قسم الأدب الإنكليزي
ما هذه ال 48 في العلامات الأن إذا أخذت 48 في مادة فأنت ترسب.

المواد صعبة جدا
الدكاترة لا يرحمون في أسئلتهم
و المواد تتراكم
و لسا الخير لقدام


علما انه قد أخذت في مادتين صعبين 48 و رسبت بهما .

ابتسم أنت في سوريا   

نعم اخي ادميرال وانت قلتها.................... نحن في سوريا
وكل شي عندنا يعتمد على التجربة



!!!!!!!!!!!!!!!!!!!!!!!!!!!!!!!!!!!!!!!!!!!!!!
بكرا وقت يشوفوا الجامعات معد تستوعب ولا طالب اضافي
بيلغولك القرار ويمكن يصير النجاح من اربعين....................... ابشر زميل
هدا اذا فكروا بعقلية!!!!!!!!!!!!!!!!!!!!!!!!!!!!!!!!!!!!!!!!

مشكور عالمشاركة الحلوة
تسونامي حوران

مشكور عالمشاركة الحلوة
تسونامي حوران

آآآآآآخخخخخ 
والله اللي صاير عليك صاير علينا كلنا
لما كنت س1 رسبت ب3 مواد عا48 و مادتين عا47
طول بالك وصلي عالنبي ولا تيأس 
الا ما يرجعوا قرار (+2 _ +3)وأملي بالله كبير
وأنا هلأ س2 وعم استنا موادي حتى تنزل وشوف اذا بصير س3 ولا لأ
خليها على الله و الله قاعدة على نار  
بقيان مادتين وهنن بيحددولي مصيري  

خليها لله واللهي شي بجنن


                 

هلئ تركتو ال 52 علامة يلي روحتوهم ولحقتو ال 2 ؟؟؟؟؟؟؟؟؟؟


والله ما كون رئيسة قسم الانكليزي لأعمل النجاح من 60 كمان....... والله مو ناقصنا أساتذة انكليزي هفتانين........ أصلاً لو من الأول كل شي صح والأساتذة فهمانة نحنا ما كنا هيك تشرشحنا وتعذبنا بهالكلية....... بس الطلاب ما بدهم يدرسو....... وأنا بتحدى أي واحد يدرس (عنجد) وما ينجح.......

هلء ممكن ينزل عن معدلو اللي بجيبوا دائماً....... بس مستحيل يرسب.....


هادا رأي.... بتمنى تحترموا

ليش ما حدا عم يستوعب أنو قسمنا ما بيقدم شي......... لحالك لازم تدرس وتتعب !!!! وكلو من الأعداد الزايدة........ ياريت كنا 200 طالب فهمانين .....أحسن من 1000 عم يتسكعوا.......

آسفة عالإطالة وأكيد ما بعرف حدا وما بقصد حدا....... بس رجاءً حاج نلقي اللوم على غيرنا.....بالله عليكم ترجعو لأنفسكم وتحاسبو حالكم وتشوفو ... معقول مو مقصرين ولا 1% ورسبتو......معقول حضرانين كل المحاضرات( ومحضرين قبل ما تجوا) ودارسين قبل الفحص وباحثين عن المواضيع (نحنا مو صف أول ولا طلاب بكالوريا ابصم تتفوق والكل عندو انترنت) وطلاب الانكليزي آخر طلاب بيحقلهم يحكوا عن توافر المواد التعليمية تحت إيديهم.....

وقال على قد بساطك مد رجليك.... يعني اللي بدو يحكي تاني مرة.... يفكر شوي لأنو الدكاترة ما اتفقوا كلهم يحطولوا 48 وأصلن مو فاضيين يفكروا فيكم....... وإذا رجعوا +2 حيقولو الطلاب :
يا حرام رسبت على ال47 ما بيساعدوني بعلامة.... وهلم جراً.....

يلي ما بدو يدرس انشالله عمرو.... ألف واحد بيتمنوا ياخدو محلو... هلء أنا ما عم قول الجامعة ممتازة وموفرة كل شي.... بالعكس بتقرف وما فيها شي بمحلو..... بس متل ما قلت: على قد بساطك مد رجليك.......

تقبلوا رأي ومروري.... أنا ما عم الزم حدا يعتنقوا... وبعرف في مواد تشليف العلامات فيها على أبو جنب (أكيد ما بتكون أتمتة) وكلنا بنعرف ليش الثقافة ما بتتأتمت!!!!!

وهون بدي وجه تحياتي لكل الدكاترة المبدعين يلي عنجد قدروا يفيدونا تحت ظروف القحط يلي غرقانة فيها جامعتنا وقسمنا.... وبخص د. حنان الغفري ، د. أمل عبد المولى، د. ندى زين الدين، أ. محمد غانم ، د.وضاح الخطيب ، أ. علا معطي .

وياريت يلي عم يقول الحضور بلا طعمة يتحفنا بسكوتو..... لأنو إذا هو ما بيفهم عالدكتور مو ضروري يضر ناس ممكن يفهموا ويتفاعلوا......

وطلب أخير.... أمانة اشتغلوا بالصيف على لغتكم.......لأنو بلا فهم (حتى لو تخرجتو) ماحدا حيشيلكم من أرضكم........

احترامي.....

لا حول ولا قوة الا بالله
نحنا عم نعترض عا 48
فشو يعملوا النظام الحديث 60
والله مصيبه
الله يسترنا

شكرا" على هالتعليق moon
و أنا بقدر وجهة نظرك بس نحن لو مالنا دارسين وتعبانين ومتوقعين
انو ننجح ما منحكي نحنا مو طلاب بكالوريا او صف أول متل ما قلت واللي مالو متوقع يرفع
شي مادة مارح يزعل
أنا حملت شيكسبير ومالي زعلانة لأني متوقعة احملها ومالي دارستها
على كل حال شكرا" عالمشاركة الملفتةو انا بحترم رأيك جدا"
تقبلوا مروري
ميشوووووو