زهرة الخريف

اي و الله الحق معك لازم اول شي نغير الموظفين و هي الركيزة الاولى

...............................................................................................................................................................

زياد عرفة

كلامك تمام الغرب اخد عاداتنا و صار ينفذها

و نحنا تراجعنا و تراجعت لغتنا و دراستنا و تخلفنا

و لا منفكر حالنا اذا فتحنا الانترنت و جبنا احدث الموبايلاات انو خلص اتطورنا لاء خطأ هاد الكلاام

..............................................................................................................................................................


اكرام 1

كلامك صح

اصلا كل شي نحنا عم نحكيه صح لك لما بيكون في طلاب اجانب عم يحضروا محاضرة ادب عربي

بيضحكوا كتير بيفكرونا قدعدين بشي حديقة أو سوق من العجقة و الاهمال

و بلاقوا الدكتور فات بلش يحكي من اول دقيقة للاخير بدون ما يشوف الطلاب اذا فهموا و لا لاء؟؟

مع تحياتي الكم جميعا

بصراحة هاد الموضوع كتير بدو حكي يعني مع كل اللي ذكرتوه هون لسا ما وصلنا للشيء اللي مفروض تكون عليه جامعاتنا
موضوع القبول بكليات اللغات بتخيل بينحل بإمتحان قبول و تأكدوا أن إذا هالحركة عملوها ما رح يدخل الفرع أكتر من 400 طالب
و بالنسبة للدكاترة هو يعني ما بتخيل أن في دكتور ممكن يشتغل بهالجامعة لسبب أن الرواتب كتير منخفضة و في كتير مشاكل مع موضوع المناهج يعني موضوع تغيير الدكاترة بتخيل صعب إذا ما صار تغيير جذري
و الدكاترة اللي هلأ عندنا في منهن و الله كتير مناح بس للأسف بعد كل هالسنين مع الجامعة و المناهج نفسها من خمسين سنة داق خلقهن و صار لازم يطلعوا عالتقاعد
و الدكتورة اللي لازم يفصلوها و ترجع طالبة في شي تنتين بالجامعة بتخيل لسا ما وصلت لعند التانية safa بس تصلي بتتذكريني ^^
شكرا على الموضوع كتير مفيد و إن شاء الله تصير جامعاتنا متل الجامعات الأجنبية و أحسن يتمنى للجميع التوفيق .

                                                    بصراحة 
                      أنا برأيي إحنا نغير الجامعة ..............
                    عا الحال ده بقالي زمان ... أنا وكثير ..........


                              أنا مش عارف أتغير ...
أكيييد بتعرفيها لغنية تامر ... هاد وضعنا ....
إذا بدنا نحكي .... مارح نخلص واحنا نعدد لدرجة إنو الكلام رح ياخد الطاولة يلي تحت الكمبيوتر أقد مو العريضة طويلة ....


عجبني موضوعك ....

السلام عليكم ورحمة اللهوبركاته

اولا بوجه شكر كتتير كبيرللاخت لونا على طرحها هلالموضوع المتميز  


وطبعا شكرا كتتير كبر لكل يلي جاوبو

واما بالنسبة الي 


انا معكن بغير كلالموظفين وبعمر مقصف لطلاب الاداب حاجة لسى مشنططين  بالصحافة يلي كلو دخان والطب يلي بيفوت الواحد مشان يطلع معو التهاب رئة


وبخلي كلية الاداب وحصرا يلي بدو يدخل قسم لغة انو يخضع لفحص شفهي وفحص كتابي حتى ما يفوتها الا يلي فعلا بيحب اللغة وبيستاهلها مو شوربة كل مين ما طلعلو شي بيفوت لغات       


وطبعا لسى في كتتير افكار تانية بس اكرام الله يخليلي ياها كانها عم تقرا افكاري  حكت كل يلي بحلم اني اعملو

وخاصة المناهج يلي كلو بكوم والمناهج بكوم     

لازم يكون في منهاج ثابت لكل الفروع



شكرا لكم مرة تانية ونورتو جميعا

بتمنى تضلو عم تشاركو وتضل في تواصل وحوار ونقاش  بين كل طلاب الاداب على امل ان نغير ولو شي بسيط من هذا الوضع


لان يد الله مع الجماعة

اهم شي وانا برأيي
انو يعتنو اكثر بالناحية التعليمية للجامعة لانو هاي مؤسسة تعليمية عليا يعني لازم يكون في نظام و منهج لانو الشغلة مو هيك مثل ما بدو الدكتور
لانو الطالب عم يبدأ دوام و ما لو عرفان شو عم بيصير معو و كلو تحت رحمة الدكتور
وبالنهاية الدكتور مالو رب يعني ما لازم يكون الطالب تحت رحمة اي انسان .
طبعا هاي نقطة في سبع ملايين نقطة ممكن ينحا عنون .
بعدين طالب الادب فهمنا انو لازم يقرأ و لازم يوسع قراءتو بموضوع الادب
طيب افتحوا مكتبة اعملو زي الخلق
اعملو المواد على شكل حلقات بحث زي العالم و الناس طبعا مو حبر على ورق
ولا لازم الطالب يكون سوبر مان لحتى يتخرج
و اخر شغلة انو الاعتناء اكثر بطريقة وضع الاسئلة ولازم الدكتور يعلمو شي دورة بشي دولة اجنبية بطرائق التعليم لانو الدكتور اللي بيفهم بالمادة ما ضروري يكون بيعرف كيف يدرسها
يعني مثلا في قوانون قرأتو من جديد في التعليم الجامعي وهوه يجب ان لا يعتمد التعليم على اصطياد اخطار الطلاب
واللي بيسموه بالانكليزي
catching students mistakes
لانو المقال كان بالانكليزي

Dino

Lovelyface

نهى حساان

Nino

شكرا كتير ع آرائكم و ردكم و لازم نبقى دايما ع تواصل مع بعض و خاصة كلية الاداب و نعرف كل الاشياء فيها و شو عم يصير

مع تحيااتي للجميع

مرحبا
انا لو فيني غير شي بكلية الآداب
كنت غيرت كتير
بصراحة سمعة الكلية تبعنا يا جماعة موصلة لكل سوريا
الآداب صايرة عندنا تجمع  الشباب  يلي هنن بالأصل ماعم يدرسو فيها و مالهم علاقة فيها بس بيجو و بفوتو بكل وقاحة و ببلشو  قلة ادب
انا بتمنى انو مايسمحو لأي شخص مامعو بطاقة جامعية انه يفوت و يشددوا على هدا الاجراء
و الشي التاني يلي مضايقني انو يلي بفوت عالأماكن المخباية بالجامعة ورا الصيدلة و لجوى عند الشجر و الحديقة الطبية بلاقي مستوىمتدني 
يعني بنات و شباب المفروض جايين يدروسو  مو  ....!!!
و الله عيب و كيف المسؤولين عن أدب الجامعة بيسمحو بهالتصرفات 
شو نحن وين عايشين ...نحن اسلام و هذا حرام و عيب
لازم برأيي يحطو حراس أو شرطة للانضباط
ماشي هذا رأيي انا
باي

Amal

صديقتي أمل كلامك كلو صح

و لو تشوفي هالشوفاات و كلو شغل و لاد

و المسخرة بالحدائق و كل شب شايل شي 10 بناات و حديقة الصيدلة و الطب و الله انا ما بتدخل عليهم بس بشوفهم من بعيد

حبيبتي لا تشكي كتير ما رح يغيروا شي أصلا هنن ما بدهم نظام بالجامعة

و يلي بالحدائق كلهم منهم و فيهم

فهمتي علي ما ؟

شكرا كتير كتير الك

لونااااااااا

لازم كل شي يتغير من الطلاب لحد المنهاج للدكاترة
طبعا بدون زعل
و أهم شي المناظر يلي بالصيف مافي شي مخبى من الأجسم الحلوة

dark girl

اهلين صديقتي فيكي

و الله كلاامك صح

اليوم كاان اول يوم بالكلية و لو تشوفي العجقة مو طبيعية لك و ما حدا عم يحضر كماان

كلو  من برة الجامعة

و من كتر ما ضاق خلقي حملت حالي و طلعت

مناظر فظيعة ما في مكاان تمشي

عدد يلي عم يرسبواا كتاار و عدد الطلاب الجدد اكتر بكتيررررررر يا لطيف اخر زمن