goldenrose

و الله رأيك مزبوط و صح

المشكلة انو و الله إلتعا قلبنا من كتر ما حكينا بس انا ما رح افقد الامل


بس المشكلة ما في حدا يسمع يعني جناب متل طناب

لا حياة لمن تناااادي

بس نحنا لازم ما نيئس و نخليهم يظلمونا عيب و الله عيب

أولا شكرا من صمصومة القلب على هل الموضوع والله لو عاطيتيني مليون ما بنبسط بعد ما قرات هذا الكلام كل يلي كتبتوه صحيح .حبلش بدا من أغلظ الشي بالنسبة الي طالما فتحتوا مجال لفش الخلق.اولا العلامات حارقة القلب تبعي ولك المشكلة ما عم افهم شو عم بصير بهل كلية كوني سنة اولى ما عم أفهم وين التلاعب بالموضوع ثانيا المدرج الثامن لازموا حرق بركي منخلص منو تالتا الحمامات.......... الموظفين....... النفق .........الحديقة وغلاظة يلي فيها .....بعض الدكاترة .....الهنكارات عنجد كلشي شكرا مرة اخرة اتمنى المزيد مشان نفش الغليل

التسجيل هم  كبير كتير عند كل طالب لانه بالفعل معاناة حقيقية
مافي نظام أبدا    والطالب .......للأسف ما حدا بيحترمو بالجامعة
يعني بيحددو شهرين مدة تسجيل لألوف الطلاب وبشكل عشوائي
ليش مثلا ما بييحددو لكل قسم مدة معينة للتسجيل والطالب أكيد رح يلتزم بهي المدة
وبالتنظيم كل شي بيصير

مرحبا

أنا كنت مغتربة و إستقريت من 4 سنين

يعني دخلت الجامعة هون وما كنت متوقعة أو متخيلة أبدا هيك رح يكون الوضع 

أولا مفاضلة المغتربين والتسجيل بالجامعة راح معي أخي من عبكرة الصبح لأنو ما

كنت بعرف شي وبدا القصة مية دوخة حتى سجل وسجلت إنجليزي

وبعدين الكلية متل المتحف ........ لو برجع بعد قرن بلاقيها نفسها بالمباني المهترئة

والمدرجات يللي بتأسي والدكاترة يللي من أيام الديناصورات ............

والله حالة ........ كلية الغبرة و وجع القلب هادا غير المواصلات   تذكرت سنة أولى

وكيف كانت العجقة و القتل عالسرافيس و الباصات بس هلأ الحمد لله صار في الباص

الأخضر يللي حل شوي من الأزمة............ يللي كانت وما زالت

بعدين وين صارت أنو الكلية فيها  هالألاف من الطلاب شوفو جامعات الأردن ومصر

مو الخاصة طبعا  والله شي غير........... مو متل هووووووووووووووون

المدرجات لازم تكون طابقين حتى تستوعب هالعدد ماشالله

ومافي خدمات ومافي إهتمام أبدا بالطلاب او (الحشرات)sorry

كلية بائسة... أكل الدهر عليها وشرب متلها متل كل هالكليات يعني الحقوق والعلوم

مو أحسن 

أنا ما داومت كتير لأنو كل ما كنت روح( إقرف حالي وعيشتي)  

وما بعرف كيف خلصت الحمدلله 

وكل هاد ويللي بيصير وقت التسجيل شي مو معقول أبدا وإنتو بتعرفو المعاناة

والمأساة 

أو وقت الفحص (وقت البلاء الأعظم و توزيع القاعات) منكون متل حجار الدومينو

ما بعرف إذا رح يتغير شي أو لأ.........................  أو متل ما قالو

عوووووووووجاااااااااااا ويا ما رح نشوووووووف   

أو عيش كتير  بتشوف  كتير

المهم الواحد يتغير من جوا للأحسن .... طبعا .. يعني يبدا بحالو

وبالتوفيق للجميع   

لماذا جامعة تشرين نستطيع ان نسميها جامعة او جامعة حلب ولا كل الجامعات بسورية حلوة الا جامعة دمشق وبالاخص كلية الاداب؟
ليش ما بيبنو مباني جديدة حتى نحضر محاضراتنا بسلام؟
لا والله منقعد على الدرج والدكتور ينادي : يا شباب حاجة تحوصوا؟
ولا بيقولو : بكرة مافي مكان نقعد فيه ورح نأجل المحاضرة للفصل التاني؟
ولا كل ما بدنا ندخل الجامعة نوقف بالدور وبس يجي دورنا بتكون المحاضرة انتهت ومشي الحال؟

Nihongoooooooooo

كلامك درر و جواهر الوضع عنا يعني بالاداب كل مالوا لورا و صارت الشغلة على عينك يا تاجر

بس نحنا الطلاب لازم ما نسكت و لا نيأس بجوز بهالمنتدى ما حدا عم يقرأ و يسمعنا

بتمنى نوصل صوتنا

desert rose

اهلا و سهلا فيكي صديقتي و الله الحق معك ما تداومي بنوب واقع بخجل

يا محلا الغربة على شوفة كلية الاداب عنا

و الله شو بدنا نساوي عم نتمنى نتخرج و عم ندرس بس كلو ظلم


شكرا صديقتي شكرا و لازم نفش خلقنا انا و انت و كل الطلاب حتى لو ما اتغير الواقع

مع تحياتي

عاشقة الادب

اهلا اهلا بصديقاتي الجدد

شو هالمدرج التامن يا سلام صاير لللحفلات و المسخرة

و شو هالدكاترة هدون شي بيرفع الراس لفوق

عم يدرسو بجامعات خاصة و يعطوا جهدهم لطلاب الخاصة

و نحنا لفشة الخلق و البهدلة

duha hesham

أي تنظيم هاد صديقتي عنا بالكلية بينبسطوا كتير بالفوضى روح قلبهم

أما نظام فما في بنوب

لا حياة لمن تنادي

بدنا
مكريفونات شغاااالة
ماعم نسمع..

ليش الاهمال !!!

شو طلاب الاداب عالبيعة!


ويلي مسمينها مكتبة للانكليزي
هاي سقيفة
الظاهر غلطو وسموها مكتبة



يادوب واسعة الطاولات والكراسي



اعذروني
بس شي بيقهر