

له ..له ...له..
لمين هي؟؟؟              

والله يا ملاك اذا كانت فوتك على الموضوع بكيفك
فطلعتك منو بكيفي انا ,,


وشكلييييييييييييييييييييييييييييييييييييييييييييييييييييين ما بحكي 

طبعا مو إلك ولو ,,,,

اقتباس

إي والله معك حق ....فهمت عليك

إلك باعادة ,,,,,,,,,,,,

اليوم المهندسة المدنية العظيمة ميمي متدايقة كتير مدري ليش كل الاشيا البشعة بتيجي سوى
يعني اول ما شغلة تصير مع ميمي وتدايقتها كل الاشيا البشعة التانية بتركد لعندها ركد سبحان الله حتى بهي الامور في غيرة


على كل حال موجة الدياق ( قصدي الديقان ) التي اجتاحت حياتي خلتني ما بدي اكتب ولا رد باي موضوع مدري ليش

بس هلا انا قاعدة لحالي ما عم يؤنس وحدتي غير كتاب الهيدروليك يلي من الصبح لهلا عم فكر افتحو ولا لا وماغ النسكافيه يلي كمان صرلو من الصبح حدي ومو جاي عبالي اشربو وطبعا هلا صار بارد وما بينشرب

بقا مع موجة الوحدة هي لقيت حالي فتحت الصفحة وكتبت
ما بعرف ليش كتبت هالكلام بجوز لانو هي اول يوم يمرق بدون ما اكتب رد من اول ما سجلت بالمنتدى يعني ما بدي يدخل اسمي ل ((البلاك  ليست )) مو حلوة بحقي

او بجوز لانو المسنجر مدري ليش منزوع هاليومين شكلها عدوى الديقان انتقلت لعندو ومل من كل هالعالم يلي بتدخل لتلعي بقا قرر الاضراب والراحة متلي

وكمان مو جاي عبالي اطرق مشوار لعند التليفون برا
والموبايل ما في وحدات
يعني بواب الحكي كلها مسكرة بوشي (مع اني اليوم لعيت لعي لقلت حاجة) بس لسان ميمي دوما بحاجة للمزيد

بقا لقيت احسن حل اني احكي مع حالي
حلو الواحد يحكي مع حالو عالقليلة ما بلاقيي حد بعارضو او بجادلو
بقولو يلي بيحكي مع حالو مجنون انا متاكدة انو كل العالم بيحكو مع حالن بس في ناس اجبن من انها تعترف بهالشي

على كل حال بكفي لعي لهون واتحملوني واتحملو جناني يا عيلتي

اختكن يلي مدري الدنيا داقت عليها مدري هي داقت على الدنيا
ميمي

اليوم يومي كان


مللٌ مللٌ  مللٌ  ملل

مللٌ  مللٌ  مللٌ  ملل

           

ملل ملل في الأعماق                في الجذر الضامر في الساق

       

بس هيك اليوم

 

لك شو هاد يا أبو النور فضحتنا


بس عكل حال شكراً عالوظيفة

هوي صح انو ما نقلت كل المسائل بس غطيت النقص


ههههههههههههههههههههههههههههه



         

اليوم ميمي مبسوطة

مو كتير   بس الحمد لله انقشعت معظم الامور التي دايقتها


وبهذه المناسبة بحب قلكن يا عيلتي الله يصفي القلوب وانشالله بنضل عطول عيلة رايقة ومبسوطة
ولا ترجعو تنامو يعني ازا انا نمت وما حطيت ردود من يومين بتقلدوني